الفصل العاشر
صمت مخيم على المكان فقط صوت الموسيقي الحزينه تعلو المكان كان ينظر الي الأمام بصمت لا يعلم ماذا يفعل ولا حتى يعلم ما شعوره الآن مد يده ليعيد كرسيه الي الخلف قليلاً
ليغمض عينيه وتزينت ابتسامه على شفتيه لا يعلم لماذا يبتسم وهو في تلك الحاله
فاق من تفكيره على صوت باب السيارة وهو يُفتح ليدلف يحيي بسرعه وهو يردف
- مالك يا عز في ايه؟ انت كويس
هز عز رأسه نافياً وهو يردد
- اليوم اللي حلمت بيه رفضتني هي وكسرتني فيه
اعتدل في جلسته لينظر الي صديقه وهو يردف
- طب هو انا استاهل كده انا فضلت احافظ على حبي ليها فـ الاخر تعمل فيا كده انت شايفني استاهل كده يا يحيي
ملس على ظهره وهو يردد بخوف من حالته
- اهدا يا عز
وضع عز يديه محتضناً نفسه بضياع وهو يردد
- انا انا مش عارف كلمتك ليه بس بس انا بردان، بردان اوي يا يحيي
شلح يحيي سترته بدون تردد واعطاها إياه ثم هبط من مكانه واتجه الي الباب الخاص به ليساعده على الهبوط ثم بدأ يسانده ليصله الي مكانه بينما استقل هو مكانه خلف المقود ليغادر الي المنزل
اثناء سيره لف وجهه لينظر الي صديقه وجده نام بعمق كأنه غاب عن هذا العالم ليغمغم بخفوت
- اعوذو بالله من العشق وتعبوا
.....................
جلست روما بجانبها وهي تحاول معرفه مابها ليردف سيف بحده بسيطه
- يا شهد قولي مالك بقى وبطلي عياط
- انا عايزة اطلق مش عايزة اكمل معاه
صدمت روما وبادلت سيف النظرات لتردف باستغراب
- شهد انتي بتكبري تتهبلي ولا ايه، هو اللي عايزة اطلق بعد كل السنين ديه بتقولي كده ايش حال مانتو عارفين بعض من وانتو فـ اللفه
- قولي الكلام ده لاخوكي اللي مفضل واحده تانيه عليا
- كنت عارف انك هنا
قالها مروان وهو يدلف وملامحه لا تبشر بالخير وقفت روما أمام أخيها بعصبيه مهتاجه
- ايه الكلام اللي شهد بتقولوا ده يا مروان
ارتفع صوتهم قليلاً ليصل الي زيد و إياد في الخارج ليردف زيد بتأفأف
- استغفر الله يا رب
- هو ايه اللي حصل يا زوز
- يا عم انا رجعت من الدرس لقيت الدنيا قايمه وعمالين يتخانقو
