بنوته عاديه عايزه تلتزم

لكل بنوته حابه تلتزم

*أزاى تكونى بنوته ملتزمة* ؟😍

معلش هو البوست طويل شويه بس مفيد جدا😘❤
عايزة تقربي من ربنا بس مش عارفه تبدأي منين؟
نفسك ربنا يرضى عنك؟😊
🎀اقولك....
احنا هنعمل خطة و هنبقى منظمين😀🎉📙... عشان الواحد لما بيمشي بالبركة كده بعد شويه بيقف 😔📙✋
👈📙بس في الأول عايزين نحفظ الأحاديث دي عن ظهر قلب عشان هتساعدنا كتير بعد كده😍😍...

🎉( *أحب الأعمال إلى الله أدومها و إن قل* )

🎉 ( *لا تحقرن من المعروف شيئا*)
يقول الله تعالى في الحديث القدسي :
🎉( *أنا عند ظن عبدي بي ، وأنا معه إذا ذكرني ،فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منهم ، وإن تقرب إلي شبرا تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة*)

*ثانياً*....
نعمل وقفة كده مع نفسنا ونتوب من ذنوبنا😢❤....حتى لو رجعتي للذنب تاني غصب عنك😔..مش مهم ارجعي وتوبي ده ربك *توااااب*❤😍
🎀ندخل بقى على خطواتنا📙✋

💕كل انسان له طريقة يقرب بيها من ربنا......

📙👈مثلا انا بحب الصيام جداً و الصيام عندي اسهل من اني اصلي ركعتين سنه👌📙.....

👈📙غيري بترتاح في قراءة القرآن جداً بس مش بتقدر تصوم✋📙...

👈✋غيري بتتصدق كتير و هكذا...

🎀فجربي و نوعي في العبادات لحد ما تلاقي نفسك في عبادة معينة..وبعد كده داومي عليها😍
ماشي😘

دلوقتي الحاجات اللي هنقولها دي اساسيات يومية تداومي عليها 😍📙
وهنشرح كل نقطة بشوية تفصيل::
1⃣اول حاجة الصلاة 😀😀
و دي هتنقسم لحاجتين ✌

🔴 *التركيز في الصلاة المفروضة* + *الصلاة بعد الاذان على طول* 👌...

??🏻مين مننا مش بيجيله الشيطان و هو بيصلي و يخليه يسرح في الطبيخ و الدراسة و اللي بيحصل في البيت 😭😭الخ

#الهدف: مجاهدة النفس و محاولة طرد الافكار دي و التركيز في اللي بنقوله📙💪
لازم نبقى عارفين ان محدش بيوصل للخشوع في الصلاة كده من اول مرة👋..
#النهاردة هركز في الفاتحة, بكره هركز في الركعة الاولى , بعده هركز في ركعة و نص و هكذا لحد ما اوصل ✋💪...
*طيب ممكن نعمل ايه عشان نركز في الصلاة*😟؟

🌹 نعمل لنفسنا ركن في الاوضة و نفرش فيه سجادة صلاة- هو ده هيبقى المسجد بتاعك😀✌

🌹 نتوضأ بالراحة و نتقن الوضوء😉.

🌹 ننوع في السور اللي بنقراها

🌹 لو بتصلي بسرعة بطأي شويه, فكري في كل كلمة بتقوليها✌📙.

🌹تخيلي نفسك واقفة قدام ملك عظيم☝
- بتشكريه و تحمديه و تسبحي له, افتكري ايام امتحانات الشفوي بتبقي عاملة ازاي😢

🌹نحتسب عند ربنا المجهود اللي بنعمله عشان نخشع في الصلاة😍👌.

🎀طيب نصلي بعد الاذان ليه؟

عشان *أحب العمل الى الله الصلاة على وقتها* و لو ما صليناش ورا الأذان على طول هنكسل و نفضل قاعدين للصلاة اللي بعدها و هنضطر نكروت الصلاة و نصليها بسرعة😔😔

💕 *ومننساااش أذكار بعد الصلاة لأنها بتجبر تقصيرك في الصلاة نفسها*💕

2⃣ السنن ( الضحى - بعد/قبل الصلوات المفروضة - قيام الليل)

🔴#الضحى: دي سنة, وقتها من بعد الشروق بربع ساعة الى قبل اذان الظهر بربع ساعة - عدد ركعاتها من اثنين الى ثمانية 👌

💕 *صدقة عن كل مفصل من مفاصلك💕👌
🔵#السنن_الرواتب😉: ركعتان قبل الفجر - 4 ركعات قبل الظهر- ركعتان بعد الظهر- ركعتان بعد المغرب - ركعتان بعد العشاء.

💕 *ومتكسليش ده هيتبنيلك بيت في الجنة😍*💕

⚫#قيام_الليل او #التهجد: هي الصلاة من بعد العشاء لقبل الفجر✌📙✌📙✌📙 - عدد ركعاتها مفتوح و اقل حاجة ركعتين📙👌 - 🎉بتتصلى إزاي:
ركعتين و تسلمي و بعدين ركعتين و تسلمي و هكذا
و بعديها #صلاة_الوتر ركعة او 3 او 5 او 7 😍..

🎉#التهجد:
هو قيام الليل بس الفرق ان التهجد بيكون بعد النوم 😴- يعني بعد العشاء لو نمتي و صحيتي صليتي يبقى اسمه تهجد
💕 *متنسيش تدعي في القيام*💕😉

3⃣ندخل بقى على الصوم😁:
📙👈
           عندك الاثنين و الخميس
     و الايام الـ13 و 14 و 15 من كل شهر
هجري🙈📙👌

📙في الأول طبعا هتتعبي و تعطشي😅 و اول ما تفطري هتاكلي كتير بس بعد فترة هتلاقي نفسك بقيتي تستحملي و خلاص مالكيش نفس تاكلي حتى بعد المغرب😍😍😀👌
وده حلو علشان الدايت😂😀✌
😉..ومتنسيش للصائم دعوة لا ترد*👌😍📙

4⃣ورد #القرآن يا غالية ولو صفحة بس كل يوووم قراءه😘😍👌
💕 *مش عايزيبن نبقى هاجرين للقرآن*💕😭
5⃣#أذكار_الصباح_والمساء:
حصنك✋📙...إوووعي تكووني بره الحصن😣📙

6⃣ #بر_الوالدين😀😀

🔴لو احياء:
نكلمهم كويس مهما عملوا - نساعدهم - نبوس ايديهم - نفرحهم- تسلم ايديكي يا ماما - ربنا يخليك لينا يا بابا
و مهما عملوا نعاملهم بما يرضي الله😍😍
💕 *بلاش عقوق لأنه من الكبائر😭💕

🔴لو اموات:
نستغفر لهم و ندعي لهم بالرحمة💕
7⃣صلة الرحم😀😀
بالتليفون - بالانترنت - بالزيارات - بالخروجات - بالتهنئة في المناسبات ☺
هااااااا لو خلصتى قرايه اذكرى الله 😊😊💐🌺
نور🌸

https://www.facebook.com/nour.na.9400984
https://t.me/joinchat/FcCwg0umgbBLSzHkXycogA