الفصل الثاني و الثلاثون
حسناً حسناً هو من أراد الابتعاد فـ ليرحل وتصيبه ألف لعنه ولعنه هو المخطأ هو من كان يجلس وهي تقف بجانبه بتلك الصورة الحميميه
عقب ان شعرت بتدخل الأمور فـ بعضها وتشابكت أطلقت صرخه بسيطه دليل على إنفعالها
أعادت ترتيب خصلاتها للخلف وهي تتنهد بضيق
- انا هروح عند ماما اقعد عندها مش طايقه اقعد معاه
فتحت خزانة ثيابها لتقوم بجمع عدة ثياب وضعتهم في حقيبة ظهرها ثم تنفست صعداء لتبدأ بالهبوط بـ ثقه مُزيفه
وجدت سيف يجلس بجانب إياد يقومون بالأعمال الخاصه بهم
وبجانبهم روما التي كانت تقوم باستذكار دروس ابنتها
وقفت أمام سيف وهي تعدل حقيبه ظهرها مكمله بثبات
- أونكل سيف انا هروح عند مامي
استوقف قراءة الملف الذي بيده ليرفع حاجبيه بلا مبالاه واكمل القراءه لتردف روما باستغراب
- ليه يا حبيبتي انا مخلياكي قاعده معايا وانتي عايزة تمشي
ابتسمت روما بخفوت وهي ترد
- لا يا عمتو انا عايزة أقعد شوية مع مامي شوية
تنهد سيف وهو يرد بابتسامه
- خلاص روحي وخلي السواق يوصلك
- مفيش خروج فـ الوقت ده الساعه داخله على حداشر اترزعي هنا والصبح نبقي نوديكي
قالها إياد بفظاظه لتقطب هي حاجبيها بضيق مردفه
- السواق هيوديني و أونكل سيف موافـ...
قاطع حديثها وهو ينزل رجله من على الأخره مردفاً بثبات
- والله انا اللي جوزك مش أونكل سيف وبقولك اقعدي بدل ما يبقي لا انهرده ولا بكره
- لا مليش دعوه انا عايزة اروح دلوقت يا عمتو
قالتها وهي تذبذب بـ قدمها فـ الأرض وتقف خلف روما طالبه دعمها فـ تلك الحاله لترد روما
- في ايه يا إياد ما السواق هيوصلها خليها تروح
وضع الأوراق وهو يردف بضيق
- ماما بعد إذنك مفيش خروج دلوقت الساعه داخله على حداشر وانا معنديش ستات تخرج فـ الوقت ده خلاص!
أعاد سيف ظهره إلي الخلف وهو ينظر لـ إياد بتحدي
- طب قوم يا إياد وصلها بيتهم وارجع ومش عايز نقاش فـ كلمتي مفهوم؟
أخذ شهيقاً عميقاً لينهض وهو يسحب مفاتيح سيارته مردفاً
- انجزي اما نشوف أخرتها
