القصة : ما هو ذنبي
الكاتبة :وصال بروان
لا احلل النشر بدون ذكر اسمي ⚠⚠
أمير: قادي فمك حسن ما نقادو ليك راسي
أميرة: سكت او انت فيك غالفم بلا فايدة بحالك بحال حليب الحمارة ما تنفع ما تضر
أمير:(دار فيها واحد الشوفة كون كانت قرطاس كون قتلاتها) اوف صافي سكتي هاني كنقلب غير لقيتيني مامساليش ليك اما كون رديت ظهرك رطب من كرشك
أميرة : صافي غازكا لقيتهم اما كون عولت عليك كون بقينا تم ياله جيب الورقة او اجي
(الكاتبة : أميرة مالكي اختي مال فمك حارقك ما غاتهناي تاتاكلي شي قتلة من عندو
أميرة: مكنديرهاش بلعاني راه لساني مبري مني لساني طويل
الكاتبة : لسانك خاصو يتقطع الله يعفو عليك او علينا منك)
(أميرة شدات دوك الحجرات او جمعات شوية من الوراق ديال الشجر بالإضافة للشال اللي دايرة على عنقها او بدات كتحك الحجرات مع بعضياتهم حتى نطق سيدكم أمير)
أمير: اش كتديري اديك الموصيبة
أميرة: كنشطح القرودة مكتشوفش
أمير: دخلنا عليك بوجه الله لاش هاد الشي كامل
أميرة: واش مقريتيش في التاريخ على كيفية ايجاد النار عند الإنسان البدائي ياك قال لينا البروف انو احتكاك حجرتين خشنتين مع بعضياتهم كيعطينا شرارة هي باش كنشعلو العافية
أمير: على انا كنت كندخل اصلا كيجيني ممل الصراحة لله
أميرة: باينة شوف عطيني واحد شبرديال التيساع خليني نعرف شنو كندير راه بقات دقيقة وحدة
(أميرة بقات مضاربة مع دوك الحجرات حتى قدرات تشعلها او هي ترسم ابتسامة رضى على وجه أمير)
أمير: والله حتى اليوم عابش عرفت انو عندي توأم مكاينش منو جوج
أميرة:شوف غاسكت او عطيني ديك الورقة
أمير: هاهي
(شدات أميرة الورقة او قرباتها للعافية او خلات أمير يقراها)
أمير: هنا دفنت روح طفل بريء وكل عائلته الصغيرة ،هنا قسم ذالك الطفل لعنةعلى ان يكون لعنة على من عذبه و قتل فيه تلك البراءة و الطهارة هاته الأرض الملعونة شهدت على أكبر مجزرة في تاريخ البشرية هاته الأرض التي اقف عليها كانت كالشاهدة الخرساء على موتي و موت احبائي بدون رحمة بسبب جلاذ لا يعرف سوى القتل فافتحي ابوابك الثمانية لزائرينا يا من احتويت على دمي الطاهر و رويت به عطشك و عطش اشجارك الأخر لتتحرر روحي الى العالم الأخر عالم الحياة و الموت ولكن احذري فمن يدخل من تلك الأبواب الثمانية لا يعود كما كان و سينال كل من طعنني في ظهري و خدعني عقابه مرة أخرى تحت هذا القمر اللامع انها ليلة اكتمال القمر
أميرة:(مصدومة) شنو هاذ اللشي اخويا
أمير: ماعرفتش انا غاقريت حسيت بشي حاجة جذباتني ليها بحال المغناطيس مبقيتش كنقدر نوقف حتى كملتها في القرايا
(فجأة لون السما تغير ولا كحل او القمر ولا اللون ديالو كيشبه لون الدم أو بدات الأرض كتحرك او كيخرج منها باب كبير فيه شي كتبة ممفهوماش)
أميرة: شنو هاد اللشي ياربي اللي كيوقع أمير شرح ليا قول ليا غا كنحلم
أمير: شوفي شنو مكتوب تما
أميرة: فين ؟
أمير: فوق الباب
أميرة: ما فهمتش الكتبة ؟
أمير: بالطبع ماغاتفهميش حيت مكتوب بالعبرية المكلخة(رجع ليها الصرف)
أميرة: اواشنو كتعني السي الفهيم
أمير: مكتوب هنا دفنت عائلة ابراهيم سقر عام 1945
أميرة: او شنو علاقتنا حنا بهاد سقر او لا ضبع
أمير : بلاتي نكمل ليك شتي ديك العلامة اللي الفوق راه كتعني مرحبا بيكم في قصر الجحيم القصر الذي لا يغادره احد الا وهو ميت لتظل روحه معلقه في هاته الأرض الملعونة فلاتتحرر الا عن طريق موت انسان بريء اخر
أميرة: ولكن..
#يتبع
أنت تقرأ
ماهو ذنبي ؟؟
Paranormalقصتي ماشي بحال القصص اللي كتعرفو كتستهوي المراهقين ديال اليوما هاد القصة كتكلم على بنت ما شفقاتش عليها الدنيا او ما حناتش فيها ظلماتها قسات عليها يتماتها شرداتها او اخدت اعز ما عندها خدات مها او باها برائتها طهارتها غادي نخليوكم تعرفوها كثر في القصة
