#طريق_الوهم
بارت ١١
نورا ناصر
التوازن ...
التوازن بين الروح والجسد شي كلش مهم والحياة الماشية صح ماممكن تستمر بدون التوازن ...
لازم نوازن بين حاجة الروح والجسد
وضروري جدا منخلي اي كفة تطغى على الثانية
ولازم نوازن حتى نوصل للعدالة .....
وحتى نستقر نفسيا لازم نوازن بين انفسنا وغيرنا ونعيش لخاطرنا ولخاطر غيرنا ونضحي لاجلنا ولأجل غيرنا ......
لكن الي يقهر والي تعدى على كل قوانين الحياة هو انك تعيش كل عمرك لغيرك وتقاتل وتستقتل حتى يستنزفون كل طاقتك وحتى روحك
وتكون عايش بدون ادنى توازن
خاصة لما تلكى نفسك .. تحفر بالصخر
وتتخلى
عن نفسك
وعن جسدك
وحتى روحك
فجاة وبدون مقدمات تكتشف انك كنت تنسى ....
بس شتنسى .؟! اي تنسى هواي ....،!
تنسى قلبك
تنسى عمرك
وتنسى حتى حياتك
وازنوا بين انفسكم وغيركم
ولاتغالون بالحب ابدا ..
مسار .. اني اعشقج ..
جلنار .. بذهول بس ..ااا بس اني ماافكر بالحب ولا اؤومن بي ..
مسار .. ليش
جلنار .. لان الحب ضعف وياخذ العقل واني مااكدر .
مسار .. تفكيرج غلط الحب روح الحياة
جلنار .. ماادري يمكن صح ويمكن غلط مااعرف ولا مفكرة ولا اريد افكر بهالشي .
مسار .. طيب انطي مجال لقلبج واسمعي اله
جلنار .. لا مااكدر طبيعتي مااعرف اسمع لعقلي وبس وممجربة اصلا اسمع لقلبي .
مسار .. ليش هالتفكير القاسي بعدج بزهرة شبابج .
جلنار.. رجاءا استاذ مسار انته متعرف شي واتمنى تبتعد عني لان طريقنا مختلف ......
مسار .بحزم . اني اعشقك وانتي الي .....
جلنار .. رجاءا لاتفكر بية بهالطريقة
مسار .. انتي لازم تسمعين قلبي شلون يدك لما يشوفج
جلنار .. لا مااريد كتلك اني انسانة عقلانية يمكن انته عرفت بنات هواي خلي ببالك اني مووحدة منهن .
مسار .. طيب انطيني فرصةاثبتلج حبي .
جلنار .. اترجاك افهمني اني ماافكر لابالحب ولا الزواج عالأقل حاليا وخليني اروح لان تأخرت فدوة .
مسار .. اخذي راحتج واوعدج يجي يوم تحبيني وتصيرين الي وبس.....
حاولت اركض بكل سرعتي مدري قلبي شبيه احس نفسي اتقيدت بسلاسل وحيل خفت اول مرة اشوف نظراته الي كلها غرابة يسودها التكلف والغرور واللمعة وشي معرفت اقراه ولا اميزه رغم حزنه البارز على شخصيته ابدا مكدرت اميز ليش هيج يتصرف وشنو شاف بية حتى يحبني ياربي احميني منه وصلت ليم الايتام والارامل الي بدو يخلصون غدا حتى نرجع للمؤسسة وهم كل واحد منهم يرجع لبيته ..
أنت تقرأ
طَريّق الوَهَم
Literatura Feminina"مابينَ وهمٍ ووهمْ ،كذبةٍ وكذبةَ ،نصبةٍ ونصبة كنتُ أنا الضحية كُلَّ مرة! .. مابينَ أملٍ مزيفٍ كنتُ أحاطُ بهِ بحياتي أصبحتُ ماعُدتُ أستطيعُ التفريقَ بينَ الواقعِ والخيال ،بينَ الحقيقةِ والوهم .. أصبحتُ كمريضِ الفِصام حينَ يعجزُ عن معرفةِ من هو ؟ وماه...
