متاهات الزمن

بارت #20

#متاهات_الزمن
علي الديواني
#اونو

السلام على ورد شفافها..
السلام واحة عينيها..
السلام على المرصع خديها..
والسلام لقلب عشقها ويحتويها

___________________20__________

قبل اسبوعين..بيت آدم..

ام آدم/يمة مسر كومي غسلي الملابس بالحمام صارن هواي لا تصير بيهن ريحة..

مسر/ماما العروس متتحرك والله تعبت كلشي علية حتى ملابسها اني اغسلهن وغرفتها اني انظفها...احجي وياها خلي تتحرك تساعدني على الاقل غراضها هي تسويهن..

ام آدم/لج يمة هي بعدها بنية عروس وممتعلمة على الوضع...تعرفين مو سهلة تطلع من بيتك لغير بيت..

مسر/ماما تحجين صدك...اعرف العروس ورا يون السابع تصير من اهل البيت وتشتغل مو صارلها شهرين تقريبا عروس..

ام آدم/يمة خليها شنريد منها هسة احنا...شغلنا قليل ونكمله كله..

مسر/لو يعرف بيها آدم هيج عجوزية ميتزوجها..

ام آدم/لا مبيها شي البنية خلي تخدم زوجها بس كلش كافي ممحتاجين شي احنا..

مسر/ماما هي ملابسها متغسلها وتريديها تخدم زوجها...خليني اروح احجي وياها حتى تغسل ملابسها..

ام آدم/لج كعدي لا تسوين شي اني اغسل مكانج..

مسر/لا والله تغسلين مكانها شنو...شو وخري ماما..

ام آدم/لج مسر..مسر كعدي راحة..

مسر/تركت امي تصرخ وصعدت لغرفة آدم...دگيت الباب..

اسراء/جنت نايمة واندگت باب غرفتي...اممم نايمة نايمة..

مسر/ظليت ادك الباب اكثر واقوى..

اسراء/هذا منو يدك هيج ومزعج...منو احجي..

مسر/هاي اني فتحي الباب..

اسراء/فتحت الباب...ها خيرج شكو تدكين هيج..

مسر/ماكو شي ابد...بس لمتى تفكرين تراوينا وجهج خانم..

اسراء/هسة شنو تريدين مني اريد انام..

مسر/شنو شريد منج...هاي ملابسج غسليهن غرفتج داكها الوصخ نظفيها...لو عاجبج نشتغل عندج..

اسراء/اي عود انام ومن اكعد اسويها..

مسر/لج شنو تنامين والله اذا اسولف لآدم اخليه يعلمج..

اسراء/هه خوفتيني...گالت آدم گالت...المفروض انتي تخافين منه مو اني...اني حبيبته وعمره ميسويلي شي..

مسر/الظاهر انتي متعرفين آدم...اذا عبالج يسكت عن الغلط لان يحبج...لا حبيبتي من رجليج لراسج غلطانة انتي...اخوي واعرفه..

اسراء/اممم...نشوف اذا يبقى هيج اخوج...هسة ميرفض الي اي طلب لان يحبني وشنو اكله يسوي...حتى لو اكله اضرب هاي البنية..