بنوته عاديه عايزه تلتزم

ليله القدر

📢🤚❤
احنا دخلنا فعلياً ف ليلة ١٩   ... 
#ليلة القدر سُمّيت هكذا لإنها تُقدّر فيها مقادير العباد السنويه: مثال ...إذا كتب الله لك قدر سيء للسنة القادمة
(وفاة ابن _ فشل في زواج ..فشكلة خطوبه...حادثه سياره ..الخ).. وصرت تدعو بإخلا‌ص في ليلة القدر
بالتوفيق والسعادة والعافية والنجاه ...فإن الله عز وجل يأمر الملائكة أن يمسحوا الصحيفة التي كُتب فيها الشقاء ويكتبون لك ما طلبت ( يَمحُوا اللهُ مَا يشاء ويُثبِت وَعِندَهُ أُمُّ الكِتاب ) ..... انظر أول تعليق

٢ - ليلة القدر بعبادة ٨٤ سنه.... ليله واحده ب ٨٤ سنه عباده ...الساعه في ليلة القدر ب ٨ سنين عباده.. والدقيقه ب ٥٠ يوم عباده ....فأين المُشمّرون
 
🤚#خطأ كبير وخلل عظيم  ... إنك تجتهد ف القرآن والقيام والدعاء واعمال الخير ف الليالي الوتريه فقط (21 _ 23_25_27_29) وتتكاسل وتتراخي ف غير هذه الايام ... انت كده عملت بالظبط زي اللي عنده امتحان ف 10 دروس فذاكر 5 منهم بس ودخل الامتحان ....أبسط قواعد المنطق بتقول إنّه لايمكن يجيب الدرجه النهائيه ف الامتحان لانّه أكيد هيجيله سؤال من الدروس اللي مذكرهاش .....

☄ #متسخّرش طاقتك ومجهودك في الانشغال بليلة القدر هتكون يوم كام ...ولا تشغل نفسك بعلاماتها ... سخّر جهدك وطاقتك في إنك تشتغل ال ١٠ ليالي دول وكأنهم أخر ١٠ ليالي ليك في الدنيا .... وليلة القدر تطلع زي ما تطلع

#لو كنت من الناس الل فرّطوا وضيّعوا من أول رمضان ...أو لو مكنتش لسه بدأت أصلاً  ...لسه عندك فرصه❤💪 متضيّعهاش...  يقول ابن تيمية  ( العبرة بكمال النهايات لا بنقص البدايات ) ... لو مش هتعدّي مع النّاس الل هتعدّي الأيام ده هتعدّي إمتي ؟؟؟؟ .....إنقذ ما يُمكن إنقاذه.......قال أحدهم ( حُسن الختام خيرٌ من حماسة البدء )

📨#دلوقتي جهّز ورقه وقلم واكتب فيها حاجاتك ورغباتك ودعواتك .... حاول ما تكتّرش .. خليهم ٤ أو ٥ حاجات علشان تركّز عليهم ... وافضل ادعي بيهم من الليله .. وتحرّي أوقات الإجابه وخصوصا الثلث الاخير من الليل .. وماتدعيش بلسانك ادعي بقلبك وحاول تبكي وانت بتطلب الحاجه ( اصنع قدرك بنفسك ) ...... قال ابن عبّاس رضي الله عنه ( للعبد مع الله قدران ... قدر بالدعاء ... وقدر من غير الدعاء )

📢نتعب ياجماعه ... نتعب ياجماعه ... نتعب ياجماعه

يقول ابن الجوزي رحمه الله  ( إن الخيل  إذا شارفت نهاية المضمار بذلت قصارى جهدها لتفوز بالسباق .. فلا تكن الخيل أفطن منك .. فإنما الأعمال بالخواتيم ..فإنك إذا لم تحسن الاستقبال ..لعلك تحسن الوداع )...

والله من وراء القصد