طَريّق الوَهَم

بارت ٣٠

#طريق_الوهم
بارت ٣٠
نورا ناصر

اندار عليه ملامحه كلها تخوف
ركع باب الكنتور بقوة ..
على اثر صوته جفلت ولزمت طرف ميز التواليت ..
تقدم بخطواته صوبي مخنزر عيونه ..
اكاد اموت من خزرته شكد مخيفة ومرعبة

وصل يمي واني اباوعله مرعوبة
كال منو سمح الج تجيبين سيرتها ؟

كوة نطقت ..
_بس انت ماكتلي لتحجين بيها وبعدين هيه موو اختك ليش ..

قاطعني :.. منوو حجالج عنها اهلي اخواتي منو ؟
سكتت ولساني انعكد مااكدر انطق ..
عااط :  منووووو .

بصوت يرجف  : والله محد والله بس اني تذكرتها قبل كم سنة

قاطعني مرة ثانية : اشششش انسي ولا كانج تعرفيها
ولاشايفتها بالمختصر المفيييد اللللج لاتجيبين سيرتها ابد مفهوووم جوجو ؟

كحيت وبلعت ريق وهزيت راسي بايجاب: الي تشوووفه حاضر  .

جر نفس من خشمه بقوة مد ايده لراسه يرفع شعره ليفوك انطاني ظهر لثواني
ورجع باوعلي ..
حضن وجهي بثنين ايديه
عصر خدودي .
كال .. يلله نشفي شعرج ومشطي

عافني وراح كمل الي جان يسوي قبل شوية
يسطر الملابس وحسب تدرجات الالوان ..
اما اني التفتت ع المراية وعين عليه وعين على حالي
احس نفسي منقَسِمة  جُزءٌ بيه  يُقٱوِم وجُزءٌ اخر  ينهَٱر وجزء لايبالي بأي شي ..

يوم ثاني الصبح اندكت الباب ..
راح فتحها دخلت عمتي ام مسار
رحت سلمت عليها ورحبت  بيها ..
طلع مسار بقينه اني وياها ..
وظلت تجيها دك تليفونات وتجاوبهم بلغة غريبة

لهناك اندك الجرس لفت شالها وطلعت تفتح الباب طليت من الشباك دخل رجال متوسط العمر بالباب وشفته خله علاليك كوووومة يكفي  عشيرة كاملة ..

راح الرجال وصاحتني هيه ..
رحت الهاا ..
كالت يلا ثرمي حبيبتي خلي امليج المجمدة ابني جزع من اكل برة 

_ شثرم عمة
_ لاتكولين عمة كولي ماما ..

_ صار ماما ..
دنكت اخذ العلاليك وكانت مليانة سبيناغ ..!!

دخلتهم للمطبخ وبلشت اثرم .. واثرم ..
ثرمت وكملت خليته بالسنك لحتى اغسله
انفجر  البوري وطك علينا المي والصالة والمطبخ انملو مي وكله نواعم اوراق ثرم سبيناغ ..

باوعتلي و كالت يلا نشفي خو ماتصفنين بوجهي تعلمتي عالدلال ..

مجاوبتها ودنكت انشف وامسح
واني مدنجة وداامسح وانضف تزحلكت ووكعت وكعة معدلة طك ظهري طكه متت بجي وقهر عفت من ايدي كلشي ..

بدخلته  وهو دخل شاف الوضعية  خزرها وخرزني كسر السنكي وتعارك وياها وظل يسب وعيط

عفت كل شي ورحت للفراش بجيت بجي ماصاير شنو الي ديصير وياي وتذكرته من كلي ماخليج تتعبين نفسج طبخي شغلات بسيطة وهو اصلا ياكل وجبتين خفيفة وحدة والثانية يطلبها من برة لو اني وياه نسويها مشويات لو بايركسات بالفرن هيه شنو دخلها تسوي كل هذا ..