مزرعة الريان (هى الثمن )

الفصل الرابع

(الفصل الرابع )

" قرار "(الجزء الاول )

(من المواقف تبنى قراراتنا ، تكون الظروف هى الدافع والمؤثر قوى على اختيارتنا ،احيانا نكون مجبورين ومرغمين على ان ناخد قرارات خارجه عن مبادئنا وقناعتنا الشخصيه ، فى نهايه الامر هى اختيارنا )

-بصوت بوق انتباه سياره يعالى ويعالى ويزيد
-بصوته الصارخ =حاااااااااااااااسبى
ليفق من صراعه المستديم فى نومه وهو متعرق فأذع وينتبه اين هو ؟ ليجد نفسه فى حجرته التى يسودها الظلام والسواد وهو قابع على سريرة العريق الفخم ،وكانه نجده من كابوسه الدائم لتلك الحادثة التى غيرت حياته ودمرت كيانه
ليعيد انتباه يجد من كان يطرق على باب
بصوت راعد = مين؟
بصوت متقطع مرتبك = ااانى رواحة يا ازيد بيه
ازيد بنفس الصوت الهجورى = عايزة ايه يا زفتة ؟
رواحة تبتلع ريقها برعب وقد ارتعش جميع اجزاء جسمها امام غرفه هذا الطاغيه
= ح حازم بيه تحت وطالب يشوف حضرتك
ازيد بتأفف= اوووووووووووف ، خليه ينتظرنى فى غرفة المكتب
رواحة = حاضر تآمر بحاجة تانى يا بيه
ازيد بغضب = غورى من هنا
**********************
بعد نصف ساعة فى حجرة مكتب عريقة التراث ،بأثاث مصنوع من خشب فخم مدهب وفضيات أثريه ولوحات تاريخيه يدل على أنه مكتب من حقبة تاريخيه اثارية ممزوج بلمسه عصريه متطورة لما بيه من أجهزة حديثة

خلف المكتب يجلس بكتلته الضخمة وطوله الفاهر وعظمته اللامنتاهيه كأنه أحد ملوك العالم القديم ،ملامح وجهه القاسيه الحاده بحتناً

حازم بكحة شديدة = ايه يا عم على الصبح كده ، اتخنقت من ريحة سجارة الزفته دى
لينظر له أزيد بملل ويكمل سيجاره الامريكى الفخم = عايزة ايه يا حازم
حازم ومازال يكح= عايز ايه؟؟ بقى أنا جاى على مالى وشى من اسكندريه على هنا وتقولى عايز ايه ، وبعدين قولى فيه ايه المرادى ؟
ازيد وينظر لبعض الاوراق فى يد يرفع وجه وينظر له رافعاً حاجبه = ليه هو فى حاجة حصلت ؟
حازم يضيق عينه وينظر له بجد= ما انا مش عارف انت الهتقولى ، أهل البلد أول ما شافونى ،كأنهم شافوا عفريت ايه الحصل ؟
ازيد بملل= عندهم حق انت شبه العفريت فعلاً !
حازم بغضب= ازيد ما تجنننيش إيه الحصل ، وايه القفص المتعلق فى السوق الكبير ده؟
ازيد= مفيش ده سراج غراب كان عايز يلعب معايا لعبه وانا مابحبهاش ، فهبعتله قرصه ودن كده عشان يفتكر مين ازيد الريان
حازم= سراج!! سراج تانى هو مش هيتهد بقى ويسكت
ازيد= شكله مستغنى عن عمره ، اهو بدأ يلعب فى عداد عمره ،البادى اظلم
حازم= اهدأ يا ازيد مش ناقصه جنان هى ،بلاش قتل
ازيد وينفخ بشد بسيجاره = هو أنا قولت قتل!! برأة يا سيادة الرائد سابقاً ،ايه مش قادر تنسى انك كنت ظابط قبل كده
حازم بضيق = انت عارف انا سبت الشرطة ليه ، وكلامى ملهوش علاقة بحس العادل والهبل ده ، انا كل خوفى من بحر الدم والضحايا الملهاش ذنب هتروح فى الرجلين ما بينكم ، أنتم حيتان وهما شويه أسماك ضعيفه
ليبتسم ازيد بسخريه = يا أبو قلب رهيف ورقيق ، كل واحد يشيل ذنب اختياره محدش بيضرب حد على ايده ويقوله العب جنب الحيتان
حازم= ازيد ! انت عمال تضرب فى السوق وتضره جامد
ازيد= انا ما بضرش حد ، ده بيزنس يعنى الشاطر يقش(يكسب)
حازم= هى لعبه كوتشينه ده فلوس بملايين وبضاعة بالأطنان
ازيد= ملاكش دعوة انت بالحاجة دى ، البينى وبين سراج كتير صعب تفهمه
حازم= صبرنى يارب ، دلوقتى (كاظم فياض) اتصل وقالى انك عايز ممرضه جديدة
ازيد بأهتمام =ايوه عايز ممرضة جديدة وشرط تكون متزوجة وتكون خبرة عاليه، عمليه (هلال) بعد 6شهور الدكتور الجاى عرضت عليه التحاليل وهو أكد أنها تكون أول حاله يهتم بيها فى مصر
حازم= ده أكبر دكتور جراحة فى العالم صح؟
ازيد= ايوه دكتور ألمانى ،رغم أنه سنه صغير إلا خبرة عاليه وسمعته مسمعه فى العالم وإنجازاته مبهره
حازم= إن شاء الله تكون العمليه ناجحة
ازيد= يارب ، عشان كده عايز ممرضة متمرسه ومتمكنه عشان تهتم بيها
حازم= طب ليه تكون متجوزة؟ ما أى وحدة ممتازة والسلام
ازيد= لا انا مش عايز دلع وانت عارف الوضع ، وبعدين متجوزة هتكون واحدة  مسؤاله وواعيه أكتر ، وكفايه أنها ممكن تعطيها إحساس الأمومة المفقود عند هلال ، لازم إهتمام عالى دى وريثه عيله ريان الوحيدة
حازم= ليه يا عم ما انت تقدر تتجوز وتجيب عشرين عيل ويبقى عندك واحد وعشرين وريث
ازيد بوجه غاضب مشتعل بصوت صاعق= حااااااااازم!
ارتعد جسد حازم من صوت ازيد
ازيد محذرا= كلام فى الموضوع ده تانى مش عايز

