متاهات الزمن

بارت #23

#متاهات_الزمن
علي الديواني
#اونو

__________________23_________

ازل/فزيت من النوم ابني يمي بكاروكه...ماما مهيمن عبالي رحت من عندي...اسولف ويا ابني ودموعي تجري...بس فرحانة هذا طلع كله بس كابوس...كعدت عدل ردت ارضع ابني ما اكدر اوصله امد ايدي بس ما توصله ايدي...هو قريب مني كلش بس اكو شي يمنعني...اشوف لون ابني صار ازرك...ماما مهيمن اكعد...لك ماما ابجي لا تظل ساكت...اني امك لا تعوفني...لك اكعد...ابوس رجليك اكعد لا تظل نايم...ماما مهيمن مو طولت بالنوم...ابجي واصرخ اريد ابني يتحرك...ماما لحگيلي ابني مدري شبيه...لج ماما كتلو ابني...لك مهيمن اكعد لا تظل نايم اكعد...ابجي صرخ لا تظل ساكت...والله ما اضوج بعد اذا بجيت واجيك ركض بس ظل يمي اخدمك طول عمرك...بدا الكاروك يبتعد عني وابني يختفي من نظري...لا تاخذون ابني خلوه اريده لا تاخذو...ابجي واصرخ بعلو صوتي...احس نفسي انگطع بعد ما اكدر اتنفس...تمنيت اموت بهاللحظة واروح لابني..

ام سجاد/ورا ما ماعت روحه ازل...اخذوها الدكاترة لغرفة وانطوها علاجات وشدو مغذي الها...كيان وامه راحو يستلمون مهيمن...لان حولوه للطب العدلي...الدكتور مقبل يطلعة لان سمع ازل تگول لكيان انت كتلت ابني...الشرطة اجو رادو ياخذون افادتها بس لگوها نايمة...خلو شرطي واگف بالباب ينتظرها...كاعدة على كرسي يمها...بدت تحوس ووتگلب وتون...وجها گام يعرك وتتنفس بسرعة...كمت الها...ازل...يبعد گلبي...يمة ازل كعدي...فجأة گامت تبجي وتصرخ بصوت عالي...بجيت على بجيها...اني ام واعرف حبها لابنها...تگطع گلبي عليها..

الشرطي/ها يمة خيركم سمعت صوت البنية تصرخ..

ام سجاد/البنية تحلم بأبنها ومتقبل تصحى..

الشرطي/الله يساعد كل ام فاگدة ولدها...راح اصيح الدكتور الج هسة..

ام سجاد/اي والله يمة استعجل...دقايق واجا الدكتور ضربها ابرة بالمغذي هدأت وراها بدت تهدأ..

الدكتور/حالتها النفسية منهارة ديري بالج عليها نخاف تأذي نفسها...واي شي يصير دزي علينا..

ام سجاد/بقيت يمها للظهر كعدت تبجي بصوت ناصي..

ازل/ام سجاد..

ام سجاد/هاا يبعد روحي..

ازل/حبابة كوليلي كلشي صار جنت احلم ومهيمن مبيه شي...بروح اهلج كولي حلم..

ام سجاد/گلبي يتكطع عليها...اخذو اعز شي الها طفلها...انتي تعبتي يا يمة ارتاحي شوية..

ازل/وين ارتاح وين ارتاح...اخذ كلشي مني...ما خله علية شي...ورضيت سكتت وقبلت لعيون ابني ما أذيت نفسي ولا انتحرت...گلت هو فرحتي بهل الدنيا الغبرة..

الشرطي/هاا خوية كعدتي؟..السلام عليكم..

ام سجاد/وعليكم السلام..