طَريّق الوَهَم

بارت ٢٩

#طريق_الوهم
بارت ٢٩
نورا ناصر ..

سمعت كلامه والالم براسي مسببلي دوخة وغواش بعيوني ..
والم جسمي هذا بحث اخر ونزيف ماخذني ومجاي ينقطع ..
الخوف والرعب بيه واني اباوعله ماواكفة بثبات وبس ارجف ..

كوة الكلمات طلعت مني
كتلة بتوسل فدوة كافي الوجع اخذني بعد مااتحمل ..

اخذ نفس من النركيلة ونفث الدخان
باوعلي ببرود
و كال اي عادي لان اول مرة بعدين تتعودين ..

ظلمت الدنيا بعيني وخربت وكعت بالكاع رجلية ماعدهه القوة الكافية حتى تحملني ..

بين الوعي واللا وعي حسيت بي شالني ويغسلني ويبدل لي ملابسي .. ضمد راسي ولفاه الي ..
كمل كل شي واجه كعد بصفي واني على السرير ..
من شافني صحصحت كلش شهكت بالبجي ..
كام من يمي ورجع انطاني مهدىء ..

اخذته وكعدت بثقل ومتألمة
كتله فدوة اريد احجي وية امي لو حنان ..

_ لاحبيبتي هسه وكت ويمكن نايمين لتخوفيهم عليج اني رايح راح اجيبلج شغلات واجي ..

راح واني بقيت وحدي ظليت اضرب اسداس باخماس
شورطني شجابني هنانه وفكرة تجيبني ولخ توديني ..

لحد ماحسيت ع الباب انفتحت ودخل بيده علاكة اجه كعد يمي وخر شعري وخلاه ورى اذني وظل يمسح دموعي ..
كال حبيبتي بعدج تبجين ..
باوعتله ابجي .. كتله متوجعة كلش شسويت بية

خله ايده على حلكي وسده
كال : اشش مااسمع شي عن الموضوع بعد
هسه تتعافين وتصيرين زينة وانت ياعمري حلوة واني مااكدر الزم نفسي جسمج يثيرني شسوي مو بيدي ..

سكتت عنه .. مددني بهدوء وطلع كريمات
من العلاكة وظل يخليلي لمكان الجرح بنفسه ..
خلص واجه يمي ..
يمسح على راسي وخدودي
كال : جوعانة
هزيت راسي برفض ..كتله بس اريد انام عفية ..
مددني وغطاني وكال يلله نامي ..
دخلت جوة البطانية واني اكتم شهكاتي وامسح دموعي ..

من التعب والالم وتأثير المهدئ غفيت

كعدت بعدها باوعت للساعة 1الظهر ..
بقيت دقايق بالفراش وانفتحت باب الغرفة ودخل هو خفت كلش ثنيت رجلية وحضنتهم لصدري ..

اجه يمي طوق اكتافي واخذني لحضنه وظل يبوس براسي حيل ويشم بكل مكان بية كلش قووي مثل المدمن من يشم المخدرات ..

ظل يهمس بأذني ويطمني بانو مراح يأذيني ولايلمسني الا لما اطيب .
كال .. يلله كومي اكلي وبدلي اخذج للدكتورة .

كمت من السرير بدون مااجاوبه .. ورحت غسلت
شفت بالمطبخ محضر سفرة بيها كم نوع من الاكل
كعدت اكلت كم لكمة ..
وكمت بدلت وطلعنه ..
اخذني لدكتورة عراقية مقيمة بتركيا
صعدت ع السدية واني خايفة وخجلانة اول مرة اتعرض للفحص .. فحصتني
وراحت كعدت على كرسي مكتبها
لبست ملابسي ورحت يمهم
هو كاعد ينتظر ..
كلتله على كيفك وياها البنية رقيقة وهواي متضررة ترة ..