بنوته عاديه عايزه تلتزم

😘🥰😍

عايزه توصلي للملتزمين 😍💙

👈 الملتزمين عايشين معانا بس قلوبهم في السما متعلقه بحاجه واحده بس [الفردوس الأعلى] ❤
ها ؟ تحبي تكوني زيهم ؟
تعالى نمشي خطوة خطوة عشان نوصلهم ❤ 💪

1 - (الصلاة ) صلاة كل الفروض في مواعيدها قدر الإمكان👌🏻

2 - (القرآن ) قراءة جزء واحد يوميا اليوم فيه 24 ساعه خدي منهم ساعه واحده للقرآن في اي وقت يعجبك وقولي بعدها احساسك ايه
ده غير ان الحرف بحسنه والحسنه بعشرة امثالها والله يضاعف لمن يشاء - حسنات ملهاش عدد اللهم بارك 😍

3 - ( الاذكار ) حياتنا ملهاش معنى من غير الاذكار بتبارك في يومنا وبتحمينا من اي مكروه بأمر الله
في كتاب اسمه (حصن المسلم ) هو سعره رمزي جداا بس صدقيني
هيغير حياتك تماما ، فيه كل الاذكار اللي بتدوري عليها
الصباح ، المساء ، النوم ، الاكل ، الشرب ، اللبس ، وغيرها كتير
كمان موجود أبليكيشن ( تطبيق) على المتجر نزليه جميل جداً 💙
4 - (الاستغفار ) مش هتكلم كتير عن الاستغفار لأن لو اتكلمت
الكلام هيخلص ومش هعرف اوفيه حقه بس هقولك حاجه
الاستغفار هو السر ايووون سر اي حاجه بتتمناها هتلاقيها في الاستغفار😍
هنبدأ ب 100 استغفار في اليوم ع الاقل وانتي وهمتك بقى 😉

5 - ( ذكر الله ) طبعا كثرة ذكر الله سر التوفيق في كل حياتك

6 -عايزه تحفظي القرآن ومش عارفه ☹️
هتحفظي كل يوم آيتين بس وتسمعيهم كويس من الشيخ اللي بتحبي صوته وياسلام بقى لو تصلي بيهم 😍 منها تأكد حفظك ومنها تستشعري الخشوع في الصلاة💙

7- الرسول (صلى الله عليه وسلم )
مش نفسك تبقى عارفه كل حاجه في دينك ؟ مش انتي بتقولي انك واخده الرسول( صلى الله عليه وسلم ) قدوة ؟ طب قدوة ازاي بقى
وانتي مش حافظه غير كام حديث من ايام المدرسه وكمان مش فاكراهم بالنص😔
خلاص خلاص متعيطش هقولك الحل 😁:-
( كتاب اسمه الاربعين النوويه ) سعره رمزي جداا هتجيبي الكتاب
ده وتحفظي منه كل يوم حديث واحد😍 👏
واستمري على كده لحد متحفظي (صحيح البخاري ومسلم)

8 - (قيام الليل) أجمل قصص الحب تبدأ بعد منتصف الليل 😍
حين يخلو كل حبيب بحبيبه حبيببك بينادي عليكي كل ليله
ها؟  مش عايزه تروحي لحبيبك!!  ركعتين قيام هيغيروا كل حياتك  جربي وقولي 😊

أتمنى من الله ان تستمروا
عليها وتزودوا كل اسبوع عليها
يعني مثلا
- أول اسبوع هصلي سنة الفجر  - ثاني اسبوع هزود سنة الظهر
- ثالث اسبوع هزود سنة المغرب
- رابع اسبوع هزود سنة العشاء
وكذلك ف القرآن والاذكار والاحاديث والقيام 💪

خلي شعارك من اللحظة دي
"وعجلت إليك ربي لترضي"💙
#دعوي_شبابية_ربانية
#هدفنا_تطهير_القلوب