البارت 42
لا احلل النشر بدون ذكر اسمي وصال بروان ☡☡
ماريا:علاش انا كيوقع ليا هكا باقة مامتيقاش انك عايش قالو ليا انك متي
الدون: واش نبقاو نعاودو ليك في القصة
ماريا: لا لا صافي اجي شنو غانديرو في هادا راه ضروري ما يعرف قصة هديك اللي كيقول ليها خالتي خاصو يعرف قصة هديك اللفعة شوف راه بدا يفيق
اشرف: اي شنو وقع ليا(هز راسو فيهم تخطف فيه اللون)
الدون : مالك هكا بحالا شفتي عزراين قدامك
اشرف: نت.. اشنو..كدير هنا
الدون: واش مكنتيش متوقع اني نجي نشوف ولد خت مرتي
اشرف: مابقيت عارف والو ممكن تشرحو ليا ولكن اولا انا ماعندي حتى علاقة بعائلتكم لا من قريب أو لا من بعيد
الدون: ولكن واخا هكاك راك حامل الدم ديالنا ديال السلالة ديالنا او اللي ولداتك راها من عائلتنا
اشرف: انا اللي كنعرف هي اسيل
ماريا: الله يجيبك على خير هديك راه لفعة في صفة انسان
اشرف: مانسمحش ليك تقولي عليها هكاك هي خالتي هي اللي عاونتني مني كلشي تخلا عليا
ماريا: ههه ضحكتيني واش في خبارك شكون الا قتل عائلتك
اشرف: اه عائلتك كاملة قتلاتها
ماريا: لا ماشي حنايا واخا عندنا واحد الدخل في الموت ديال عائلتك مي اللي كان عندو المصلحة الكبيرة في هاد اللشي هي خالتك هي اسيل
اشرف: سكتي واش باش تغطي على الغلط ديال والديك كتحطي اللومة على حد خر نتوما مستحيل تكونو بشر
ماريا: كنت شاكة مي دبا تأكدت انها دارت ليك غسيل الدماغ او التنويم المغناطيسي مسحات ليك جزء من ذكرياتك كاملة
اشرف: كتضحكي عليا ياكي وايني نكتة زوينة هادي
الدون: ماقالتش ليك خالتك انها كانت كتقرا على كيفية غسل الدماغ او كانت طالبة في كلية التنويم المغناطيسي
اشرف: او باش عرفتيها اسيدي
الدون: حيت بكل بساطة كانت كتقرا معايا
ماريا: او نزيدك اسيل كانت كتبغي ابراهيم الله يرحمو مي هو ماكانش سايق ليها الخبار حيت كان كيبغي مك الله يرحمها بزاف او هي مني جات عتارفات ليه بحبها ليه رجعها بطبيعة العلاقة ديال الاخوة اللي كتجمعهم بجوج
اشرف: لا مستحيل
ماريا: حاول تذكر مزيان حيد التأثير ديالها عليك او غاتعرف الصح من الغلط
اشرف: لا لا راسي كيضرني بزاف غادي يترفقع عليا سكتو شووت ماتزيدوش حتى شي كلمة سكتو( هز راسو مالقاهمش لقا غالريح كيضرب ) فين مشاو هادو اووف خلاو في راسي بزاف ديال الأسئلة صافي غانمشي نسول خالتي هي اللي غاتجاوبني مي باقي راسي غادي يطرطق عليا اوووف (شداتو الدوخة او عاود طاح غيب)
اصبح و اصبح الملك لله
مني فاق اشرف لقا راسو فوق الناموسية او كلشي دايرين بيه
لويس: خلعتينا عليك اصاحبي
اشرف: علاش شنو وقع البارح
لويس: كنت دايز من حدا بيتك او انا نسمع شي حاجة دارت زداف مع الأرض هرست الباب او دخلت لقيتك نت مسرح على الأرض بدون حراك شنو وقع اصاحبي
ماريا: على سلامتك السي اشرف
اشرف: الله يسلمكم مي بغيت نبقى بوحدي مي نتي( لماريا ) بقاي بغيت نهضر معاك
ماريا: خاصك تحتارم المكانة اللي انا فيها هضر باحترام معايا
اشرف: اووف صافي الله يجازيك بالخير لما بقاي بغيت نهضر معاك او نتوما تهزو من هنايا راه باقي ماغانمشيش
لويس: ياك اصاحبي كتجري علينا
اشرف: باقي ما جريتش عليك مي الا بغيتي واخة شكون عندو السباط كيتحيد دغيا
لويس: صافي صافي هاني غادي ياله نتوما معايا
اشرف: او سد من وراك الباب
لويس: اهاه عابش عقت باغي ترومانسى ليا هنايا نعذرك اخويا انا شفت الزين دخت
ماريا:برا او لا غاتلقى راسك معلق الفوق
لويس: ( لماريا) الفقيه اللي نتسناو براكتو دخل الجامع ببلغتو( ما شعرش حتى شيرات عليه ماريا بصباطها)
ماريا: يالاه اوت برا
لويس: دبا نرجعها ليك
#يتبع
أنت تقرأ
ماهو ذنبي ؟؟
Paranormalقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
