من الحاجات اللى خليتنى ابكي حرفياً💔
.
.
في ساعة فضفضه مع واحد صحبى ..
بقوله ايه اغرب موقف مريت بيه في حياتك ؟! .. قالي تصدق بمين ؟! قولت لا اله الا الله ..
قالي ف يوم كان عندي أرق .. الساعه ١ او ٢ بالليل .. اقوم اخد دش .. برضه قرفان .. مش عارف انام ولا مرتاح .. قولت انزل اتمشي شويه ف الشوارع .. عديت علي مسجد ع الطريق .. عربيه مرسيدس أحدث موديل واقفه قدامه .. وباب المسجد علي غير العاده كان مفتوح .. دخلت بهدوء .. حسيت براحه نفسيه عجيبه .. لقيت واحد لابس بدله ومتشيك .. وواقف بيصلي ورافع ايديه للسما.. وسامع شهقته ونهنهاتُه وعياطه .. بيقول اغفرلي ! :'(
معنديش غيرك اروحله يغفرلي .. ارجوك يا رب تغفرلي .. بيلح زي الطفل .. مكنش يعرف اني ف المسجد .. قولت اقعد شويه .. ركنت علي عمود المسجد .. اقسملك بالله النوم جاني ازاي معرفش .. اتخطفت .. حلمت اني في نفس المسجد .. ونايم نفس النومه وضهري للعمود .. وجالي واحد يصحيني .. بكل هدوء .. بصيت بإستغراب .. انت مين ؟! :-o
قالي : انا رسول الله .. وطيت علي رجله بوستها .. قالي قوم .. قول للشاب اللي بيصلي .. وبيدعي ربنا انه يغفرله .. رسول الله بيبشرك بالجنه وبيقولك : قبل الله توبتك و غفر ذنبك وجعلك كيوم ولدتك أمك .. واختفي !
.. صحيت من النوم جريت ع اللي بيصلي .. لقيته خلص .. قولتله اللي حصلي وازاي جيت المسجد وان ربنا جابني لحد هنا .. ونمت ف المسجد وجالي رسول الله في المنام وباعتلك رساله بيقولك فيها :ربنا قبل توتبتك وغفر ذنبك .. وانك جاره في الجنه .. لقيته بكي كأن ماتلُه حد وسجد .. وفضل يقول .. آآآآه آآآآه .. رحمتك يارب .. رحمتك يارب .. حضنته .. اتمنيت يكون عندي قلب رُبع قلبه .. جُزء من شعور الندم اللي عنده .. انضف شاب قابلته .. واغرب موقف صادفني وعشته .. وتوبت بسبب توبته ! #لحظة_ندم_وتوبه_صادقه :) ! <3
سيدنا سعيد بن المُسيب لما سألوه عن اعبد الناس .. اكتر بني ادم نضيف وبيحب ربنا .. قال : من تذكر ذنبه فإحتقر نفسه .. فإعلم انه اعبد الناس . !
:-)
- سيدنا الفُضيل بن عياض كان بيقطع الطُرق ويسرق البيوت بالليل .. وف ساعة فجريه والدُنيا هُس خالص .. كان بيتسحب وبيجري ينط من علي سور عالي علشان يسرق بيت مُعين .. وهو بينط .. سمع الشيخ ف صلاة الفجر بيقول ( ألم يأنِ للذين آمنوا أن تخشع قلوبهم لذكر الله وما نزل من الحق ) مآنش الاوان يا مؤمنين بالله قلوبكم تتوب وتندم وترجع لربها بقي وتقرأ قرآنه وتتأثر بيه وتتوب ) بكي سيدنا الفُضيل وقال ( آآآن يارب آآآن يارب ) وتاب ف لحظتها . !
;-)
- سيدنا علي قال : ما ألهم الله عبدًا الاستغفار الا وكان يريد ان يغفر له ) مفيش حد بيجي علي باله كلمة استغفر الله .. الا وكان ربنا حابب يغفرله ف لحظتها .. أستغفر الله 👐
<3
عشم ابليس ف الجنه .. دي كلمه بجد مش تهريج .. من كتر عدد البشر المهول اللي هيدخل مع بعضه الجنه يوم القيامه .. ابليس بنفسه هيفتكر ان ربنا هيرحمه ويدخله الجنه .. اوعي تيأس من رحمة ربنا .. هيغفرلك ويسامحك مهما عملت ولو ايه .. المهم انك تكون صادق دلوقت ف توبتك وندمك .. ومادام تبت عن ذنب ربنا مش هيسالك عنه اطمن .. لما صفحه تنطوي ربنا مبيقلبهاش .. ف ان شاء الله لو تبت وقولت يارب انا تبت ربنا هيتقبلك ويحفظك من النار .. تُبت اليك يارب .. علي كل ذنب عملته فاكره او ناسيه .. بقصد او بدون قصد .. صغير او كبير .. استغفر الله .. استغفر الله .. استغفر الله 👐☝️
أنت تقرأ
بنوته عاديه عايزه تلتزم
Short Storyالسلام عليكم ورحمه الله وبركاته انا الاء احمد بنت عاديه جدا مش شيخه حابه ابدأ التزم واعرف معلومات كتير عن دينى بس معاكم انتم كل مااعرف معلومه اشاركها معاكم يعنى الكلام مش من عندى ابدا لا ده انا بحسه مفيد فبشاركه معاكم
