بنوته عاديه عايزه تلتزم

#هى عفه توصلك الجنه

بصي يا بنت الحلال بس عشان تفهمي الرجالة بتفكر ازاي وعشان محدش يضحك عليكي
عشان الحلقه دي فيها الخلاصة 😄

أي ولد عشان يعجب ببنت بيعجب بيها علشان حاجة فيها بتشده.
على حسب الحاجة دي بتستمر العلاقة أو مبتكملش بنسبة كبيرة
افهمي معايا كده ومخمخي وركزي بالله عليكي 😁

١- اللى بيعجبه شكلك من اول مرة يشوفك (جمال وشك )
ويبدأ يقول بس هي البنت دي ويلف ويدور ازاي يكلمك
ونيته قد تكاد تكون صادقة فعلا انه عاوز يتقدملك
بس ده بيبقى حب مؤقت ممكن يزول تماما لو شخصيته مش راكبة تماما ع شخصيتك
وانتي متفرحيش ولا تتثبتي لما واحد يقولك انا بحبك عشان جمالك
دي حاجة متفرحكيش دي حاجة تقلقك 😕
لو جالك ده حاولي تستني حد احسن 😊

٢- اللى بيعجبه لبسك الضيق او جسمك اللى لبسك مبينه
ده ممكن يكون جواه صدق انه عاوز يتقدملك ويبدأ يحبك فعلا
بس متفرحيش لان ده اسمه حب شهوة هيزول بزوال انه يمتلك جسدك
وهتلاقيه دايما كلامه معاكي مش محترم لان دي دماغه وده تفكيره فمتندميش بعدين وتقولي بطل يحبني زي زمان
و حاولي تلبسي شيك مش عيب بس باحترام عشان اللبس الضيق مش بس حرام لا ده بيتلم عليه الدبان بس 🙂

٣- اللى بيعجبه أسلوبك وطريقتك في الكلام وتعاملك
ده بيبقى بنسبة كويسة اختار كويس لان الزواج تعامل وطريقة كلام واسلوب متبادل بشكل اكبر من اي حاجة تانية
بس ده لو ركز في ده بس وفي أساسيات واقعة زي اللى هقولهالكم بعد شوية حاجات كتير هتبوظ

٤- اللى بيعجبه حيائك وكسوفك وأدبك ولبسك المحترم وووو ...
ده بيدور على زوجة تربي عياله وده مش عيب بس لوحده لا يكفي
لان الزواج مش خلفة وتربية عيال وبس

٥- في اللى بيتزوج قريبته عشان العيلة ونسلها والكلام ده بس ده ملناش دعوة بيه 😁

المهم هو ليه أغلب العلاقات مبتكملش ؟؟؟
خاصة في مصر 😄
الواحد بيشوف كمية بوستات خيانة وضحك عليا ووو .......😂😂

بصي ي بنت الحلال الراجل بطبعه طماع.... ايوووووا طماع سواء بيحبك او بيضحك عليكي . وكل ما كان محترم كل ما قل طمعه وكل ما كانت استجابتك لطمعه زادت وانتوا اصلا ولا مخطوبين ولا في اي علاقة رسمية صحيحة كل ما نسبة انه يسيبك زادت

قوليلي انتي كل ال هو عاوزه وبيطلبه قبل الخطوبة بيلاقيه
لما يخطبك يطلب ايه ؟؟
طبيعي يزهق ويمل رغم ان ممكن يكون كان بيحبك بجد
والولد بطبيعته مبيحبش البنت دي بعد فترة معينة ويبدأ يجزعها رغم انها ممكن تكون استجابتها بسبب ضعف منها لطلباته وتقدير ليه

الخلاصه بقا 👇
مفيش أقوى من البنت اللي راكنه مشاعرها على جمب تجاه الحب والأرتباط 💪

وحاطه أولويات ليها.. زي الدراسه... الشغل.. الاستقلال.. السفر.. 

مبتفكرش ف شخص معين طول الوقت يكون شاغل 80٪ من حياتها، وعلاقه سبب 90٪ من ضغوطها النفسيه

ليها نظرع وزاويه خاصه بتشوف بيها الأمور، وده سبب في إن مفيش شخص لافت نظرها، 🙄
وده برضو راجع لشخصيتها.. 😊 إنها إنسانه سويه وواقعيه بشكل صريح مع الذات جدا

وده مخلي فئه كبيره من الناس بتتردد وتفكر كذا مره قبل محاولة الدخول في حياتها 😄
بسبب اسلوبها القوي وإنها عارفه الي جوا اللي قدامها من أفكار ونوايا وخيال 😉

وده مش معناها إنها معقده أو إنسانه تقيله، ✋  كل الموضوع إنها صعبة المنال وفي نفس الوقت من الناس اللي هتقابلهم في حياتك مره واحده... وهتفضل فاكر تفاصيلها لسنين من حياتك

ودا راجع  لنشأتها والبيت اللي اتعلمت فيه الدين والحريه تحت ثقه كبيره من أهلها فيها 😊 لحد ما وصلت للمرحله دي في حياتها

وده شيء مخليها تحب نفسها وتفتخر بالمرحله دي جدااا ♥

من الاخر يابنتي انتي وهي #العفة هي اللي هتوصلك للجنة.. #جنة_الدنيا لما تتزوجي زوج حابب فيكي كل حاجه وبياخد بايدك للافضل والاحسن و #جنة_الاخرة لما تحفظي نفسك من كل العلاقات والارتباطات والكراشات والحاجات الهبلة دي كلها
بتمنى تكون الرساله وصلت 😁

عشنا معاكم شهرين نتمنى نكون افدناكم فيها واثرنا فعلا مش مجرد كلام .. وياريت كمان يسعدنا تبلغونا رأيكم في السلسلة كاملة ..وتبقوا ناس عسل يعني لو نشرتوها لاصحابكم وللمسلمين
بنحبكم في الله ويارب يجمعنا بيكوا مع النبي في الفردوس الأعلى.. اللهم آمين

#سلام

...............
#خدمة_جرب_تقرب_الدعوية 💞
للاشتراك واتساب 00201129952166
تليجرام https://telegram.me/garaabt2arb