الفصل الحادي عشر
حملها ونظر الي نوران الهاويه ارضاً بخوف ليصرخ بها قائلاً بعنف
- لو حصلها حاجه صدقيني مش هرحمك ولا هرحم امك اللي خربت حياتي
ركض الي الخارج ليضعها على الفراش الخاص بهم وه يحركها بتوتر ويحاول إفاقتها
- روما عشان خاطري فوقي
احضر احد زجاجات العطر وبدأ بنثره ليقرب يده الي أنفها ولكن لم يجد استجابه أعاد طرق وجنتها ليتفاجأ بـ البروده التي احتلت جسدها لم يمهل تفكيره ثوان ليحضر إسدالها الخاص وركض بها إلي المستشفي التي يعمل بها معاذ
دقائق كان يطوف في الممر بخوف عقب ان دلفت الي غرف الطوارئ كاد أن يشعر بـ صعود روحه بسبب الخوف ولكن انقذه خروج معاذ ومعه احد الأطباء يتحدثون بعمليه
تقدم مهرولاً وهو يتسائل عن حالتها ليأخذه معه الي المكتب كي يشرح له الوضع بطريقه مبسطه
انتصب سيف وهو يمسك بـ ياقته بعصبيه وصراخ عنيف
- انت اتجنت يا معاااذ روما ازاي ازااااي
- اهدا يا سيف لازم نحاول نساعد روما
ارتعش معاذ وهو يسمع صراخ سيف وهو يردف
- مقولتش ليييه؟؟ حرااام عليك
جلس سيف على المقعد وهو يضع رأسه بين كفيه بحزن شعر بالدموع التي تشكلت في مُقلتيه ليردف بضياع
- كلو إلا ان روما تروح مني انا من غيرها هضيع والله
وضع معاذ يده على كتفه وهو يحاول تهدأته
- سيف انت قوي ولازم تسند روما عشان هي محتجاك
- روما قوتي يا معاذ روما سر قوتي انا اللي محتاجاها فـ كل وقت
- طب اسمعني عشان صحة روما
رفع سيف عينيه وهو يستمع بشده الي تعليماته ليردف معاذ بعمليه
- احنا هنزود جرعات العلاج الكيميائي عشان نوقف نمو الخلايا السرطانية وبعد ما تتوقف هتسافر ألمانيا تعمل العمليه عشان ننهي كل حاجه وترجع زي الأول
- انا عايز تقرير مفصل عن حالتها هبعتو لـ كذا مستشفى برا وكمان عايز اعرف المطلوب مني بالضبط من اول ما تصحى من النوم لحد ما انيمها
- حاضر يا سيف هكتبلك كل حاجه بس متنساش ان روما حاليا فـ فتره انهيار فـ خد بالك منـ.
قاطعهم صوت الممرضه وهي تدلف مردفه
- دكتور معاذ مدام روما صحيت
- تمام خدي الاستاذ سيف عقبال ما اكتبلو التقارير و اول ما تخلص المحلول تخرج
- حاضر اتفضل يا فندم
