بنوته عاديه عايزه تلتزم

يعنى ايه التزم

ماهي خطوات الإلتزام ؟

قبل مانعرف خطوات الإلتزام لازم الأول نفهم يعني إيه التزام أصلا ☺
*الإلتزام : يعني الإقتران بالشئ يعني حاجه ماينفعش تسيبيوها. 
يعني التزامك بالعهد اللي بينك وبين ربنا إنكم هتحافظو علي صلاتكم والأذكار وورد قرآن يوميا وهكذا ☺

*الإلتزام لازم تحققو في نمط حياتكم الآيه اللي بتقول "قل إن صلاتي ونسكي ومحياي ومماتي لله رب العالمين لاشريك له وبذلك أمرت وأنا أول المسلمين "✋  تحققو إن كل حاجه في حياتكم لله "حرفيا كده "👌

-أنا التزمت بالصلاة والورد القرآني والأذكار بتاعتي كده تمام ؟
*تمام بس هو أول ما الفون بيفصل بتعملو إيه ؟
بتجرو ع الشاحن صح ؟ أهو بالظبط ده بقي اللي احنا محتاجينه ..شاحن
وهنشحن نفسنا واحنا في الطريق بحاجتين وهما ؟ " القرآن والسنه "

-أنا بقرأ ورد قرآن !!
*مش كفايه ..لازم تخصصو لانفسكم وقت تعرفو فيه معاني الآيات وتفسيرها .. مش هتتأثرو بيه وانتو مش فاهمين.  . طب سؤال !
يعني إيه "من شر غاسق إذا وقب " ؟ ناس كتير مش عارفاها 😢
فانتو مش هتتأثرو غير لما تفهمو. تمام 😊 وهتتأثرو بقرآن الليل أكتر من قرآن النهار "إن ناشئة الليل هي أشد وطئا وأقوم قيلا "
🌸 كتاب التفسير الميسر وركعتين قياام أو ركعة وِتر حتو بس خلي ليكم نصيب من قيام الليل وده بإذن الله هنقف عنده كتيير 😍

-طيب والسنه ؟
*إسمعيو كده 👌👈 "قل إن كنتم تحبون الله فاتبعوني يحببكم الله "
لو اتبعتو سنة النبي ومشيتو علي نهجه ربنا هيحبك 😌✋
نتبعها ازاي ؟ من الأحاديث !! وماتنسيوش إن السنن هي اللي بتجبر تقصير الفروض ☺
🌸عندك سنن كتيره ..سنن الأذان والإقامه ، سنن الطعام والشراب ، سنن الصلاه ، سنن الركوع والسجود ..سنة السواك طبقو گل يوم سنه كأنكم طفل صغير وعلمو نفسكم محدش نازل بيصلي ع السجاده كلنا علمنا نفسنا ☺

-والأذكار بتبقي إزاي ؟
*أذكار الصباح والمساء دي شئ أساسي .
. ومعانا أذكار بنختم بيها الصلاة بتقوليها بعد الفرض علي طول مش بعد السنه وأذكار النوم ❤👌 و في أذكار متنوعه ممكن تقوليهم كلهم في اليوم وممكن تخصصو لكل يوم ذكر وعدد معين علي حسب امكاناتك ☺ معاكم خاتم التسبيح بتاعك وانطلقي بقي ✋ #الإستغفار ثابت معانا يومياا اكتر من 70 مره زي النبي 😊 وربنا يفتح عليكم في الاستغفار استغفرو مااستطعتو وبعدين هو ليه صيغ كتيره .. نوعو علشان الملل ✋
وبنستغفر للذنوب اللي نعرفها واللي منعرفهاش❤💜

-إيه فوائد الإستغفار ؟
*كتييره ..راحة البال والطمأنينة ، قوة البدن ، غراس الجنة ، ويغني القلب ويسد حاجته ، نزول المطر الغزير والذرية الصالحة 👪 والرزق الواسع الحلال، محو السيئات وإستبدالها بالحسنات ،قبول الدعاء ودفع البلاء😌 ، يجلب الرزق و يورث محبة الله للعبد، بحيي القلب و يزيل الوحشة بين العبد وربه ، وغشيان الرحمة، وحفوف الملائكة ، فيه شغلاً عن الغيبة، والنميمة، والفحش من القول ، يؤمَّن من الحسرة يوم القيامة
وطوبي لمن وجد في صحيفته إستغفارا كثيرا

-إيه تاني ؟ 😊
*زي ما الصلاة هي عماد الدين .. " الصحبة الصالحة " هي عماد الالتزام
الذئب بيأكل من الغنم القاصيه فـ لازم يكون ليكم رفيقه او رفيق تفتكري بيها الجنه . وتفكتر بيه الجنه . وتعينوا بعض ع الطاعه .. انتي تكسلي او انت تكسل هي تشجعك والعكس ..لاازم الصحبه الصالحه وتحبوا بعض في الله مش لأي غرض .. بالشكل ده انتوا ضمنتوا تبقوا تحت ظل عرش الرحمن "رجلان تحابا في الله "
وربنا هيحبكم هو قال  "وجبت محبتي للمتحابين فیّ "👌✋

-ايه أكتر حاجه ممكن تعيق إلتزامي ؟
*الأغاني😊 لأنها بتفسد القلب 😊 وحبيباتي كتير طبعا محدش يزعل أحبكن في الله والله 😍😘😂 .. صحيح ياحبايبي الكلام ده انتو هتقطعو الشوت ده بقلبك ولو قلبك فسد خلاص عليكم السلامه احنا بنسير إلي الله بقلوبنا 👋

-عايزين قواعد أساسية !!
*🌸 القاعده الأولي هنا "مالا يدرك كله لا يترك كله "😃👏
عمركم ماهتجيبيهم مره واحده .. فاللي يفوتكم معلش كملو😌✊
فاتك الفجر صلي الضحي .. صليتي قضاء استغفرو 200 مره زياده .. نسيتتو الورد اقرئيه تاني يوم .. اتقفل باب القيام ؟ صلي الوتر
بكسل في النوافل .. التزمو بالفروض أووي وبضمير وممكن تصلي النوافل "النوافل بس "وانتو قاعده يا حبايبيي الدين يسر 😌
الشيطان لما يغويكم النهارده !! اقسمو ظهره بكره 😃💪
"إن عبادي ليس لك عليهم سلطان "

*القاعده التانيه حديث النبي "أحب الأعمال إلي الله أدومها وإن قل"
يعني اللي بتقرأ كل يوم صفحه واحده أحسن من اللي بتقرأ 20 في اليوم وبعدين تسيب المصحف شهر 👋👋

-أي تعليمات تانيه ؟ 😂
خفو بقي المسلسلات والافلام اللي بتشوفهاا دي عيب ده انتو ناس ملتزمه يعني 😂👊
*صحيح مفيش أيام أجمل من دي تاخدو فيها
قرار انكم تلتزمو بجد ☺

💗💗