متاهات الزمن

بارت #25 النهاية

#متاهات_الزمن
علي الديواني
#اونو

__________________25_________

بيت اهل كيان...

ام كيان/"كلها كلها من ورة هاي الساقطة...من دخلت بيتي وغيرت ولدي علية...هجمت بيتي ما خلتنا...لو ادري بيها هيج اخنگها واتخلث من شرها"..

ام مراد/"وشنو تتوقعين من ناس همج مثل اهلها...وتربيتهم سز...اول ما شفتها كتلج هاي مو راحة وصدك طلعت گحـ*ـة ما غزر بيه عايشة عدكم سنتين وتاكل من سفرتكم"..

ام سجاد/اي عايشة سنتين بجهنم يمكم وساكتة وهسة طلعت گحـ*ـة..."اليوم راح يطلع كيان العصر بدل هاي سوالفجن خلي نحضر غداه والحمام ويجي تعبان يريد ينام مو احسن من باقيات تسولفن"..

ام كيان/"انتي انتي كل ما ردت اسوي شي الها تمنعيني...منو خلاج محامي عليها...من وراج ما موتتها"..

ام مراد/"يخية وهي شعليها هي البت من ساعتها مسقطة"..

ام كيان/"اووف اوووف ابني الوگع بيها...كلتلهم ما نريد فصلية خلو الدم بالدم...بس اخوتج مقبلو...دم اخوهم رخيص عليهم"..

ام مراد/"لو ما مسوين هيج اخوتي ما جان انتهى بس بدم المرحوم...يجر وياه دم كيان ومحمد وياسر...ما تخافين على ولدج"..

ام كيان/"بس اعذار بس اعذار...هاي الفالحين بيها وابني هسة بالسجن"..

ام مراد/"اليوم يطلع ابنج وتكحلين عينج بشوفته بس انطي صبر"..

ام كيان/"الله كريم...بس كون هاي تحس باللگمة المشت بدمها وتتنازل عنه"..

...........................

زينب/هذا كيان شنو ميخاف ينفضح شكد رسلته صور ورسائل ومتوصله...غلق الحساب عباله ما اكدر اوصله مو...تدلل كيان مسوية الف حساب وحلفت اخبلك...دگ الموبايل باوعت عليه زينب.." اهوووو هم مراد...شكد غثيث هذا شيريد بعد صارله فوك الاسبوع من اتصل عبالي تركني بحالي..الو"..

مراد/"الو...صدقة لهل الصوت "..

زينب/استغفر الله مينجرع.." سولف مراد شنو تريد متصل بية"..

مراد/"لا سلامتج...بس ردت اعرف دريتي شصار بكيان مو؟"..

زينب/"شبيه كيان؟..مسمعت شي"..

مراد/"لعد انتي وياه بالدوام ومتدرين...لعد منو يدري"..

زينب/"اني انقلت عنه من زمان...سولفلي شبيه لا تضل تلف وتدور"..

مراد/"بس ردت اكلج هو حاليا بالسجن"..

زينب/"حيل يستاهل والله بس ليش؟"..

مراد/"اممم...لان كتل ابنه"..

زينب/"ويعني كل الاهالي يكتلون اولادهم يأدبوهم مو سبب هذا"..

مراد/"اكلج كتله يعني قتله يعني ابنه ميت ودفنوه ما تفهمين"..

زينب/"يااا ياا يااا عزة كيان وين وصلت بيك وموتت ابنك"..