ماهو ذنبي ؟؟

part 37

لا احلل النشر بدون ذكر اسمي⚠⚠⚠
الرجوع للواقع
اشرف:(عينيه ولاو حمرين ) انا اللي دفنت ماما بإيديا رميت عليها الثراب تاحد ماجا عزاني حتى من مك اوجدك ما جا واخا جات عندهم اسيل او قالت ليهم انو بنتهم ماتت عرفتي اش قالو ليها حنى  ماعندنا حتى شي بنت سميتها لمياء او جراو عليها اه دفنت مي بإيديا بسباب مك نتي او ياه او لخرى ماتت مي او بسباب اب عائشة من نفس الكاس الللي انا دقت منو هادي 12  عام غاتموتو كيما مت انايا شحال هادي
امير: على نت ميت كيفاش
أميرة: لا مستحيل ماما ديرها راها من اطيب خلق الله
)ياله كان غادي يجاوبهم او هما يسمعو ما صوت من اللور )
...: لا نتي ماعارفة والو على تاريخ مك او عمك الزين
امير &أميرة: اسيل اش كتديري هنا او كيفاش جيتي
أسيل :انا هنا باش نشوفكم كتعذبو كيما تعذبنا حنا كيقولو نار الإنتقام كتحرق الأخضر واليابس او انا هنا باش نشوفكم كتعذبو غادين تسولو علاش كندير هكا اولا حيت لمياء كانت اعز صديقة عندي ثانيا ابراهيم كان خويا واللي ماولداتوش ليا مي ثالتا حيت عائلتك عذبونا بزاف من ورا الموت ديال لمياء
امير: كيفاش ميمكنش ليا نثيق
اسيل: واحد النهار كانت الشتا خيط من السما تعطل عليا اشرف في الزنقة شحال او انا كنتسنى فيه في الأخير لبست الجلابة او خرجت كنقلب عليه حتى لقيتو مسرح في الأرض او الدم خارج من نيفو ياله غانهز راسي حسيت بشي حاجة ضرباتني للراس الللي خلاتني نطيح كاو مني فقت لقيت راسي مربوطة في واحد البيت او حدايا كين اشرف مليوح فوق الأرض حتى كتدخل عندنا واحد المرا زوينة اللي هي مكم كتخروع او تهضر بحالا واكلة لادروغ مفرزتش شنو قالت من غير حاجة وحدة"انا مبغيتهاش تموت حيت هي ختي إهئ إهئ او كنبغيها بزاف إهئ مي الغيرة عماتني بزاف حيت ديما كانو كيستاهزؤو مني او مكيديوهاش فيا واخا هي الصغيرة مي هي كلشي كيبغيها علاش انا لا حتى في اللعب مني كنا صغار ديما كانو كيفضلوها عليا 😂😂 مي انا شنو درت عرفتي مشيت دخلت راجلها للحبس او خليتها ديما مذلولة او ما خليتش باسيدي يمشي للكنازة ديالو او لا ديالها او انا بغيتها تعذب ماشي تموت بغيتها تبغي الموت او ما تلقاهش ^او شافت اشرف اللي مليوح تما^ وينو على ولد ختي كيفاش ناعس ماخاصوش يرتاح خاصكم تموتو حيت نتوما آخر حاجة بقات مي السيرة ديال عائلة سقر غانقتل ولد ختي هو الأول او غانتبعك ليه غاتسناي حيت نتي عايرتيني نهار جيتي باش تقولي لينا الخبر ديال انها ماتت غاتموتي او اليوم قبل غدا أحمد أحمد اجي هز عليا هاد الدري من هنا او لا عرفتي شنو هزهم بجوج خدمة وحدة 😂😂😂😂😂" او هزونا او وانا كنتعاقر معاهم باش يطلقونا مي  والو حتى فاق اشرف او بدا كيغوت انا ستاغليت هاذ الفرصة او ضربت واحد بين رجليه ولكن مي بغيت نهرب باش نعاون اشرف عمك تيرا فيا بالفردي جوج مرات جيهة اللي على اثرثهم طحت ميتة مي آخر حاجة شفتها هي وجه اشرف اللي مصدوم او كيعيط عليا بسميتي
اشرف: من بعد ما قتلوها انا مبقيت عارف والو كنشوف انو مبقى عندي حتى حد كلشي مشا او خلاني حتى من خالتي اللي كانت ليا هي السند ديالي بعدات عليا من بعد موتها لاحوها من فوق الجبل او انا تبعوني وراها بغيت غانعرف واش معندهمش  الرحمة  في قلبهم مي روحنا متحراتش ماغاتحرر تالنهار اللي نقضيو على عائلة العامري بمرة او بدينا هاد اللشي مني تفجرات الطونوبيل ديال والديكم بجوج كلشي كيقول حادث مي حنا كنا سبابو او دخلنا لعائلتك بحال الا حنا منكم عمر شيحد ما شك فينا انو حنا ماشي بشر 10 سنين او حنا معاكم بلاما تشكو فينا او كنخططو من ورا ظهركم كيفاش غانضربو دقتنا القاضية فيكم من ورا ما ختاطفنا بنات عائلتكم الثلاث زائد  وحدة نتوما ماعارفينهاش سميتها ليالي ختكم او توأم ماريا حيت مكم ولدات جوج بنات توأم او قالوليها انو وحدة فيهم ماتت قبل ما تزاد اللي كانت اصلا تخطفات من السبيطار او كنا حنا السباب 😂😂😂 خليناها تعذب فاش تفكر انو بنتها ماتت مي بقات وحدة سماتها ماريا او ليالي كنا ديناها لواحد الميتم او حطيناها تما حتى حان موعد الحساب اكرم اكرم وااكرم
اكرم: نعام بغيتيني  في شي حاجة
أسيل: بغيتك تجيب ليا الدريات اللي الداخل يتعرفو على خوتهم
اكرم : واخة(مشا اكرم جابهم في حالة يرثى لها عائشة شبه فاقدة للوعي عينيها منفوخين بالبكا او زرقين بسباب العصا حوايجها مقطعين مفيهم ما يتشاف او بين رجليها  كيدوز بالدم اما ليالي فمبقاتش كتبان واخة كان اكرم كيتهلى فيها مي واخة هكاك شعرها ولا حالتو ايديها زرقين بالضرب او حوايجها مقطعين او كتطلع النفس غابزز).
