بنوته عاديه عايزه تلتزم

نعمل ايه ف ليله النصف من شعبان؟!

بإذن الله كمان ساعة وهتبدأ ليلة النصف من شعبان 😍😍😍
"من مغرب السبت إلى فجر الاحد"
ودي فرصة عظيمة لازم نستغلها ، طب إزاي ؟! هقولكم .. 💪💪

هنقول بعض الأحاديث وبعض اقوال الأئمة والعلماء والتابعين في فضلها .. وبعدين هنقول ملخص كده في آخر البوست للي مكسل يقرأ البوست كله ينزل يقرأ #الملخص تحت :) !

#أولاً_الأحاديث_الواردة_في_فضلها 🌸
٭ قال رسول الله صلى الله عليه وسلم: " إذا كان ليلة النصف من شعبان اطلع الله إلى خلقه، فيغفر للمؤمنين، ويملي للكافرين، ويدع أهل الحقد بحقدهم حتى يدعوه" 🍃
رواه الطبراني، وحسنه الألباني- رحمه الله- في صحيح الجامع.

٭ وعن أبي موسى رضي الله عنه قال: قال رسول الله صلى الله عليه وسلم: إن الله ليطلع في ليلة النصف من شعبان فيغفر لجميع خلقه، إلا لمشرك أو مشاحن" رواه ابن ماجه، وابن حبان عن معاذ بن جبل رضي الله عنه. 🍃

#بعض_أقوال_الائمة_والتابعين_في_فضلها 🌸
٭ قال عطاء بن يسار: ما من ليلة بعد ليلة القدر أفضل من ليلة النصف من شعبان، يتنزل الله تبارك وتعالى إلى السماء الدنيا، فيغفر لعباده كلهم، إلا لمشرك أو مشاجر أو قاطع رحم. 🍃

٭ وقال ابن تيمية رحمه الله: ( وأما ليلة النصف من شعبان ففيها فضل، وكان في السلف من يصلي فيها ). 🍃

٭ وقال الشافعي رحمه الله: بلغنا أن الدعاء يستجاب في خمس ليال: ليلة الجمعة، والعيدين، وأول رجب #ونصف_شعبان. 🌼

وقال بعضهم : فأفضل الأعمال بعد الإيمان بالله سلامة الصدر من أنواع الشحناء كلها. 💙

--------------------------------------------------------------------------------------

√ هل ثبت في تخصيص الليلة بـ صلاة معينة مثلاً او دعاء معين ؟!

® لم يثبت في تخصيص هذه الليلة #بصلاة معينة، أو #دعاء معين، شيء عن النبي صلى الله عليه وسلم ولا عن أحد من أصحابه .
وأما صيام يوم النصف من شعبان فيسن على أنه من الأيام البيض الثلاثة، وهي: الثالث عشر، والرابع عشر، والخامس عشر، لا على أنه يوم النصف من شعبان، فإن حديث (إذا كان ليلة النصف من شعبان فقوموا ليلتها وصوموا يومها ) حديث موضوع لا أساس له من الصحة .

#الملخــــــص 🌸

١- ليلة النصف من شعبان ليها فضل عن سائر الليالي زي مثلا ليلة القدر وليلة الجمعه .. ولكن الفضل ده يتوقف على #سلامة_صدرك أكتر من اعتماده على صلاتك وذكرك وقراءتك لكتاب الله مثلاً .. بس ده مايمنعش انك تفتح مصحفك تقرألك فيه حبة حلوين 💪😄💜 .

٢- الليلة دي #مفيش_ليها_دعاء_معين بخلاف مثلاً دعاء ليلة القدر ( الهم انك حليم كريم عفو تحب العفو فاعفُ عنا ) . ✋

٣- مفيش بردوا في الليلة دي صلاة خاصة بيها .. لا من حيث الكيفية ولا من حيث العدد . ✋

٤- حاول النهاردة تطهر قلبك من كل #غل و #كره و #ضغينه و #حقد وأي #مرض قلبي جواك .. ارتقِ بروحك واسعي لكده أوي الليلادي وخلي بالك .. انك لو ماعملتش كده ممكن تحرم نفسك من فضل عظيم اوي ورحمات ربنا كانت هتتنزل على قلبك وتراضيك 💜😄 .

٥- النهاردة مفيش دعاء محدد .. فادعي باللي نفسك فيه .. العلماء بيقولوا ان الليلادي من الليالي اللي بيستجاب فيها الدعاء ، ألح في دعائك واتعشم في كرم ربك اللي رحماته ونفحاته عليك لا حصر لها .. بدليل انه رزقك بليالي ليها افضلية في رحماته وعرفك بيها عشان تستغلها .. ادعي بقلب جامد وانسى الظروف هه ❤💪 .

٦- حاول لو حد زعلان منك النهاردة صالحه وطيب خاطره وراضيه وابتغي بذلك وجه الله ورضوانه .. تصور لو كل واحد شاف الكلام ده راح صالح اللي مزعله وفرح قلبه .. ربنا الكريم هيشكره ازاي غير انه يفرحه اضعاف مضاعفة 💙🌸 .

٧- اذكر الله الليلادي كتير .. بس كتير #بحضور_قلبك ؛ اختلي بنفسك كده وفي مكان هادي بتحبه واقعد اذكر الله بالذكر الاقرب لقلبك واستحضر قربه منك ورحمته بيك .. النهاردة ربنا رحمته بتفوق اي ليلة عادية .. واكيد واجبك تستغل كده لو مذنب توب واكيد هيقبلك ويغفرلك .. ولو نفسك في حاجة اسأل ربنا برحمته وقوله ماتردنيش يا رحيم ❤ .

٨ - #القيام الليلادي عاوزين نزوده شوية .. مش هقولك اد ايه ..انت وحبك لربك .. وانت وحبك لنفسك بردوا .. لانه كله ليك انت :))💜
بس لو شيطانك اقوي منك .. بلاش تضيع الركعتين بتوع كل ليلة ع الاقل :') ✋ .

٩ - اعمل منشن لحبايبك في البوست هنا وادعوا لبعض كتير اوي الليلادي وشجعوا بعض علي طاعة الله 🌸 وده بردوا عمل صالح هيتضاف لأجرك الليلادي :)) ويمكن ده اللي يتقبل منك وتوصل بيه 🌼 .

١٠ - شير للبوست وفيد غيرك علي اد ما تقدر واحتسب الأجر عند الله وادعيلي بظهر الغيب ولك المثل ^^ ❤ .

#جزاكم_الله_الفردوس 🌸

٭ ملحوظة : وانت بتعمل كل الأعمال دي ، تذكر ان ربنا بيطلع على جميع عباده وينظر لاعمالهم وقلوبهم ، ورحمته وكرمه الليلادي اعظم من اي ليلة ، لدرجة انه لو رءآك سليم الصدر فقط هيغفرلك كل ذنوبك ، فاستغل الرحمة دي وادعي لنفسك ولأحبابك :) ❤

ماتنساش تعمل like لما تخلص قراءة عشان يوصل لغيرك، و share وشارك في الأجر :)

#الليلادي 💪
#اغتنموا_الفضل ❤
#فاطِمة_علي