بنوته عاديه عايزه تلتزم

العشر الاواخر

#البوست_المنتظر^للعشر الاواخر ^
#البوست دا عن تجربتي الشخصيه من 4 سنين والله العظيم فرق معايا جداااا واتمني يكون نقطه تحول في حياتكم ♥️♥️وفضلا ياريت تعملوا لايك وكومنت عشان البوست يوصل لاكبر عدد وتشاركوني الثواب♥️♥️

" ليلة بعمرك كله " 🙂!

في البوست ده باذن الله , هكلمك عن العشر الاواخر , ال فيهم ليله بعمرك كله ,
روحانيات الليله دي , تعشها ازاي , ممكن تفرق في حياتك كلها إزاي ؟ , يارب يوفقني
و أقدر أوصل كلام يفرق معاكم كلكم و يخليكم تعيشوا الليالي دي بطريقه جديده
و أعذروني ع طول البوست , بس انا واحده العشر الاواخر كانوا سبب في خير
كبير حصلي  بفضل الله, نفسي يحصل للناس كلها فعلاً 🙂  :

1- روح له كده :

إيمانك ضعيف ؟ .. حاسس نفسك مش قد إنك تحضر ليله بالجمال ده ؟! .. حاسس نفسك
تقصيرك مخليك مكسوف .. حتى عندك يأس من إنك تقومها علشان ذنوبك ؟! .. أنا بقولك :
روح له كده 🙂 .. يا عم دي ليله مفيش فيها ده متدين وده لأ .. دي ليله مفيش فيها
ده علمه أكتر من ده هنتقبله و ده لأ .. دي لليله للكل والله .. يمكن انت بايمانك البسيط
الصادق تسبق الكل .. متستصغرش تدينك .. أنت عارف ؟ .. النبي نفسه الـ هو مغفورله
كل ذنوبه .. كان بيقعد يدور عليها .. علشان يقولك اننا كلنا محتاجنها .. المُقصر و القريب
من ربه .. كلنا والله .. كلنا رايحين واقفين على بابه بفقرنا .. والله ما حد رايح الا بقلبه بس ..
مهما كانت درجة ايمانك .. روح له كده .. روح له و هو رحيم و شكور .. والله ما هيكسفك
في ليلة كرم زي دي .. كلنا عنده واحد .. و الـ بيسبق الـ قلبه صدق .

2- تعالى بس نتأمل في سورة القدر كده :

(( إِنَّا أَنْزَلْنَاهُ فِي لَيْلَةِ الْقَدْرِ )) : الليله دي نزل فيها مفتاح السعاده , الـ لو مشينا وراه
والله لن نضل ولا نشقى , نزل أكبر باب سعاده في الكون , أكبر باب راحه ,
أفضل كتاب على وجه الارض , نزلك القرآن , كلام رب العالمين .

((وَمَا أَدْرَاكَ مَا لَيْلَةُ الْقَدْرِ ))  : عارف يعني ايه ربنا يقولك و ما أدراك ؟! يعني ربنا
بنفسه بيقولك أنت مش هتتخيل ايه ليلة القدر دي و ال فيها ؟! دي بداية النور في الارض
كلها , دي ممكن تكون بداية نور في حياتك أنت , دي ليلة عظمها الاله العظيم , مهما
تخيلت مش هتجبها برضه , وما أدراك ؟!
تخيل لو عرفت تعيشها صح , وما أدراك ؟!

((  لَيْلَةُ الْقَدْرِ خَيْرٌ مِنْ أَلْفِ شَهْرٍ )) : يعني 83 سنه , يعني أحسن من عمرك كله ,
أنت لو عشت 83 سنه , فـ الليله دي أحسن من عمرك كله , يعني يوم القيامه , لو
أتوزن عمرك كله , و وزنت الليله دي لوحدها , الميزان ممكن يرجح علشان الليله
دي بس , حتى لو أنت ايمانك مكنش عالي .. حتى لو مقصر أوي في ال فات ..
والله الليله دي ممكن تبدل كل حاجه .

((  تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِمْ مِنْ كُلِّ أَمْرٍ  )) : الملايكه مش بتتنزل لا
تنزل , يعني زي المطر , شايف المطر بينزل ازاي من السماء , ده منظر الملايكه
في كل حته , إحتفال ضخم في الكون كله , دي ليله نزل فيها أعظم أيه من ايات الله ,
كتابه الكريم :)) , سيدنا جبريل منزلش من زمان النبوه , بينزل في الليله دي , يطمن
على القرآن , شايف القرآن غالي ع أهل السماء أزاي , الملايكه في كل حته , يعني
نور في كل حته , أنت متحاوط بالنور في الليله دي .