ماهو ذنبي ؟؟

part 34

سر سينكشف لعبة الحياة ستعيد نفسها مرة أخرى سينكشف السر حاملا معه أوجاعا كثيرة و آلاما اكثر سنتمنى لو اننا لم نفتحه ابدا لم نفتح صندوق الأسرار ذاك ليجعلنا نتسائل من نحن من نكون هل نحن ربما كنا خاطين في معتقداتنا ستحل عقدة اللغز الأول الآن سهرة ممتعة لكم يا أصدقاء احبكم في الله
#سقوط اول قناع و اول لغز :
انفاجر في الضحك) اه انا على شنو كنتو كتخيلو اه انا اشرف انا اللي درت هاذ اللشي كامل انا اللي خليتكم تجيو برجليكم عندي
أمير: آااي و الله حتى ندمك
اشرف: هههه تاتعرف تنقد راسك من هنا عابش ندمني مسكين ماعارفش انك دخلتي لمنطقتي هاذ البلاصة انا هو الآمر او الناهي فيها كلشي كيمشي حسب الإمرة ديالي
أميرة:(بسباب بريء) ااااي راسي قول ليا على حنا فين دبا
اشرف: نتوما في بلاصة بين الحياة او الموت البلاصة اللي مغتعرفو فيها واش نتوما ميتين او لا حيين البلاصة اللي ماغاتقدروش تخرجو منها كيما دخلتو 😈
أمير: كتضحك معايا (الحمد لله مبقاش كيضرني راسي) والله حتى نت كتعرف تضحك(اومشا جيهت اشرف باش يضربو ولكن تهز تال السما او تردخ مع الأرض) آاااي
أميرة:(كتبكي) خويا فين حنا مبقيت فاهمة والو او فيناهي عائشة او ماريا(اودارت عند اشرف) شكون نت او باش اذيناك واش عمرنا فضلنا راسنا عليك او لا عتابرناك ماشي منا قول ليا هالعار شكون نت او حنا فيه
اشرف : نتي او لا خوتك مادرتو ليا والو ولكن بسباب عائلتك انا خسرت بزاف خسرت ماما خسرت راسي بابا خسرت عائلتي كاملة بسباب والديك او انتوما غاتعاقبو على داك اللشي (شوية تحولو عينيه للأسود ولا كيخلع ) عرفتي اش دارو عائلتك او لا لا
انا اشرف سقر ولد ابراهيم سقر الراجل اللي الناس كانت كتحتارمو بزاف عمرها ذلاتو او هبطات من قيمتو كان بابا او جدك صحاب بزاف لذلك قرر جدك يزوجو لوحدة من بناتو اللي هي خالتك   لمياء  اللي كانت تعرف بذكاءها او فطنتها بالإضافة إلى ملامحها البريئة مكانتش زوينة بزاف كانت بسيطة في كلشي (قاطعاتو أميرة )
أميرة : شكون لمياء معنديش شي خالة سميتها لمياء او ماما لله يرحمها قبل ما تموت عمرها ذكرات لينا انها عندها اخت سميتها لمياء فكيفاش هاذ اللشي ثاني
اشرف: لا عندك خالة او هي كانت صغر من مك مهضراتش ليك عليها حيت تبرات منها مك ما علينا نكمل باش تفهمي مني جا الوالد يتقدم لخالتك اللي هي ماما مك بسباب الغيرة او الحسد ديالها من ختها حيت هي الكبيرة مي عمر شي حد عتب الباب باش يخطبها معظم العروض كانت لخالتك فقط قرات دير شيحاجة باش تخلي جدك يجري على خالتك و هذا اللي وقع جدك في واحد الليلة جرا عليها من الدار حيت شك في أن بنتو اللي هي ماما ضيعت شرفها او ولات عار عليه جرا عليها في نصاصة الليل كانت الشتا خيط من السما فديك الوقت او بينما  خالتك كتدور في الزناقي تعرضو ليها الشفارة او الشماكرية حاولو