ماهو ذنبي ؟؟

البارت 50

ماهو ذنبي 👑👑
الكاتبة وصال بروان
لا احلل النشر بدون ذكر اسمي وصال بروان ☡☡
البارت 50
يوري: كنت راسمة احلام وردية بحالي بحال قاع البنات اللي في عمري تانا كنت كنحلم انني نتزوج براجل زوين او يعيشني في سعادة بحال افلام ديزني ولكن علاش في الرسوم مكيوريوناش الحقيقة علاش في الرسوم كيبينو لينا امير بغا بنت الشعب او دار المستحيل باش ياخدها تحدى العالم كامل علاش ما يوريناش شنو كين في الواقع علاش في القصص كيوريونا غير الجانب الزوين ااااااه شحال تمنيت كون كان داك اللشي مجرد كابوس اللي نقدر نفيق منو في اي لحظة او تجي ماما تقول ليا نوضي ابنتي بسم الله عليك او تنعسني في حجرها او تلعب ليا بشعري مي الواقع حاجة خرى كنت الا مافقتش على لوستي كتصبني بالمعيور باش نوض نطيب ليهم الفطور كنوض على صوت زوجي الستيني الحنون كيغوت حيت باغي عكازو او هكدا توالات الأيام في الليل كيضربني الا ملبيتش الرغبة ديالو او في الصباح تمارة او المعيور او لا جيت نهضر كيقولو ليا نتي شكون نتي نكرة نتي اللي واليديك لاحوك لينا بحالا نتي عالة عليهم او خداو في بلاصتك الفلوس نتي مجرد خدامة عطينا عليها الفلوس باش تبقى تحت رجلينا فكنضطر نسكت او نديراللي قالو ولكن وقعات شي حاجة اللي كنعتبرها خطيئة لا لا ذنب مستحيل يتغفر حيت بسبب هاد الإغتصاب الشرعي اه كنعتابرو اغتصاب شرعي حيت هو راه اغتصاب طفولة برائتي طهارتي دنسها شيخ ستيني مني حط ايديو على بنت صغر من بناتو وليت حاملة ثمرة هاد الجريمة الشنعاء في بطني مني سقت الخبار كانت عندي ديك 14 عام اه 14 عام سقت الخبر انني سأصبح عن قريب أم ولكن طفلي مكان عندو تاشي ذنب في هاد اللشي كامل سوى انو غادي يجي لهاد الدنيا او غادي ينور ليا حياتي كنت كنحلم كيفاش غانولي ام صغيرة او كنصنع احلام وردية مع ولدي اه عرفتو غادي يتزاد ولد واخا مبغيتش ليه هاد العذاب اللي دزت منو مي كنبقى ام حيت الأمومة بالفطرة هادا هو اللي كنختالفو بيه على الرجال ولكن مني ساقو ليا الخبار اني حاملة بولد متقبلوش الفكرة حيت كانو باغين بنت ماشي ولد كيفاش كيضحكو عليا هادو بغاو يضحكو عليها كيما ضحكو عليا انا او زوجوني لهاد الكهل الستيني ولكن مقبلتش قلت ليهم انني غانبقى حاملة بولدي باغياه يجي لهاد الدنيا بغيت نلعب معاه بغيت نهزو او نلعب بيه مي شنو اش دارو هما ناضو سدو عليا في بيتي منعو عليا الما او الشراب حتى نقبل نطيحو مي مقدرتش ماشي غاهاد اللشي فالأبشع من هذا ناضو دخلوني للكوري ديال البهايم او حطوني فيه غير الريحة ديال الخنز كانت كتجيب ليا التقيا خلاوني فيه يوماين بلا ماكلة غير بالما كانو كيكتافيو يحطو ليا غالما صافي تانقبل نطيحو شنو دار ليهم ولدي شنو هو الذنب ديالو او هو باقي تاماجاش على الدنيا باقي ماشافش لا مو لا والو باقا كنعقل اخر مرة كانت ليا مع ولدي كانت الشتا خيط من السما مني دخلو عندي للكوري جوج رجال كبار ربطو ليا ايديا بجوج ماكانتش عندي تاشي قوة باش نمنعهم حيت ثلت ايام بالجوع راه كفيلة بأنها تاخد كل طاقتي هزوني او رجعوني لبيتي مي تفاجأت بأني لقيت جوج بنات لابسين طابلية بيضاء تماما او وحدة هازة ابرة كتعمر فيها او لخرى كتقاد الناموسية ديالي بقيت كنغوت بالطاقة اللي بقات عندي شنو كاين لاش جبتوني هنايا شنو واقع شكون نتي مي لا جواب تاحسيت بشي حاجة دكاتني في ظهري اللي بسبابها طحت ماعقلتش على شنو وقع من بعد تاضرباتني الفيقة مالقيت حدايا تاحد من غير انهم معلقين ليا السيروم او كينة طبيبة حدايا واقفة كتسولني ولكن حسيتي بتغيير فيا مبقيتش كنحس اني في كرشي شيحاجة كأن ولدي مشا او خلاني 《 يوري:(كتقلب في كرشها) فيناهو ولدي مبقيتش كنحس بيه
الطبيبة: ( نخلاتها او كملات شنو كانت كتدير)
يوري: راني دويت ياك مدرتو ليه شيحاجة( او حطات ايديها على كرشها) ياك اولدي نت باقي في كرشك ماماك ياك ممشيتيش او خليتيني حيت غادية نتسطى مافيهاش الشك واتي دويت معاك شنو درتو ليا
الطبيبة:(بملل) 😑 درتي عملية اجهاض الزوينة
يوري: كتضحكي معايا ياكي
الطبيبة: لا والله مكنضحك معاكي كنقول الصراحة
يوري: ولديييييي جيبو ليا ولدي شكون قال ليكم قربو ليه قلتها ليكم انا وابغيت ولدي غادية نقتلكم كاملين غادية نتاقم منكم كاملين علاش ديتو ليا ولدي علاش بعدتوه عليا شنو درت ليكم انا شنو درت ليك انا باش اذيتك
الطبيبة: واتي رصاي راه غاتكون مضاعفات عليك الا بقيتي هكا حيت اصلا نتي حملتي او درتي اجهاد باقة صغيرة او الجسم ديالك يقدر ما يتحملش هاد اللشي كامل رصاي وايني مشكيلة معاكي حتى نتي( يوري بدات كتضرب وجهها او ايديها جاتها هيستيرية فكرة انها ماغاتشوفش ولدها او تلعب معاها لا فكرة انو منقذها مشا كتبغي تجننها اللي خلات الطبيبة تدك ليها برة باش تهدن ) اووف صافي هنيتيني دبا يخخ #يتبع