متاهات الزمن

بارت #9

#متاهات_الزمن
علي الديواني
#اونو

ام سجاد/اباوع لكيان يروح ويرجع بممر المستشفى ومبين عليه القلق حيل...يمة يا أزل حظج المصخم هذا يا يمة...ابجي وانوح على البنية شكلها يكسر خاطر عدوها..

كيان/باوعتلها ام سجاد لا حظها ولا شي بس والله اذا محاولة تنتحر اخليها تتمنى ماتت وما بقت عايشة..
ام سجاد/لا يا يمة كيان على كيفك ويا البنية ممسوية شي..

كيان/بعصبية ممسوية شي شنو؟..هاي حاولت تقتل ابني...ام سجاد تعرفين شنو ابني هذا لحمي ودمي وهي تريد تقتله..

ام سجاد/يمة منو گال البنية مسوية شي بروحها...استهدي بالرحمن واذكره..

كيان/شوية وطلع الدكتور...ها دكتور بشر شنو حالتها..

الدكتور/والله دكتور كيان ما اعرف شنو اگلك...بس البنية حالتها الصحية تعبانة ومهملة وعدها فقر دم حاد الحمدلله ما صار شي بيها...لو باقية كم يوم بعد نفقدها المريضة...واذا امكن دكتور اريدك على كلمة وحدنا..

كيان/رحت ويا الدكتور على جهة...تفضل دكتور آمرني..

الدكتور/دكتور كيان لو ما اعرفك جان هسة اتصلت بالشرطة...بس اعرف انت متسوي هيج شي..

كيان/خير دكتور شصاير؟..

الدكتور/المريضة متعرضة لتعنيف وضرب قوي وجسمها كله كدمات والمفروض ابلغ الشرطة بهل شي بس اني اعرف مو انت...فهمني منو اللي سوة هيج بيها؟..

كيان/اظن الدم بوجهي كله اختفى من حجى هيج الدكتور...هااا؟...تعنيف شنو دكتور مبيها شي...لا مبيها شي..

الدكتور/دكتور البينة اريد اخليلها مغذي بالوريد اديها زرگ من الضرب وكدمات قوية وحتى وجهة بيه كدمات...وخليت الممرضة تكشفها گالتلي حالة جسمها بعد اسوء بسبب الكدمات...هاي البنية جاي يعذبوها دكتور كيان لازم نتخذ اجراء ونساعدها..

كيان/بس اريد اسكته عن الموضوع مجاي اكدر انطي اي عذر...اي خلي اگله هيج...دكتور اوعدني متگول شي اذا كتلك..

الدكتور/اذا شي اكدر اسكت عنه اوافق..

كيان/البنية اخوتها يعذبون بيها ومخليها خدامة لنسوانهم واني كسرت خاطري وتزوجتها بس لحد الآن ما عقدنا عقد محكمة...وهي تحب اخوتها ومتقبل اقدم دعوة بيهم للمحكمة...لهذا ارجوك احترمها وانسى الموضوع واوعدك ميتقربون منها..

الدكتور/بارك الله بيك دكتور...كبرت بعيني ويوفقك لفعل الخير...مدام هيج الموضوع راح اغض البصر عن الموضوع...ويمك ان شاء الله تنسى اللي مرت بيه..

كيان/الله يقدرني على الفعل الخير وياها...بگلبي اني الج يالفصلية هسة صرت جذاب بسببج نرجع وحسابج يمي..

ازل/جنت بالمطبخ وظلمت الدنيا كعدت لگيت يمي ام سجاد تبجي وجسمي يوجعني كله...آخ آخ آآخ...ظهري يوجعني وابجي من ظهري كلش أذاني..