متاهات الزمن

بارت #14

#متاهات_الزمن
علي الديواني
#اونو

ليس لى غير إبتساماتك من زاد وخمر
بسمة منك تشع النور فى ظلمات دهرى
وتعيد الماء والأزهار فى صحراء عمرى
ثم ضاع الامس منى
وانطوى بالقلب حسرة /ادريس جماع

___________________14_________

قبل يوم من سفر محمد...

ازل/جهزت غراض محمد للسفر وطبخي صار طيب...طبختله شوية اكل وحلويات وحضرتهن بجنطة...كويت ملابسه...رغم هو ميقبل اساعده...يگول انتي حامل وراح تدخلين شهرج ارتاحي احسن...بس اني ما تنطيني نفسي اشوفه وحدة يحضر غراضه...امه متحجي وياه هواي لان يعاملني زين وميأذيني...خلال وجوده هذا الشهر صدك خلاني افرح من گلبي...ووگف وياي بمواقف صدگ الاخو لاخته...واني احضر الملابس دخل كيان..

كيان/شنو تسوين؟..

ازل/احضر ملابس محمد وغراضه..

كيان/وهو وين ميحضرهن بنفسه؟..

ازل/راح للسوگ يشتري كم شغلة وشوية ويرجع...باوعلي من جوة لفوگ بطرف عينه..

كيان/كمليهن وحضري الحمام الي...عندي طلعه..

ازل/ان شاء الله...كملت غراض محمد بسرعة خاف يظل كيان بس يصرخ علية...وحضرت الحمام...وگالي اكوي قميصي الازرگ والبنطرون الاسود...مجذبت رحت حضرتهن وحت حذاءه سويتها حتى ميطلع عذر علية...ورجعت للمطبخ اشتغل...ام كيان هاليومين مو على بعضها بس تباوعلي وتمشي حتى متحجي وياي...يمكن صدك صارت زينة وياي...يا رب تحن گلوبهم علية مثل ما حنيت گلب محمد..

..............

..............

كيان/الو..

زينب/الو كيان وين صرت منتظرتك..

كيان/اجيتج بالطريق حضري نفسج..عرضت علية زينب نطلع اليوم سوة...وافقت كلت اونس نفسي وياها شوية..

زينب/محضرة نفسي من نص ساعة وحضرتك ماكو...(تحجي بدلع)..

كيان/كيان يلا حبيبتي لا تضوجين دقايق ويم بيتكم...غلقت الخط...ووصلت بيت زينب اجت صعدت..

زينب/شلونك حبيبي مشتاقتلج..

كيان/تمام حبي...لج قبل ساعتين سوة بالدوام...وين لحگتي تشتاقين..

زينب/شبيك يعني اذا مو كدام عيني ابقى اشتاقلك...ولو انت مو مال غزل...زعلت..

كيان/تحجي مثل الطفل وياي...بس متدري هذا يثيرني عليها...جريتها واخذت بوسة من شفايفها..

زينب/لك عيب منا ناس شيگولون علينا..

كيان/لج ما اتحملت اشوف هالشفايف مبرطمة ما ابوسها..

زينب/ميخالف تحمل من تزوج كلي اصير الك..

كيان/طبعا تصيرين الي...بس انتي تعرفين قراري بهل اللحظة...فاتحتني بموضوع الزواج كلتلها انتظر الفصلية تولد ابني ويصير عمره 6 اشهر اطلگها ونتزوج...بالبداية مقبلت وضاجت بعدين قنعتها ووافقت...بس الصدگ اني ميهمني الزواج منها لان طلعت سهلة وتنجر للدرب بسرعة...ما اريد هيج زوجة...بس على الاقل خلي استفاد منها...ومعندي نية اترك ازل لاي واحد غيري...هي بس الي يعجبها او ما يعجبها...هسة وين تريدين نروح؟..