طَريّق الوَهَم

بارت ٣٤

صباح الخير واعتذر ع تأخير
طريق_الوهم
بارت ٣٤
نورا ناصر

بقيت لازمته بين ايديه للفجر
ومحتارة شنو اسويله .. حرارته مرتفعة ودواء اله ماعندي ..
واخاف اسويله كمادات خاف لا مايصير اله ..
يبجي ابجي ويا ..

لحد مانام غفى بس النشغة تارسه صدره
سودة عليه موجوع .. ماكدرت انام ..
خليته على الجرباية ومددت بصفه وظليت اباوعله وعيوني تجري ولساني مابطل من الدعاء ..
ابجي والقهر تارس روحي .. ابجي على عمر ما ورثني غير التعب والمشقة ..

وياريت تعبت الي تعبت لاهل ولناس ماقدرت تعبي ولا شالت همي من احتاجيتهم ..

واني على هالحال وصلني صوت اذان الفجر
وهو يأذن دعيت كون ميكعد منتظر هسه ..
حتى اصلي وادعي الله يشفي او يرزقني اودي طبيب يكشف على حالته ..

كمت توضيت وصليت و كومة دعيت ربي واني ادعي اباوع لمنتظر كسر كلبي هالمنتظر الي بجيته تمنيت الله يخلصني من هالانتظار الصعب والطويل ..

اه وينك مسار تعال شوف ابنك شحاله ليش خليته هيج وبعدت عنه موتدري بيه حامل وابطني ابنك شون هان عليك تتركه واحنا بغربه  .. والله انقهر ع الطفل هذا صار مرفوض من الكل وهسه بعد مريض زيد قهري وهمي عليه  ..

مااصدكت طلع الصبح   .. بدلت وبدلت اله ولفلفته
واخذته وطلعت ..
للمستوصف فحصه الدكتور وانطاه علاج
وكال لازم تعرضينه على طبيب اخصائي ..
اخذته وطلعت من المستوصف وبطريقي اروح اودي للحضانة ..
امشي واشمه وضامته حيل لصدري
واحس قلبي بدل ماينبض يدعي اله .

وصلت للحضانة امنته يم البيبي ستر وكلت الها على حالته وطلع للكلية ..
وبالي يمه وبس افكر بي ..
بعدني داامشي بالحديقة ومحتارة منين ادبر فلوس العلاج وفلوس كشفية الطبيب الاختصاص ..
صار مقابييلي عميد كليتنا سوري ومتزوج لبنانية ..
رجل هادىء ووقور ودوم مبتسم ..

وصل يمي ..
بابتسامة : صباح الخير جلنار كيفك ..
_ صباح النور استاذ الحمدلله ..
_ كيف الزغير ان شاءالله منيح ..
_ والله يادكتور متعبني صحته مو كلش تمام
_عرضتي على دكتور شي
_ اي وديته وكتب اله علاج ..
_ طيب جلنار في عندي بنتي زواجها قرب ومافي شي عاجبه عم تعذبني ..

ابتسمت وكتله بمرح : - شتنطيني واقنعها الك .. ؟

ابتسم وكال .. بخليكي تنجحي بهذا الكورس والي بدك بيصير ..

فرحت اني بس اريد اكمل الفلوس اعالج منتظر كلشي مااريد بعد ..
كتله اعتبرها اقتنعت ان شاءالله ..
_وانا واثق منك والكل يمدح بشغلك لهيك قلتلك

وطلع كرت بي عنوان بيتهم اخذته منه
ورحت كملت دوام الكلية
ورحت للحضانة مفرفحة على منتظر  كوة علية تركته .. 
اخذته وباوعت لوجهه حبيبي مبين موطبيعي ومريض حضنته وشميته طلعت من الحضانة واني امشي افكر اذا بقى هيج مريض ارجع للعراق ماابقى ..