طَريّق الوَهَم

بارت ٢٥

#طريق_الوهم
بارت٢٥
نورا ناصر

استمرت عيطتهم بالربع ساعة
واني اباوع علاء خاتل وره ابوو

ومهيمن يهد عليهم بالقامة .. !!!

وصوت عياطهم واصل لراس الشارع ...

يعني شلوون اثنين يردوني اتزوجهم
... هو هذا هم حظج جلنار
واحد عكس الثاني واحد اضرب من الثاني ..

خالو حسن مكدر يفكهم بالصدفة اجوا اخوان مرته لخالو حسن ..  وفاككهم وكلمن راح البيته ..
كعدت بالهول واني صافنة
و محتارة بهالمصيبة الي طلعتلي بالجديد ..
..
اجه يمي خالو حسن ..
خله ايده على كتفي يربت عليه بحنية
_لتخافين بنيتي ولاتضوجين ان شاءالله محلولة ..
_والله ياخالو محتارة وين اهج ووين اروح عود شردت من بيت اهلي اجي هنا هم لحكوني .
_خالج ابو احمد جاي من كندا الشهر الجاي وان شاءالله اخلي يتدخل ويحلهه وهسه يلله كومي تعشي ..
_والله ياخالو مالي نفس احط لكمة بحلكي
_لاتزعليني منج ويلله كومي ..
باوعت اله وابتسمت رغم القهرة والخوفة البيه وكمت ويا وتعشينه ..

مرت ايام رجعت لبيت اهلي ..
حاولت اخذ من خاطرهم واصالحهم ..

بعد رجعتي بأيام كنت بغرفتي فوك
واسمع صوت بجي ونحيب
كمت مكاني وركضت جوة
واشوف امي بالهول ناثرة شعرها وتدك على رجليها
اخواني واخواتي داير مدايرهه صافنين ريم تبجي وملاك مدمعةة..
انذهلت من المنظر
كمبصت وكعدت كبالها لزمت ايديها امنعها من اللطم والدك على رجليها ..
_يوم شكو شصاير اهدي شوية موزين على صحتج ارحمي نفسج ..
رفعت وجهه وعيونها مورمة حمرة
_ولج ابن خالج حمد (ابو مهيمن) كتلووو سودة عليه راح بعز شبابه ....
_ يااا منووو منهم ..
_ الجبير مصطفى راح وترك عائلته واطفاله حرك كلب امه وكلب ابو كتلوو المايخافون من الله ..
كابلتها وظليت ابجي خطية انقهرت عليه بعده شاب وعنده اطفال ..
كمنا لبسنا الاسود وحضرنه اغراضنا .. أجرنه سيارة وانطلقنا لبغداد حضرنه العزة ..
رجعنه بعد ايام لبيتنا والجو كئيب كلنا تأثرنه لوفاته
بهالفترة كدرت اخلص من مهيمن شوية وصارت سكتة
اما بيت عمي وبيبي اجو يقدمون النا العزاء وفتحوا الموضوع مرة ثانية وامي سدته بوجه بيبي كالت احنا حزنانيين هسه مو وكتها هما هم استحواا وسكتوا ..

صار اربعين مصطفى اجى خالي حسن واخذ  امي لبغداد .. واخذت وياها ملاك ومؤمل ..
بقينه احنا اني وابوية وريم ومحمد ..

بعد ماطلعت امي رأسا ابوية صاحني ..
_تعالي بنتي نارة عندي موضوع وياج

عرفت راح يفتح موضوع علاء
بس غلست وكلت اسمعه للاخير ..

: يابنتي عمج بعده مصمم ياخذج لعلاء واني ابوج واعرف مصلحتج ..

بينما هو ديحجي جريت نفس بنفاذ صبر بدون مااحسسه ..