متاهات الزمن

بارت #13

#متاهات_الزمن
علي الديواني
#اونو

__________________13________

ام أيمن/يروح وعمر ماما...يا سنين فرحها وضيم فقدها...يا دنيتي وما بيها...لج سمعيني صوتج ماما..

ازل/اسمع كلام ماما وهي تبجي...مكدر اسيطر على نفسي وابجي وياها بقينا نبجي سوة بالـ10 دقائق...ماما والله مشتاقتلكم موت..

ام أيمن/ماما كلنا مشتاقيلج وميتين عليج...شلونج انتي شلونهم وياج؟...يأذوج تاكلين تشربين؟..

ازل/الحمدلله ماما كلش زينين وياي وممخلين شي ينقصني...ومرتاحة اني لا يظل بالج علية كلشي ماكو...مثل مطلعت مدللة من يمكم اني هنا هم مدللة وكيان زين وياي..

أم أيمن/لعد ليش ميخلينا نشوفج؟..

ازل/ماما ما يحب اخوتي لهذا ميخليهم يتقربون الي..

ام أيمن/لعد ليش متتصلين؟..

ازل/ماما كتلج ميريد اي احد منكم يوصلني..

ام أيمن/لعد منين تتصلين هسة؟..

ازل/ماما شنو راح تسوين وياي تحقيق...اتصلت اريد اعرف عنكم شي مشتاقتلكم..

ام أيمن/لا تضوجين حبيبتي بس والله بالي يمج...خاف يضربوج ويأذوج وانتي عمرج كله محد مد ايده عليج ومدللتنا..

ازل/لا تخافين يروحي كيان دكتور ومثقف مو مثل الهمج اللي يضربون ويخاف الله بية...لا يظل بالج ممرتاح...بابا يمج اخوتي؟...مشتاقة اسم صوتهم..

ام أيمن/ابوج طلع مموجود واخوتج بس أيمن بغرفته...هسة اخذه اله الموبايل..

ازل/اوك ماما بس استعجلي..

ام أيمن/اي ماما...اخذت الجهاز وصعدت للطابق الثاني...دگيت الباب...لك ايمن افتح الباب..

أيمن/جنت نايم وما احس الا باب يندگ وماما تكعد بية...ماما شنو تريدين خليني وحدي..

ام أيمن/لك هاي ازل اكعد..

أيمن/بس سمعت اسم ازل...طفرت من نومي مثل الخبل وفتحت الباب...وينها؟!. وينها ازل؟!..وجه امي يضحك وتأشر على الموبايل اخذت الجهاز منها...الو...الو..

ازل/سمعت صوت أيمن متغير بسرعة بجيت...متعودة اگله حبيبي وعمري لان معتبرته اكثر من أخ...هو أخوي وصديقي وحبيبي وحتى مرات يعوضني عن بابا مدللني من جنت صغيرة...حبيبي شلونك..

أيمن/يروح حبيبج لج شلونج...

ازل/بخير اني...انت شلونك يروحي..

أيمن/ازلاني آسف والله آسف بسببي يصير بيج هيج...گلتلهم اخذو دمي ولا تاخذون حبيبتي مني..

ازل/لا حبيبي...حبيبتك تضحي علمودك واموت وراك اذا صار بيك شي...لا تخاف علية...حبيبتك قوية...بقيت اسولف ويا أيمن وماما...قريب الساعة اسولف ويا ماما وأيمن وراها اجا بابا وسولفت وياه شبعت سوالف وياهم لمن سمعت صوت كيان ودعتهم...يلا ماما اجا كيان ميرضى اتصل...وهذا جهاز محمد اخوه كلي اتصلي بأهلج...