متاهات الزمن

بارت #19

#متاهات_الزمن
علي الديواني
#اونو

كانت تمشي بهداوة...واستمع لايقاع مشيتها...فسايرها نبض قلبي...والريح تداعب خصلات شعرها وتقبل خدها...وأنا..أنا انظر بحسرة لو كنت مكان الريح لقبلت شفاهها..

________________19__________

اعتذر تأخرت بالبارت لكن ظروفي حكمت علية هيج..

بالطيارة متوجهة للأردن..

محمد/شبيك آدم المفروض انت فرحان هسة وتضحك شنو فلمك..

آدم/حمودي والله محتار...السويته صح لو غلطت..

محمد/لك بشنو غلطت انت بطران صدك...بس فهمني البنية محلوة؟..

آدم/لا حلوة..

محمد/لعد حجيها مزعج طريقة كلامها بيها شي..

آدم/بالعكس ذني يجذبنك الها..

محمد/لعد يا زوج بشنو محتار؟..

آدم/تدري اني بعدني طالب وهي طالبة هم والزواج مسؤولية شلون تتوقع نتحملها..

محمد/وشنو انت طفل متتحمل مسؤولية شواربك اثخن من مستقبلي..

آدم/محمد شبيك هذا تغيير صعب وخايف منه..

محمد/اسمع لك من تحجي هيج تحجي على اعصابي اريد اعضك من خاصرتك هسة...بابا يا ما تتحمل المسؤولية افهمني اول وتالي انت تتزوج...ومدام تفكر هيج يعني عندك حس مسؤولية..

آدم/لعد ما تتحمل المسؤولية انت وتتزوج..

محمد/اني اريد اجنبية لو روسية ما اريد عراقية..

آدم/اكعد راحة لك كمت تذب شرار...گال روسية گال...لك هاي وين تحصلها بسوگ مريدي؟..

محمد/ههههه لك تذكرها واذا ما آخذ روسية تشگ شگ..

آدم/يمعود...هسة الله كريم...خلي اشوف سالفتي..

محمد/لك شبيها سالفتك؟..

آدم/محمد ما اعرف احس نفشي تسرعت بقراري..

محمد/آدم انت تگول البنية حلوة وشخصية وطبع واهلها زينين اني لو مكانك هم اوافق... ظلينا نسولف لمن وصلنا عمان وتوجهنا للسكن...رجعنا للبيض وطماطة اووف يطبخ ازل..

آدم/ههههه هيج طبخها طيب؟..

محمد/لك مو اكلت منا انت؟...محسيت شلون طيب..

آدم/طبخ اختي اطيب ههههه..

محمد/ليش سمر الطفلة صارت تطبخ؟..

آدم/كبرت ما تبقى طفلة دوم..

محمد/ههههه اي لعد عرسوها..

آدم/تدري هي معترضة على زواجي..

محمد/ليش لك المفروض تفرحلك..

آدم/تغار علية تريدني بس الها..