طَريّق الوَهَم

مشهد .

#طريق_الوهم
نورا ناصر ..

مشهد من القصة ..

بعد رحلة اشبه بالعذاب استمرت لمدة ٢٤يوم ..
 وبشق الانفس وصلت   لجزيرة رودس .. جزيرة بين تركيا واليونان ..

داير مدايره الثلج بكل مكان ونباتات كوة مبينة خضرتها من بين الثلوج
لان ماكو مطر
وغابات احتلت انظاري البعيدة  الي كانت مسار رحلتي مشيا على الاقدام ..

  ...اني  امرأة عراقية حامل !! مغتربة ووحيدة ..
واكفة ودرجة الحرارة ٣٠ جوة الصفر
باردة حييل والبرد مينحمل.

متاملة اذا شافني وعرف اني حامل راح يتحمل مسؤوليتنا ومتأملة اطلع وياه واعيش بسنده وجاله
....

هواي آمال بنيتها بهاي الرحلة
بعد ليلة قارسة البرودة  برودس ..  بمخيمات صغار قرب البحر .. ..
اخذت اغراضي ورحت لمكان الي تطلع منه القوارب للبحر ..
وبقيت انتظره بدون ملل .. .. بين شوك وحب وحيرة وخوف ..
انتظر جيته بفارغ الصبر ..

..

خليت ايدي على بطني اتحسس جنيني هسه  بشهر السادس
تخللتني لفحات الهواء الباردة  لفيت الكوت زين لان البرودة وصلت لعظمي .

الاحساس بالغربة قاتل ..
شعوري بالوحدة يكاد يخنكني الا من وجود جنيني في بطني الي مخلي عندي امل بكل شي .

امام انظاري البحر وناس من مختلف الجنسيات
هاربين من الموت ببلدانهم برحلة لاتخلو من مخاطر مميتة .. نظرات الخوف والفزع تشع من عيونهم ..
ضجيج يملي اذني اصوات الناس وصوت البحر .. وامواجه العاليه يرعبني ..
البحر الي صار مقبرة مائية للكثيرين
الناس الموجودة كانوا جموع من الرجال والنساء والاطفال .. الهاربين من نيران الحروب ماخذين آلامهم وآمالهم وياهم رغم معرفتهم المسبقة بالمخاطر الي راح يتعرضون الها ..

بيدي جنطة بيها ملابس واكل مجفف
و٣ كتب قران كريم. 

جان بداخلي احساس جنت اتمنى يطلع خطأ ..
انتظرته هوااي .. تعب على ملل والام وثكل الحمل
بس اتمنى المح طيفه ..
لساني يلهج بالدعاء ربي لاتخيب ظني
خلي يجي هالمرة .. بقيت من الصبح للعصر على هالوكفة ..

شفت المهرب  .. هو وصديقه ..
تقدمت بخطوات هشة ..

سلمت عليه  .. شلونك خوية

جاوب الحمدلله

سالته عنه
كال ماكو مااجه ..

غمضت عيوني الياس الي بداخلي تملكني ..
حسيت نفسي بلحظتها مثل شمعة ومستحيل ماتذوب وتنتهي ..

مديت ايدي وتكلمت
-هالجنطة اله  فدوة دير بالك عليه

اخذها مني گال انتي تجين ويانا ؟

حجيت بيأس لـا مااكدر مدبرت المبلغ

باوعلي بنظرة عطف و تكلم بنبرة تحذير
.. خوية انصحج لوجه الله لاتجين بعد.

انقهرت واستغربت جملته
سألته بحزن وصدمة .. ليش اخي لان  اتأخرت بالفلوس عليكم؟؟

لا بس  الي جايه على موده   دمار  والله هذا دمار ..
نصيحة شوفي حياتج ميفيدج والله.

انت شدتكول تعرف الي دتحجي عنه هذا شنو بالنسبة اليه ..

اني علمودج والله يا اختي..

بعد ماكدرت انطق .. دااحاول اجمع كلام مدااكدر ..

كال ..  يلله اني اروح ..

راح واني دموعي من البرد جرحت وجهي
البرد والثلوج والوجع كله بكفة
والحجي الحجاه المهرب بكفة ثانية

لحظتها بس ردت الزم قلبي بيدي واكوله خلص بعد لاتنتظر .. بقلب محروك عرفت وتيقنت انه الي احسه مو بس احساس وانما واقع ..

بقيت واكفه وافكر بكلام المهرب احس كلامه وجهلي  ضربة بنص قلبي قسمته نصين ومااحس الا الثلج الكدامي انملى لون احمر الظاهر ظليت  انزف ..

__________________

_مشهد من القصة ، ليست النهاية ولا البداية وانما مشهد فقط .. ❤

_ شلونكم مشتاقة الكم هواية احلى متابعين عسولين ❤
من بين القصص الي وصلتني اختاريت هذه القصة بطلتها متابعة ويانا فارجوا انتقاء الكلمات والالفاظ بشكل لائق .. ❤

_اتمنى تدعولي لان تعبانة شوية وكلش احب دعائكم وفعلا احس بالراحة من تدعون الي
ادعولي بان ينزاح همي .. ❤

_بس يكمل  البارت الاول انزله ان شاءالله ❤

الى اللقاء قريباً❤ ..