هو من بعد الحب بقلم حروف مبعثرة الناشربارق العراقي

البارت الاول

#هو_من_بعد_الحب
#البارت_الاول
#بقلم_حروف_مبعثرة
#اalnasheraliraqi9

دك الجرس .يعلن انتهاء الدرس ..
طلعت المعلمة ...وبدو الطلاب يطلعون من
الصف ..طلعت اني وكفت يم
الفتحة ..الي تطل على الساحة ..
واباوع للطلاب شلون يركضون ..
ويلعبون ..
ومن بين مجاميع الطلاب ..
لفتت نظرري ..طالبة .
سبحان الخالق ..
بس شعرها وحدة يخليك تصفن ..
اي ذيج الطالبة لفتت نظري .
ودك كلبي الها من اول نظرة ..
وهاي اول مرة .. اشوفها .بالمدرسة .
اني ضرغام ..
طالب بالصف الخامس ابتدائي .
اشطر ..طالب بالمدرسة كلها ..
معروف بذكائي ..ومن الاول ابتدائي
ولحد الان الاول ..على المدرسة ..
طبعي مو ذاك الكد اختلط والعب ..
اكثر وقتي ادرس ..
وعندي كبرياء بداخلي ..
يمنعني من اللعب..
احس روحي اكبر من اصدقائي ..
وما احب اللعب ..
واجهت صعوبة بالصف الاول .
لكوني كردي القومية ..
واداوم ..بمدرسة عربية ..
لكن تجاوزت كل الصعوبات ..
وصرت انجح ودائما الاول ..
اليوم اني بالصف الخامس ..
من جنت اباوع على الطلاب ..
شلون يتراكظون بالساحة ..

لفتت نظري هالبنية ..
من دون الطلاب ..هية بيضة جدا
وشعرها اصفر طويل ..
ظفيرتها ..طويلة وحلوة ..
ظليت اباوع عليها ..
ما ادري ..ليش انعجبت بيها ..
واصلا ..هاي اول مرة اشوفها ..

جانت تلعب توكي بالساحة ..
وية صديقاتها ...
ومن تكمز على المربعات الي مخطوطة
على الارضية ..
ضفيرتها ..تتحرك ..
بشكل يجذب النظر ..
ضليت صافن عليها ..

اني فوك ..وهية تحت ..
ومن بعيد ملامحها وضحت الي ..
بنية جميلة جدا جدا ..
وخضار عيونها ..
زايدها جمال ..
هاي اول مرة احس
بكلبي احساس غريب ..
خلصت الفرصة ..
ودخلت الصف ..

ومشى اليوم عادي ..
لكن اكو شي تغير داخل كياني ..
شعور اول مرة اجربة ..
وهو ..ما ادري ..
اي ما ادري ..شسمي
اعجاب
حب ..
مشى اليوم عادي ..
ومن رجعت للبيت

مابين تحاظير ...
وبين عائلتي ..
وبين ذيج الصورة
الي مدى تفارك بالي ..

منو هية
ومنين اجت ..
وشسمها ..
وبيا صف ..
اسئلة تكونت ..بداخلي ..

زين ليش هلكد اني افكر بيها
ضرغام انت رايح تدرس
وتنجح وتصير طبيب..

اي طبيب..امنيتك
وامنيت ابوك ..

طلع هالافكار من بالك ..

بعد يومين ..
داومت ..كان يوم الثلاثاء ..
وبيومها ..كالو
راح انعين قدوة
للصف ..
واني طبعا كل تعرف
وتعترف بية
ضرغام الشاطر
المميز من بين الطلاب
كلهم ..

كنت اول المرشحين ..
ان كون القدوة ..
ومن بين المرشحين ..
كانت المرشدة ..
ترد واني وصديقي ارشد ..
نكتب .
الخطوط على الصبورة .
الي هية اصوات الطلاب ..

كان اسمي مكتوب على الصبورة
ويحمل اكبر عدد من الاصوات ..

اكتب واني كلي فخر ..
جان يجيني صوت ..
من الخلف ..
جانت باب الصف مفتوحة ..

اجاني صوت ناعم ..
صوت عبالك نغم
اي نغم موسيقى هادئة ..

اجاني صوت خلاني التفت
للوراء ..

واذا هية ذيج البنية
الملاك ...

نادت بصوتها الناعم ..

منو ضرغام محسن ..

وللحكاية بقية ..
______________________________________