ماهو ذنبي ؟؟

البارت56

ماهو ذنبي
الكاتبة وصال بروان
لا احلل النشر بدون ذكر اسمي
عبد القادر : سجل يا تاريخ زيد لا باقي شي ماقلتيهش اي كلمة قلتيها غاتكون ضدك نهار نمشي عند المقدم   
الحسن : صحبة الويل هادي   
عبد القادر : تهز من گدامي او انت درتي ليا فيها محاضرة على الأخلاق منين كنتي كتبيع الحشيش او الكيف او حتى لادروگ ماكنتيش كتفكر في والو باغي غير تربح الفلوس او دبا مابغيتيش تعاون هاد الناس تهز قدامي او لا نتقلب على صاحبي   
الحسن : منين عرفتي المحاضرة ؟؟  
عبد القادر: كنتفرج في التلفزة او سمعتها ياله دبا انا كنتسناك زرب لا يموتو قبل ما تعتقهم طيييير  
الحسن مشا كيجري او بقى عبد القادر  معاهم 
دازت دقائق او عبد القادر باقي كيتسنى في صاحبو الحسن يجي او ما يغضرش بيه او كل ثانية كيقلب دوك جوج الأشخاص اللي كانو باقين عايشين اما الشخص الثالث اللي هي بنت ماعارفينش واش عايشة او لا ميتة او ماعارفش تاشنو يقدر يدير حيت مابينو او بين الإسعافات الأولية غالخير او الإحسان حياتو كاملة تتمحور على النعاس او الصلاة او الماكلة او الخدمة اللي فيها كيمارس الهواية ديالو اللي هي الصيد او القنص عندو سمعة طيبة في الدوار او معروف بمساعدة الناس عكس صاحبو الحسن اللي كتبان ليكم الشخصية ديالو انو اناني ولكن الحبس اللي خلاه يولي يقول انا راسي أنا ثم أنا او يمشي العالم للجحيم ولكن مايقدرش يغضر بصاحبو او هاد اللشي اللي مخلي عبد القادر مرتاح نسبيا واخا عندو واحد النسبة ديال الخوف الا خلاه او عطاه بظهرو 
عبد القادر :  بففف شفت هذا باقي ماجاش ( او دارت ليه في دماغو) عنداك تكون غضرتي صاحبك الحسن
....: ماغضرتكش دور شوف شكون جبت معايا 
عبد القادر : ذكر الكلب او وجد الزرواطة كنت عارفك ماغاديش تغضرني 
الحسن : بلاما تبدا نعتارف ليا دبا او خلي الدراري يديرو خدمتهم 
- واخا 
واحد من دوك الدراري: مالهم هادو اعبد القادر عنداك تكون نت اللي ضربتيهم 
الحسن : هاللي قالت الشوافة ياك قلتها ليك 
عبد القادر : ولدي هز هز دوك الناس مع صحابك او ياله نديوهم عند مي فاطنة او بلاما تبقى تسول حتى يفيقو او هما يقولو ليكم شنو وقع ليهم .

كل جوج دراري هزو بنت او مع الدري شوية ثقيل بقاو كيتناوبو عليه حتى وصلو لدار مي فاطنة 
دق دق دق دق
( صوت من الداخل:  اتا غير بالشوية لا تفرعو الباب 
دق دق
حلات عليهم مرا كبيرة دايرة زيف حياتي او باين منو زغيبات ديال الشيب يحكيو ليك على حياتها كاملة اما التجاعيد اللي مالية وجهها  تحكي ليكم قصة أخرى أو كيفما كيقولو الا مشا الزين كيبقى حروفو فهاد المرا واخا هاد التجاعيد كاملة الا او انها واخدة حقها في الزين 
المرا : مالنا ياك لاباس درتو ليا دقان البوليس 
عبد القادر : سلام مي فاطنة محتاجين ليك ضروري 
المرة : ياكما مرتك حاملة او غاتولد عارفاك ديرها او تفوتها لهيه 
عبد القادر : لا لا دوك جوج دراري اللي عندنا الله يجعل الباراكة جيناك في حاجة اخرى 
الحسن : كنا غادين نصيدو كيف ديما نترزقو الله او حنا نلقاو 3 ديال الناس طايحين في الغابة على الحجر او دمهم كيشرشر جوج بنات او ولد او جينا عندك حيت نتي الدار الكبيرة او ..
مي فاطنة : واخا دخلوهم للصالون او حطوهم في الأرض غانسخن الما وانا معاكم 
الحسن :علاش غادية تسخني الما 
مي فاطنة : نمسح ليهم الدم باش نشوف فين مضروبين او نشوف  قداش الضربة او شكون فيهم اللي عايش ولكن سير علم المقدم بعدا لا يجي يدير ليا مادارو للطبل نهار العيد 
عبد القادر : غير عتقيهم انتي ياك او انا غانمشي نعلم المقدم او قصرية ديال كسكسو على حسابي غاعتقيهم امي فاطنة 
الحسن : اش كتقول نت 
عبد القادر : زيد قدامي او سكت  
الحسن : هانا تابعك نشوف  فين غادي نوصلو ( او مشاو) 
مي فاطنة :دخلو اولادي دخلو وانا غانفرش فين غاتحطوهم في الصالون 
واحد من الدراري : واخا امي فاطنة ولكن راه والله حتى فينا الجوع ماواكلين والو 
مي فاطنة : ههه غادخلو غادخلو نعتق هادو او نطيب ليكم ماتاكلو غير زيدو قدامي 
في واحد البلاصة اخرى بالضبط طايحة بنت مقطعين ليها حوايجها او لحمها كامل زرق او كتقول هضرة ما مفهوماش طايحة قدام الطريق السريع او رجليها كاملين عامرين دمايات او مضروبين حتى كتوقف قدامها واحد الطونوبيل كانت غادية مكسيرية خرج منها دري طويل  
 الدري :( تحنى عندها ) ختي ختي واش معايا كتسمعيني  
البنت : هممهمهمهمهم 
الدري :( هز ليها راسها عندو  او تصدم ) مارياااا  
ماريا :همهمهمهم 
الدري : شنو واقع ليك مالكي كاع عامرة حرادي او او دمايات ماريا واش معايا اووووف الله ياربي الله فين مشيتو فين هو امير بفف اش كنقول هي كاعما عاقلة ( او هزها او تما غادي بيها الطونوبيل او كسيرا او خلا العجاج موراه )  
#يتبع