امير: (مخلوع اومشا عند عائشة او ليالي ) عائشة ماريا مالكم اش واقع ليكم
اميرة: (مقدراتش تزيد خطوة وحدة كتفرج غامن بعيد )
أسيل:(كتضحك) هادي اسيدي ماشي ماريا ولكن ليالي خت ماريا التوأم كيجاتك كتشبه ليها ياك
امير: اشنو هادي ماشي ختي ماريا
أسيل: اه ماشي ختك
امير: فينا هي ختي ما جبتوهاش ليا
اشرف: ختك ماتت الله يصبركم(او بدا كيضحك*
امير: عاود عاود والله الا ما خرجتي ليا ختي دبا تانتفاهم معاك
اشرف: ختك باح مشات شوف دبا اللي قدامك كيفاش غاتخرجهم من هنايا
أميرة : شوف سكت دبا من بعد او نقلبو عليها نخرجو بعدا هادو او يكون خير
امير: واخة ان شاء الله ياله كيفما واعدتيني خليني نخرج دبا
اسيل: لا ماغادي فين حتى تشوف ضيف مميز
امير: شكون هو
أسيل: عمك شكون من غيرو 😂😂😂
اميرة: ياك مبغاش يمشي
أسيل: نتوما ماشي انا
أميرة: ولكن علاش ما عرفكش عمي ياك هو اللي قتلك
أسيل: حيت بكل بساطة الذكية بدلت الملامح ديال وجهي او خديت الملامح ديال واحد البنت كانت دارت كسيدة او ماتت او انا خديت  الجسد ديالها صافي
اميرة: انا دبا كنت عايشة مع الأشباح طيلة حياتي او ماسايقة خبار
)شوية ليالي حلات عينيها هي او عائشة )
ليالي: اي راسي فين انا
عائشة :امير هادا نت او لا انا باقة كنحلم
امير: لا نتي مكتحلميش انا جيت باش نعتقك نتي او ماريا او هادي اللي حداك
عائشة: كنبغيك بزاااف معرفتيش شنو دازعليا من وراك(او بدات كتبكي)
امير: شوت صافي سكتي
)شوية كيبان لينا احمد  مدخلينو شي بوديكارد )
عائشة : بابا مالك اش كتدير هنا
أسيل: واو على فرحة واخيرا تجمعات العائلة الملكية او غانتفنن في التعذيب ديالهم
اشرف: اه اخالتي فرحت و اخيرا سارلا كارلا اكرم ياله اجيو
اكرم:نعام بوص
سارلا: هانا جيت
كارلا: بغيتيني فشي حاجة
اشرف: سيرو فرقوهم او جيبو ليا عائشة لهنايا
)مشا كل واحد منهم  شد شيواحد من العائلة سارلا  شدات ليالي كارلا شدات اميرة اكرم شد أمير اما أسيل فشدات أحمد او مشا اشرف عند عائشة او وقف حداها )
اشرف: ياله حان وقت العقاب (بأن ليك كلشي هز الفردي او حطو على رأس اللي قدامو) نتي دبا اللي غاتعتقيهم او تعتقي راسك ولكن خاصك تضحي بشي حدفيهم (او عطاها الفردي ) ياله عندك دقيقة وحدة باش تختاري شكون غايموت او لا كلشي غادي يمشي
عائشة : عفاك لا الا هادا
أسيل: ياله ختاري او لا نقتل ليك باك او عائلتك سربي
امير: شوفي تيري فيا انا حياتي ما شي مهمة قدكم نتوما
ليالي: شوفي ختي واخة مكنعرفكش او كل عرفتش الصلة اللي كتجمعني بيك مي قتليني انا حيت معنديش شي صلة بيكم
عائشة :(كتبكي ) سكتونا خليني نفكر بابا انا ديما كنت معتابراك بابا تالنهار الي عرفتك على حقيقتك حيت اصلا عمرك كنتي السند ديالي    ديما كنتي تابعها اوا خليها تنفعك دبا أميرة نتي ديما كنتي الأخت او السند ديالي فينما بغيتك كنلقاك أمير نت ليك مكانة كبيرة في قلبي كنت كنبغيك بزاف او غانبقى نبغيك للأبد ليالي انا عمرني ما عرفتك مي كونت معاك واحد الصداقة زوينةفيكم فيوقت الشدة هاداك لدلك سمحو ليا بزاف حيت خاصني نختار واحد فيكم او نخلي لخرين يعيشو بسبابو( او ضغطات على الزناد) طراخ
...: لاااااا
#يتبع
في نظركم شكون من هادو اللي قتلات عائشة