#متاهات_الزمن
الكاتبة_اونو
@Nn__88nn
كيان/ بعد نص حسيت بدوخه وراسن كمت اتقيء طلعت من الحمام راسي يوجعني والدنيا تفتر بيه
ازل/جنت دانضف من يم غرفه كيان طلع من غرفته وجه اصفر وكامش رأسه راد يوكع وسندته
كيان/فقدت توازني ماحسيت الا واحد ساندني عيوني ثكلن كوه فاتحن باوعت ازل ساندتني ماكدرت احجي شي فقدت وعيي
ازل/صليت ساندته صحت ع امه وعمته رادو مراد طالع مو بلبيت ام سجاد طلعت وكفت تكسي اجه ابو تكسي سنده ويايه ونزلنا صعدنا بسياره اجيت ويا اني وأمه وعمته أخذنا للمستشفى ليداوم بيها لان اقرب شي سووله تحاليل ودخلو غسل معده وره ساعتين صحه دخلو امه وعمته اني ضليت بره خفت ادخل
ام كيان_ام مراد/الحمدلله على السلامتك يمه
كيان/شكرا الله يسلمجن ...منو جابني
ام كيان/اني وامك والفصليه جبناك تكسي
كيان/ليش مراد وين
ام مراد/عمه مراد طالع اتصلنه عليه ميلحك يوصل للبيت بسرعه
كيان/ازل بره ....مشفتها ضل بالي عليها هي سندتني اني ضخم خفت لا صارله هي وطفل شي
ام كيان/قصدك الفصليه ....أي بره
كيان/طلعن وصيحنها
ام كيان/صار وليدي....طلعنه ....طبي يل فصليه يريدج
ام مراد/موجنه كلبه صاير رهيف وياها
ام كيان/ام ابنه بعد ...هل خلك فصليه
ازل/نعم
كيان/تعالي كعدي
ازل/ها..ماشي
كيان/بعدني مادخلت وياها دخلت زينب
زينب/سلامتك
كيان/الله يسلمج .....حطيت ايدي ع ايد ازل .....ازل تعالي ساعديني اريد اكعد (سويت هيج حتى اغيض زينب)
زينب/سندته جاي تكعده....دفعته رادت توكع بلكع ....وخري اني اساعده
كيان/انتي اسمج ازل ....اني كلت ازل تساعدني
زينب/بعدني ماحجيت دخل دكتور سلام
سلام/الحمدلله على السلامه دكتورنه
كيان/الله يسلمك
سلام/دكتور....هاي تحاليلك بعد الغسل طلع عندك تسمم ليكينه ماده مجهضه وماده مسممه والحمدلله اجيت بوقت مناسب لو متاخرين جان رحت بيها
كيان/اها شكرا دكتور سلام
سلام/العفو ....هسه اعوفك ترتاح
زينب/أي اكيد هاي الفصليه هي سوت هيج تريد تنتقم منك
كيان/عصبت وعطت بيها.....زينب اطلعين بره لا اهجم المستشفى فوك راسج
ازل/ضليت ابجي والله مو اني ليش حتى انتقم انته ابو الطفل لبطني شستفاد اذا اذيتك وسويت هيج .....بعدين حاطتلك دوه اجهاض شنو قابل انته حامل حتى هيج اسوي
كيان/كافي اسكتي لا تنكتلين انتي ثانيه ....بس ركزي وياي جان عصير ليمون سالت ام سجاد مالمن كالت مو لأحد وإني شربته تعرفين المن
ازل/العصير الجان ع ميز بلمطبخ قصدك مو
كيان/أي
ازل/هذا الي
كيان/ شنو ليش دشربين هيج
ازل/اني معليه مراد جابه كتله عوفه هنا بعدين اشربه عدي شغل حتى جان مهتملي لان تعبت واعتذر مني معقوله هيج ....اني اسفه صار هيج وياك بسببي جان مفروض اني لاشربه
كيان/مراد؟!....... كافي اسكتي الله خلاني اشربه لو انتي شاربته جان راح الطفل يا فهيمه ...لاريده منج هذا الموضوع متحجي لأحد والله اذا احد دره بي حسبي الله مخلقج
ازل/ماشي
طلعت/طلعت من المستشفى ضليت افكر معقوله مراد ...أي معقوله ليش لا بس هاي لادويه لطلعت بتحليل متنباع بصيدليه الا دكتور يكتبها يعني اكو واحد وي مراد ....مرت يومين صرت زين ....مراد
مراد/ها
كيان/تعال نطلع
مراد/وين
كيان/نفتر
مراد/اوك أي ليش لا
كيان/(صديقي وحده بلبيت قررت اروح يمه)....تعال نلعب شطرنج يم صديقي اعرفك تحب الشطرنج
مراد/يله
كيان/دخلنه....نزلنه دكينه لباب فتحها كمال صديقي....اول مادخلنه ضربته ضليت اضرب بي إلا أن انتهى من الضرب جوايه ربطته ع كورسي ضليت اضربه
مراد/ولك كلب شسويتلك
كيان/العصير والي صار وياي جان مفروض كل هذا إلى ازل موو ؟
مراد/شدخلني اني بيك انته وفصليتك الكح....
كيان/طلعت المسدس سحب اقسام .....دير بالك اجذب تره ماعندي مانع أفرغ الشاجور براسك
مراد/(من الخوف حجيت) أي جان المفروض للفصليه
كيان/منو ساعدك ونطاك الادويه
مراد/والله معليه اني زينب قنعتني
كيان/زينب!.....وشلون قنعتك
مراد/قبل الصار بيوم بليل اتصلت عليه رادت اجيها ....رحتلها .......
__________
زينب/شوف اني ادري بلصار بينك وبين الفصليه واعرف شسوه بيك كيان واعرف تريد تردها اله مو ؟
مراد/أي اكيد
زينب/كيان صاير تعامله زين وي الفصليه علمود الطفل وذا تريد تكسر كيان اكسره بلطفل
مراد/شلون يعني
زينب/يعني غير تعاملك ويا الفصليه وعتذر منه ونطيها هاي لادويه واخلص الشغله
مراد/وشنو هاي لادويه
زينب/هاي تموت الفصليه والطفل بلحضه يعني حتى متلحك تكول مراد سبب
________
مراد / هذا الصار مدخلني اني
كيان/.......يتبع
البارتات الجاية للنهاية من كتابتي...علي الديواني..
أنت تقرأ
متاهات الزمن
Romanceغمضت عيوني على دلال...وفتحتهن بذل ومهانة.. ضحيت بكلشي...بس لشنو؟..وليش؟.. حرمني من كلشي...واخذ مني كلشي.. لاي ذنب؟...وشنو اقترفت؟.. @bash.iq مكتملة..
