وحدة من البنات سألت صديقتها ليش متكبلين ???
شوفي حياتج اتونسي عيشي الحب ليش باقية بهذا التعقيد
جاوبتها صديقتها : ماراح اجاوبج من جانب ديني واكلج هالشي حرام والله ميرضا بي وراح اكسر بي قلب امنا الزهراء(ع) لأن هاي مو من اخلاق بناتها لان هالشي كلنا ندري بي وراح تقولين صارت براسي خيرة
لكن راح اجاوبج من جوانب اخلاقية وواقعية وهي
اولا : شلون ينطيني قلبي اخون الشيبات الي تعبن وربني والي قدموا كل ما يملكون علمودي حتة اكبر واكون انسانة صالحة مفيدة للمجتمع وشلون اكدر اخون اب او ام او اخ يحط راسه عالمخدة وكله اطمأنان وثقة بية وبتربيتي
ثانيا : من راح اكون علاقة وية شخص اكيد راح اتعلق بي لان اغلب الاحيان ماراح اشوف منه بس جوانبه الايجابية والسلبية متبين الة بالعشرة وفي سبيل ما اخسره ابدي اقدم تنازلات وانطي او اراوي شغلات مو من حقه وبعدين يهددني بيها او يفضحني وقد توصل الى ان اسلمه جسمي وما اكثر هاي الحالات الي شايفيها بهذا وكتنا واذا صارت بعد وين انطي وجهي من الله واهلي , هو طريق خطر ليش امشي بي
ثالثا : ليش انطي قلبي لشخص ممكن بأي لحظة يرميني حالي حال ملابسه القديمه لأن الولد الصادق والمثالي والي يغار عليه ويحبني ميضل يتصل بية ويقضيها وعود وكلام فارغ رأسن يجي يخطبني ويثبت حسن نيته تجاهي
رابعا : شفنه اغلب العلاقات الي انبنت على هذا الاساس فشلت راح تكون مليئة بالشكوك لأن البنت ماعدها ثقة بالولد تقول
مثل ماكنت تحجي وياي كلام مو زين هسا هم تسوي هالشي والعكس كذلك
خامسا : اريد اظم قلبي للي يستحقه ما اريد احب بس شخص واحد وهو الي يجي يطرق الباب ومارايد الة الحلال لان اذا كنت مسوية علاقة وية رجل سابق بصعوبة راح احب زوجي وراح نقضي حياتنا بالمشاكل
سادسا : التعقيد الحقيقي هو الي يربطني بشغلات تحدد من افكاري وتخليني عايشة بعلاقة وهمية مالها نهاية مفيدة وللأسف اصبح بهذا وقتنا الي ملتزم بالدين يسموه معقد والفلتان يصير متونس وعايش حياته .
واتمنا من كل بنية قبل لا تسوي اي علاقة وي شخص خلي تفكر بهاي الأمور كلش زين ولتشغل نفسها بأمور تافهة ومالهة اي مستقبل بالعكس خلي تكون بنت مفيدة للمجتمع قوية تواجه صعوبات الحياة ترفع راس الي تعبوا بتربيتها وتخليهم يفتخرون بيها طول عمرهم . . .
اللهم صل على محمد وال محمد
