متاهات الزمن

بارت #18

#متاهات_الزمن
علي الديواني
#اونو

__________________18________

قبل 4 أشهر...

آدم/بعد ما بقيت يوم عد اهل محمد ثاني يوم رجعت لأهلي بكربلاء...بيتنا بحي السلام يعرفوه اهل كربلاء...بس قبل لا اكمل خلي اعرفكم عن نفسي...آني آدم وعمري 24 سنة الا شوية...اعزب وممرتبط...كضيت حياتي بس دراسة من خلصت سادس معدلي اقل من قبول الصيدلة باجزاء لهذا مقبلوني بالعراق والدي طلعني للاردن ادرس صيدلة لان هي حلمي...وحالتنا الحمدلله تسمحلي ادرس بالخارج وبأي مكان...هناك تعرفت على عراقيين بس اكثر واحد حبيته هو محمد گلبه طيب وابن حلال ويشبهني هواي بالطبع...المهم بعد ما شفت زوجة اخو محمد وحبيتها من النظرة الاولى استحيت من محمد واخوه لان باوعت لزوجته بهيج نظرة...بس بداخلي تمنيت اعرفها من زمان قبل لا تتزوج كيان وتصير نصيبي...بس هذا مستحيل هسة...المهم عندي خير من الله اخوة واخوات لان والدي متزوج ثنين نسوان...بس اني اكبر اخوتي من امي اللي عدها بس 3 ولد(آني) و2 بنات وحدة متزوجة ووحدة طالبة اعدادية بعدها...وعندي 5 اخوة و3 اخوات من والدي مبية حيل اعدد اسماءهم بس علاقتنا كلش طيبة ويحبونا...امهم متوفية ووالدي تزوج امي ربتهم...بس عندي اخوة كبار بعمر امي يعني ههههه...بس هي ربت اصغر 3 بيهم...المهم وصلت البيت...طبعا بيتي اني وامي واختي وحدنا وباقي اخوتي بنفس الشارع بيوتهم...دكيت الباب..

سمر/منو هذا يدك الباب هسة الظهر ما عنده ذوق...الباب اندك حيل...اي اي اجيت اصبرلي...منو ورا الباب...تفضل منو..

آدم/غيرت صوتي...من مال الله يا عباد الله..

سمر/يااا مجدي جاينا الظهر...هسة هسة اجيبلك فلوس..

آدم/طحين..اريد طحين..

سمر/لا يا الله صايرين يتشرطون...اي هسة..

آدم/الغبية خلت الباب مفتوح ما سدته عدل...كبل دخلت وحضنتها من ورا...وصرخت صرخة ثقبت طبلة اذني...وخطية بجت من الخوف...بس من دارت وجها الي حضنتني...طبعا كمت اسمي بوجها خفت لا يصير شي بيها..

سمر/تبجي...آااادم....تصرخ...ماما آااادم اجاااا تعالي...ليش يا غبي تسوي هيج بية...

آدم/لان احبج اسوي هيج...وبستها على راسها...وعي متقبل تبطل بجي...وأحس بنبضها على كد ما يدك گلبها من الخوف...آسف حبيبتي سمورة مقصدي هيج اخوفج ردت بس افاجئج..

سمر/مصار شي حبيبي...بس والله اشتاقيتلك موت..

آدم/واني هم والله اشتاقيتلكم وبس اريد اوصل اشوفج انتي وامي..

ام آدم/سمعت صرخة سمر واني انظف بالطابق الثاني اريد اعرف بعد طريقي ما الحك...حتى الباب ميقبل بعد ينفتح...لمن انفتح الباب روحي راحت واسمع صوت سمر مرة ثانية تصيح آدم اجا بس اريد اشوف ابني...يا يمة يا يمة اجا وليدي قطعة گلبي...لزمتها وبوسته بوس مالت عمر..