طَريّق الوَهَم

بارت ١٨

#طريق_الوهم
بارت ١٨
نورا ناصر

صاح جلنار .. منو هذا الي كنت تكوليله حبيبي ..

ابتسمت واقتربت منه .. قطب حواجبه

كال .. راح احصل اجابة قبل لا اروح لو لا ..

كتله .. فقار واحد من الايتام وعمره ٩سنيين ..

ابتسم كال .. شكد احب طيبة قلبج يا جلنار ..

بقيّت عيوني بعيونه ومبتسمة ..
كتله بس طيبة قلبي

كال .. كُل شي .

زادت ابتسامتي وفرح قلبي وبنفس الوقت اتسعت فجوة السعادة الي بداخلي وتمنيت هذه اللحظة تطول وابقى واكفة كبالة واتأمل ملامحه طول العمر ....

اشرلي براسه صفح يلله نروح .ومشى قبلي . مشيت وراه
صعدت بصفه بالسيارة والشباب ورة ..
مشغل اغاني رومانسية .. كلماتها
لامست روحي .. حسيت نفسي قوية بحبه ..

وصلنه للمنظمة .. نزلوا الشباب بسرعة قبلي
واني قلبي ماينطيني انزل ..
اريد ابقى ويا لاكثر وقت ممكن ..

شافني مانزلت واباوعله
ضحك كال اوصلج للبيت .. ؟؟

حسيت على نفسي تحركت بخجل
كتله اي ها لا لا
هسه اروح بسيارة المنظمة ..

أسر .. هههههه اوووكي ولو ماحب الوداع ولحظاته بس ديري بالج على نفسج حبيبتي .

جلنار .. ابتسمت وكتله ان شاء الله
ردت انزل دا افتح باب السيارة

آسر شوكت نلتقي
جلنار من الله يقسمها النه نلتقي

آسر برعاية الله حبيبتي
جلنار بأمان الله حبيبي
وشردت هههههه

صعدت بسيارة المنظمة الدنيا صارت ليل ..
وصلت لبيتنا واحس بالسعادة وحب أسر محاوطني ..
نظرات عيونه وطوله كبالي .. ريحته مدانساها ..
كلامه يعزف موسيقى عذبة بأذني يتكرر صداها كل شوية ..

اريد افوت للبيت سمعت صوت وراية ..فززني من احلامي .. الي جنت غركانة بيها قبل شوية ..
يكولي هاا شبعتي فرفرة ؟؟

عرفت صوته انداريت عليه شفته علاء ابن عمي ..
كتله وانت شعليك هااه ..

اجه تقرب مني كال والله لسانج يرادله كص كعدي استجني فشلتينه ترجعين بنصاص الليالي زلمنه مايسووها ..

جلنار ترة اني ممسوية شي غلط والكل يشهد باخلاقي بس انت دباع الروحك وشوف شيحجون عليك العالم ..

علاء لا لا ممسوية غلط ابد بس مكضيتها دياحة وية الرياجيل بالله متستحين على روحج بنص الزلم وحدج
جلنار وانته شكو حاط روحك بالله
ابوية امي مثلا ولي أمري لو وصي علية واني ماادري

علاء ابن عمج الجبير وغصبا ماعليج
جلنار جبير على روحك مو علية والجبير باخلاقه وانته ماشاء الله شلونها اخلاقك