متاهات الزمن

بارت #12

#متاهات_الزمن
علي الديواني
#اونو

حمراء كالورد تفتحت...شفاهها إن ابتسمت..اعذب من زلال واحلى واصفى من عسل..
سيدتي...
يا سيدتي اسمحي لي بقبلة تشفي الغليل...تفتح امامي ابواب السماء لاحلق في فضاء عينيك...اسمحي لي بقبلة تنسيني من أكون وماذا كنت...اسمحي لي بقبلة تشفي قلبي هذا..

__________________12___________

ازل/ساعة 10 ونص الصبح تقريبا كيان بالدوام ومحمد قبل ساعة راح يوصل صديقه بقيت بس اني وام كيان وام سجاد...جاي اشتغل بالمطبخ اجتني ام كيان..

ام كيان/لج الفصلية...بعصبية..

ازل/هاا عمة..

ام كيان/العمة عماج وياخذ روحج بحق محمد ونخلص منج...بالخبيث گولي يا الله..

ازل/سكتت عنها مرديت عليها..

ام كيان/سمعي لج بر**گ بعد اذا خليتي محمد يتقرب لغراض المطبخ لو يغسل مواعين خنگتج على ايدي..

ازل/دنگت راسي وبقيت ساكتة..

ام كيان/لج تتجاهليني عود احسن مني انتي..بعصبية وحرگة..

ازل/ما احس الا راشدي على وجهي وجرتني من شعري من يم السنگ بالمطبخ للصالة...هي تجر بشعري وتحاول تشلعه...من الالم ظليت ابجي بس ولا حجيت كلمة هيج ذليلة..

ام كيان/بر**گ ما مرباية اليوم اني اربيج...ابوج وامج مربوج عدل...حقهم اذا تربيتج مال شوارع..

ازل/جرتني حيل على الگاع ووكعتني واني بس ابجي ودموعي تجري...تحجي على ماما وبابا الجنت مدللة يمهم..
........

........

محمد/وصلت آدم ورجعت وبطريقي تذكرت ازل...كسرت خاطري كلش وشلون يعاملوها...اخذت شوية نساتل وحلويات وطبعا نوتيلا ما اعرف ليش البنات يعشقوها وعلى الاغلب هي هم...اشتريت هواي اشياء وخليتهم بالسيارة...ورجعت البيت اول ما وصلت باب البيت سمعت صوت صراخ امي طبيت ركض لگيتها منيمة ازل بالگلع وتجر بشعرها...ذبيت الغراض ورحتلها ركض فكيتها عنها باوعت لازل العيون ورمت من البجي وبدون اي كلمة...

ام كيان/تبجي...يمة هاي الممترباية احجي وياها تتجاهلني عبالك ان جاهلة ومو بگد امها..

محمد/كعدت على رجلية ولزمت ازل من زنودها اريد اكومها من الگاع...باوعت لامي بعصبية...من عقلج انتي...البنية الحامل وتسوين هيج بيها...متخافين الله...زين اذا صار شي بالطفل تتوقعين كيان يسكتلج..

ازل/اني ابجي ودموعي تجري بس من سمعتها تبجي من الدهشة نسيت البجي مالتي وبقيت صافنة عليها...شنو هالسرعة لا ونزلت دموع...صدگ تمساح هاي المرة...

محمد/يلا ازولة خوية گومي خلي آخذج للغرفة..

ازل/عدلت حجابي واخذني محمد لغرفته جوة...كعدني على جربايته وانطاني كلنس امسح دموعي...بس اني ابجي مثل طفلة مهضومة كلش...وهو خطية يباوع علية وعوزه يبجي وياي..