الفصل الخامس عشر
- إياد يا إياد
قالها حسام وهو ينظر الي إياد وهو يتجه الي الأسفل ليلتفت إياد بهدوء وهو يجيبه
- نعم
- كويس اني شوفتك تعالا فوراً
- في ايه؟
قالها بخوف فـ توقع ان والدته أصابها شئ ولكنه سحبه بيده حتى ادخله غرفة روما ودلف هو الآخر مغلقاً الباب خلفهم حتى ينهي الوضع هذا كلياً
تأفأف إياد وهو يدور بعينيه فـي جميع أنحاء الغرفه حتى لا تلتقي بها
- حسام خليني امشي
- لا محدش فيكم هيمشي من هنا قبل ما اللي حصل ما بينكم يتصافى ولو طول اني احبسكم هنا هه!
- انت متعرفش ايه اللي حـ...
قاطعه حسام وهو يشير لـ روما مكملاً
- روما حكتلي كل حاجه
ألتفت إياد وجلس على الكرسي الذي كان خلفه وهو يردف بلامبالاه
- ايوة وانا اعمل ايه يعني؟
صمت كلاهما ليعدل إياد من جلسته ثم رفع اصبعيه وهو يضمهم مكملاً
- لو شايف اني غلطت نص غلطها ابقي تعالا عاتبني ياخويا!
عض حسام على شفتيه وبدأ بتحريك فمه بتعوق قائلا
- هو يعني انا بقول...
قاطعه نبرة إياد الحاده وهو يردف
- يا تتكلم عدل يا تخرس
تنهد حسام و وضع يديه وبدأ يحركها صعوداً وهبوطاً وهو يردف
- بص انتو الاتنين غلطو خلص الموضوع صافيه لبن
انهى جملته السخيفه بابتسامه بلهاء سمجه وهو يحاول معرفه ماذا يدور بهم من تعابيرهم ولكن اخطئ ليردف بتأفأف
- مينفعش تفضلوا زعلانين من بعض كده عشان عمتو روما وكمان يعني انتو زودتوها اوي فـ خلاص بقى
عندما لاحظ صمتهم الممتد نظر الي روما بأعين راجيه
- روما بليز بقى انهي الموضوع
نظرت له روما شرزاً واردفت بضيق
- هو اللي غلطان وكمان ضرب إيهاب وضربني
- كام مرة حذرتك منهم؟!
نطق بها إياد صارخاً بحده لتنكمش في مقعدها بخوف حاولت النطق مردفه بتردد
- بـ بس إيهــ...
قاطعها صارخاً وهو يحرك كفيه في الهواء بعنف
