متاهات الزمن

بارت #16

#متاهات_الزمن
علي الديواني
#اونو

تمنيتك..
تمنيتك الورد واشمه..
تمنيتك جاهل وابوسه ولصدري اضمه..
تمنيتك جارنا وادگن بابكم واشوفك واخجل واگولن يمه..
تمنيت اني الگمر واشوفك ليلية من السمة..

___________________16________

بعد 3 أيام من ولادة مهيمن...

ازل/بعد يوم طلعت من المستشفى للبيت...بس ام كيان حقدت علية اكثر...من كل ظنها راح آخذ ابنها منها...متدري افرح من اخلص منها ومن ابنها...بس لو تتركني لوحدي متنفث سمها علية ارتاح شوية...ام سجاد...ام سجاد..

ام سجاد/اجيت اجيت...ها بنيتي امريني..

ازل/ما يأمر عليج ظالم...بس عاونيني اروح للحمام..

ام سجاد/تدللين بنيتي من عيوني..

ام كيان/ام سجاد تعالي..

ام سجاد/هاا خية...بس آخذ ازل للحمام واجيج..

ام كيان/اكلج تعالي وتركيها شنو مگرمة متكوم وحدها..

ازل/عندي الم ووجع يصير من اوگف ومرات رجلية من الالم يخذلني فاحتاج واحد وياي يسندني...من تشوف ام سجاد تريد تساعدني...تطلع اي عذر حتى متخليها تساعدني هالحية...ام سجاد روحي لا تسويلج مشكلة..

ام سجاد/هسة اني اجيج بس اشوفها شنو تريد انتظريني..

ازل/هاي اذا تركتج بسرعة...راحت ام سجاد وگمت اني للحمام احس المسافة للحمام مئات الامتار مو كم متر بسبب الالم الفضيع...ومرات اريد اوگع بس اسند على الحايط...حتى مرات بسبب الالم اظل ابجي واتحسر...وصلت للحمام...اكو كرسي حمام خاص جابه كيان لان دكتورة كلتله تحتاجه...ما اكدر اكعد طبيعي لهذا احتاج الكرسي...وين صار اني متأكدة خليته بالحمام...دورت الكرسي ملگيته...ام سجاد...الكرسي وينه؟..

ام كيان/واحنا شنو درانا بكرسيج؟..

ازل/بس ردتها تدور الكرسي الي..

ام كيان/وشنو ناقصج انتي رجل ايد ما تدورين...ام سجاد ملتهية تنظف المضيف..

ازل/والله عندي الم ما اكدر اتحرك...بس تعاوني وترجع..

ام كيان/وشيخصني اني عندج الم او لا...يطبج مرض...كملي شغلج وحدج..

ازل/هالمرة اذا تبقى بينها وبين الجنة بس ذنبي ما اغفرلها...كرهتها كره من كل گلبي...وما اتمنالها الخير...وكلشي سوته بية بذمتها...وادري بيها هي ضمت الكرسي بعيد عني لان اني خليته ورا باب الحمام...سديت باب الحمام وكملت شغلي واني واگفة وابجي على الذلة البيها آني...والالم اللي ميرحم...سمعت صوت ابني يبجي يمكن جوعان ولازم ارضعه بسرعة...بس ما اكدر امشي وكفت بنص الطريق والالم صار اقوى واقوى اريد افقد الوعي من الالم...ام سجاد...ام سجاد..