يتعداو عليها مي الله كان معاها حيت كان الوالد خارج يشري الدوا من الفرماسيان او شافها او عاونها او جابها للدار او بقات معاه مدة تال النهار اللي طلب ايدها للزواج خالتك في الأول عارضات مي قبلات في اللخر او تزوجو مي مك بسباب الحسد مشات عند عمك أحمد اللي هو كان بوليسي او عمرات ليه راسو باش يدخل با للحبس بأي تهمة المهم ما تفرحش بزواجها غير هو لمياء اللي هي مي  كانت حاملة بيا مساقت الخبار تا دوز بابا شهرين في الحبس اللي مقدرش يخرج منو بسبب التهمة اللي لاحو عليه اه عمك أحمد اذى بابا بزاف دار ليه تهمة كبيرة تجارة المخدرات تبييض الأموال او لفق ليه تهمة القتل ديال واحد الشمكار كان عندنا في الدرب شتي هاذا هو الوجه الثاني لعمك او مني جات ماما تشوفو قال ليها ردي البال لولدي او متقوليش ليه اني انا باه باش ما يتعقدش واخا انا ما درت والو ولكن سمحي ليا او مكملش معاها الهضرة باش تصدم اليوم الثاني بخبر انتحارو في السجن قطع الشريان ديال ايديه بواحد الزاجة لقاها في الحبس ماما متحملاتش الخبر بقات مصدومة ولكن تاحد ما زارها لفين هي او لا جا عزاها لدرجة كانو كيدوزو من قدام باب الدار او كيعطيو ليها ببنت الزنقة اللي جايبة ولد من الزنقة اللي باه دخل الحبس او كان كيبان لينا متقي الله او عارف بينو او بين الله مي تفو او كيدفلو على بابنااو يزيدو حاولات ماما هاذ المرحلة او جا وقت نجي لهاذ الدنيا او سماتني ماما اشرف باش تقول للناس ان ولدها اشرف منهم او تسميت اشرف لأنو انا ولد شرعي ماشي ولد الزنقة شحال من مرة ماما تعرضات للتحرش او لا مني تمشي تخدم عند شي وحدة تجري عليها او تسدعليها  الباب مكان تاحد كيعتقنا كانت كتبات هي بالجوع باش تغديني انا او مني دار داك الطفل الصغير 7 سنين بغا يمشي للمدرسة يعني ولا خاصو يتعلم يكتب نكون بحالي بحال عباد الله هنا ماماك كانت تزوجات بباك اللي هو خو أحمد تزوج بيها مي معرف عليها والو دخلت للمدرسة مي مبقاش الألم غافي الدار او لا الزنقة لا ولا حتى في المدرسة عرفتي شنو هو احساسك مي الدراري اللي يقراو معاك يقولو ليك ولد القتال ولد الزنقة يضحكو عليك او لا مني يقولو ليا جيب ولي أمرك جيب باك شنو نقول ليهم او انا مكنتش عارف بابا فين كين او لا شكون هو..
#يتبع

السر بدأ ينكشف سنتمنى لو أننا لم نفتح ذاك الصندوق اللعين صندوك الذكريات لأنه أصبح بمثابة لعنة تطاردنا كلعنة جورجيت و غيرها انه اشبه بكابوس مزعج يجعلنا نكره حياتنا ولكن سنتسائل لماذا انا من اعاني رغم اني لم أفعل أي شيء و لم ااذي اي بشر لماذا يا اشرف ستعاقبني انا ومن معي على ذنب لم ارتكبه لماذا  يا اخي العزيز ما هو ذنبي فيما حدث لك ولعائلتك السنا من عائلة واحدة و من دم واحد ما هو ذنبي في هذه اللعنة الأنني فتاة خلقت من رحمهم ام ماذا ما هو الجرم الذي ارتكبته في حق السماء..#يتبع