المهدي املي 💗

ليلة القدر

ليلة القدر بفهم للدور الي رب العالمين مخلينه بي ..
لكيفية اداء هذا الدور بأتقان وبأمتياز ..ليلة القدر مو بكثرة الأعمال ..
ولا بحضور التجمعات ..
ولا بأرهاق الروح ..اكثرنا حضر الليلة الأولى والثانية ..
بس الحد الان ماتغير الحد الان نفس افكارة نفس سوالفه نفس خرابيطه نفس عناده نفس مشاكله  ..

زين ليش ؟؟
ليلة القدر عظيمة بكل ما ب الكلمة من معنى
هل سؤال يحتاج نفكر بي اهواي ونسأل ارواحنا عليه

..بس اني هم رح اجاوبكم ..تعرفون ليش ؟؟

لأن احنا نريد كلشي نحصله بالدعاء وبالاعتماد ع الغير  ..

يعني اني من اريد الله يغفرلي ويسامحني ويتوب عليه .. هيج فقط بس دعاء ؟؟

لو شنو يحتاج بعد ؟؟
يحتاج احساس قوي وحاد بكل بالخطأ والذنوب يلي مسويتها ..
اكو حديث ذكرته الملا هدى البارحة كالت أعظم توبة هي من تحسين بذنبج وتخافين من الله وتخجلين لأن مسويه هل ذنوب .. ويكون عندج قرار وتنفيذ حازم بعدم إعادة هل ذنوب

رب العالمين بكل ليلة وبكل ساعة وبكل يوم من شهر رمضان يغفر ويسامح اعداد اهواي من عبيدة ...

أما بليلة القدر فيغفر ما لا تستطيع الملائكة عدهم  ..

اهواي اكلكم معرفتكم بالخطأ وبحجمة وبأثارهه النقطة المهمه للتغير ..

والا مستحيل واكولها هل جملة واني مسؤولة عن كلامي .!!

مستحيل والف مستحيل شخص يتغير وهو محاس بالخطائه وبحجمهن واثارهن...

ونفس الشي الذنوب والمعاصي
زين لعد ليش دنرجع لذنوب ؟

هاي نقطة خلصت واتمنى تفهموها .. 👆🏼

النقطة الثانية  👇🏼

خل يكون بحوزة كلبج هل مرة وانت رايحة امور خاصه والها ثقلها بس حمليها بجدية وبعزم .. واذا مو كدها لتطلبيها لأن اني اكلج رح تفشلين من اول اختبار من الله ..

شرط يتوفر عندج العزم والهمة القرار المنفذ الحازم

خل يكون عدهم ارتقاء بالمطالب او الحاجات ..

أطلبي العافية اطلبي النجاح اطلبي الرزق اطلبي الهداية .. الخ

بس ... !!

خل يكون هل مرة مطالب خاصة بينج وبين الله مطالب الها وزنها ..
يعني التغير الحقيقي الجذري يلي يقلب حياتج وكيانج وكلشي بيج ..
اطلبي الفهم للدور يلي انت بي
أطلبي العلم النافع يلي يقربج يغيرج
أطلبي المعرفة الحقيقية ..
أطلبي القرب ...
أطلبي الطاعة
مخافة الله
الاحساس ب رعايته ورعاية صاحب الزمان ..
الارتباط الفعلي الروحي ..

بس ها خلي ببالج رب العالمين رح يختبرج ع كل طلب ويشوفج انت صدك عازمة تردين هل ام أمر لو بس ترديد دعاء وتردين يجيج حاضر وجاهز ؟؟

فراح يختبرج او يبتليج ومن هسه اذكرج اي شي تمرين بي ارجعي اتذكري انت شنو طلبتي من الله ؟؟

واذا تردين صاحب الزمان يذكرج بدعائه بليلة القدر اهديله صلوات شكد متكدرين اهديله صلوات

النقطة الثالثة والمفروض تكون الأولى بس مومشكلة ..

خلي كلبج ويه صاحب الزمان اطلبي منه السماح واعتذري منه

بدل مدزون الف رسالة سامحوني وانها ليلة القدر ومن هل كلام ..
اكعدي اعتذري من صاحب الزمان حاجية بكلبج بروحج بدموعج كليليه اني وحدة هيج وهيج مسوية اني وحدة ماذيتك مقصره ساهيه مبتعدة ... الخ
بس كلبي يحبك ويريد منك العفو والسماح ويوعدك نفتح صفحة جديدة من الليلة ..

وها ارجع اكلج لطلبين شي اذا انت مرح تسوية ..
فمن تكولين للامام رح افتح صفحة جديدة وورة شوي كصيتي فلانه ورة شوي اجتي وحدة متحجي وياج وانت درتي وجهج  .. خو يمه لعد وين الحجي وين العفو  وين هذا راح ؟؟

كلبج لزمي لزم وخلي بين ايدج طلعي شكو بي ... ( حقد بغض حسد غيره انانية تملك... الخ)
فرغي تعرفين يعني شلون تفرغية؟؟
يعني تبطلين كل هاي الصفات ومصداق هل شي هم رح يظهر بسلوكج القادم ..

لتخلين عينج تجف من الدموع ..
ماجف الدموع الا لقسوة القلوب وما قست القلوب الا لكثرة الذنوب ..

فشكد متكدرين خلي دموعج تنزل اطهرج تشرح كلبج تخلي الارتباط اسرع وقوي وفعال

اخر شي
حاااااولي قدر الأماكن لتنشغلين صديقتي راحت واجت
امي اهناك اختي ذيج أستاذتي كامت كعدت ماتت رجعت ..

معليج انسي كلشي خلص انت والله وبس !!

خلي قرائنج ومفاتيح الجنان خاصات يمج واكعدي بركن بزاوية وانعزلي عن الهوسة والرايح والجاي

وحاولي لتكومين اذا مامستشعرة الإجابة والنظرة والعفو والمسامحة
من الله وصاحب الزمان ..

اتمنى لكم الاستفاده من هذا الحديث ❤

اللهم صل على محمد وال محمد