لما تبقى قاعدة تتكلمى مع صديقتك ، وفجاءة لقيتى قدامك واحده لابسه فستان مشجر، عليه جاكت كروهات، عليه حجاب مقلم ..
روحت انتى بصيتى لصاحبتك و غمزتى لها و لمزتى لها عل البنت دى .. شايفه لبسها ؟ دى شبه الاراجوز 😀 وتضحكوا عليها !
او تبقى ف حفله مثلا وتظهر قدامك واحده طخينه .. تهمزى لصاحبتك وتقولى لها شايفه الترهلات ؟
دى اوحشت اوى ؟
هى سابت نفسها كدا ليه ؟
و كر كر كر كر كررررررررر عليها !
ويل لكل همزة لمزة !
انتى كدا بقيتى من ضمن الناس اللى ربنا تعالى توعد لهم ؟
توعد لك ..
توعد لك بالويل ..
الويل= وادى ف جهنم مخصوص للهماز اللماز ..ويل= وادى ف جهنم يسيل من صديد اهل النار وقيحهم !
الهماز : بالقول ،
اللماز : بالفعل ،
عماله تزدرى ف الناس وتنتقصى منهم .. دى مابتعرفش تلبس .. دى مترهله .. دى معصعصه .. وشها اسود اوى .. !
همز و لمز .. بلسان او العين او الإيد
سواء اتكلمتى مع فلانه عل فلانه (اللسان).
سواء بصيتى لفلانه عشان تلفتى نظرها عل فلانه ( العين).
سواء قرصتى فلانه ف ايدها عشان تتريقوا عل فلانه ( الإيد ).
اى حاجه منهم يبقى انتى من الطائفه اللى ربنا توعد لهم بويل !
و كما قال النبى لمعاذ .. ' ثكلتك أمك .. وهل يكب الناس عل وجهوهم ف النار .. إلا حصائد ألسنتهم '!.
#منقول
#كف_الاذي
أنت تقرأ
بنوته عاديه عايزه تلتزم
Kısa Hikayeالسلام عليكم ورحمه الله وبركاته انا الاء احمد بنت عاديه جدا مش شيخه حابه ابدأ التزم واعرف معلومات كتير عن دينى بس معاكم انتم كل مااعرف معلومه اشاركها معاكم يعنى الكلام مش من عندى ابدا لا ده انا بحسه مفيد فبشاركه معاكم
