بنوته عاديه عايزه تلتزم

الجزء الثانى

الجزء التاني  من  #من_تيشرت_علي_الكمر_للنقاب 😍🙈

المره اللي فاتت لما حكيت قصتي مع النقاب  حكيتها مع البنت اللي فاكره ان الالتزام صعب المرادي هحكيها معايا ومع شعوري وكل حاجه بالتفصيل بس استحملوا شويه  .

ربنا سبحانه وتعالي انعم عليا بأحساس اني عاوزه اللبس النقاب بعد ما جربت معني الستر  وانا بالخمار  بس دايما كنت بحس ان في حاجه ناقصه فيا بدور علي حاجه  انا محتاجاها بس مش عارفه ايه هيا  .

مش هتكلم كتير عن توهاني عشان ماخدش من وقتكم في حاجه معلومه مش مجهوله  الا وهي " النقاب " من ساعه ما عرفت ان الحاجه اللي بدور عليها هو النقاب  وبدأ الصراع مع نفسي اولا  قبل اهلي  !
كنت بصارع نفسي طب هل انا هستحمل النقاب طب هل انا هقدر عليه  طب هل انا  هو ده فعلا اللي ناقصني  طب افرض بعد ما لبسته  قلبي هيتقلب ولا هيفضل ثابت  علي رضاه وطاعته  صراعي مع نفسي مخدش اكتر من جمله  انتي هتلبسيه ارضاء لربنا  لا لنفسك ولا للبشر  انتي عاوزه تصوني نفسك عاوزه تغفري سيئات الناس اللي بصت عليكي وعلي جسمك قبل كده  عاوزه تغفري كل ده  طب ما انتي يا بنتي لبستي الخمار و ربنا غفره بالخمار  وانا علي حسن ظن  بالله طبعا لأ بس بردو النقاب هوالتشبه بأمهات المؤمنين وكنت بحبهم وعندي   ويقين انتي عاوزه رضاه  وكفي  مع العلم اني وضعت نفسي في اختبارات صعبه  ويشاء السميع العليم اني  اثبت  ومن هنا انتهي الصراع مع نفسي .

بدأ  الصراع مع اهلي وبالأخص امي الله يرحمها 💔  ، هيا اول ما لبست الخمار قالتلي اوعي تيجي تقوليلي بعد كده النقاب  النقاب ده تنسيه تماما من حياتك  💔  فكان عندي فكره من ساعه ما لبست الخمار ان الموضوع  مستحيل عليا اني اقنعها بس مش مستحيل علي ربنا ❤  

بدأت اقولها مره  قالتلي لأ  وساعتها عديت الموضوع وسكتت فتره  بعدها بدأت اجبها من حته تانيه اللي هيا اشوف واحده منتقبه  اقولها شايفه الجمال يا هوبا  شايفه الستر وهيا تتعصب وتقولي متصيعيش عليا يا بت بطني  مش هتلبسيه 😂  يا ستي يهديكي يرضيكي لأ  يعني لأ يا شيماء .
انا طبعا شخص عندي ججدا  قولتلها طالما لأ يعني لأ  اللبسه بقي بعدم رضاكي وان لا طاعه لمخلوق في معصيه الخالق  💔  وساعتها قولتلها الكلام ده وانا ببكي فهيا حبت تدايقني فقالتلي فاكره لما كنتي بتعملي كدهزعشان تلبسي البنطلون دلوقتي الوضع اتقلب وقعدت تفكرني بذنوبي 😓  وهيا مدركه تماما  ان القديم بالنسبالي خط احمر ومحبش حد يفكرني بذنوبي  فهيا جابتهالي من هنا  💔  ساعتها انا روحت السكن وماشيه بعيط  من باب البيت و اول مره انزل من بيتي وانا مش راضياها  💔  وجاتلي حاه انهيار وبقيت ببكي واقولها مش عاوزاني ليه ارضي ربنا  انتي بتذليني يعني عشان عصيته  ربنا هيغفرلي  وساعتها  قبل ما انزل انا وقعت في الارض  من شده اني ازاي ماما هيا اللي تفكرني بذنوبي امال الناس سابتلها ايه  !