ليعاند حازم لأول مرة من 7سنوات أمام ازيد ،ويقف ويضع كلتا كف  يداه على مكتب ازيد وينظر له بتحدى ظاهر
حازم بشد = اسمع انت بقى يا ازيد ، عشان الظاهر لازم حد يفوقك من ال انت فيه
مش الحادثة الحصلت من 7سنين تغير فيك كل ده ،مهما حوالت تبين أنك قاسى وجبار أنا عارف وواثق إن وراء  القشور دى قلبك الطيب ، ومش بسبب واحدة شككت فيك حاولت تظهر عكس نفسك عشان الناس تخاف منك ، انت هو نفسه ازيد العارفه من 30سنه متغيرش بتحاول تدارى بصورة تانيه
ازيد بغضب ويصفق بيده بشد= انت بتتفلسف عليا انا وتحلل شخصيتى ،برافو برررافو اوى يا حازم باشا ، اه أسف مبقاش باشا صحيح نسيت أنك سبت الشرطة بسبب موضوع امك!
ليقف حازم ويعتدل ويكور يده بغضب = انا مش هرد عليك عشان عارف أنك مش فى وعيك دلوقتى واحاسبك على الهلفطه دى
حازم= انا هروح اقعد شويه مع هلال الطفله اليتيمه السجنتها فى قصر بسبب جنونك وبعدتها عن كل الناس

ليغادر حازم وبمجرد غلقه الباب امسك ازيد طفايه السجائر الكرستال ويقذفها بالباب لتتهشم مائه قطعة ويزيد مع كل قطعة جراحه القاتلة

*******************************
لتقف ويدور حولها الظلام وهناك رياح خفيفه بارده ،فى مكان فارغ وكأنها فى صحراء خاليه
لتجد عيون ثاقبة تنظر لها وكأنها عيون ذئب مفترس ،وفجاة ترى عدة مخالب متوحشة تقترب منها وتحاول ان تؤذيها وتقترب تلك العيون المرعبه اكثر فأكثر ، وتبدأ بالهرب ومحاوله الجرى من المخالب المقطعه وتؤذيها المخالب وتقطع ايديها ،لتصرخ بصوت عالى
اااااااه
،لتسمع صوت (على) من بعيد بصريخ {احميه يا رحيل احمييييه }
لتستيقظ بفزع على سريرها وتعتدل جالسه مسنده ظهرها على السريروتضع يدها على قلبها
وتحاول اخذ انفسها عدة مرات
رحيل يتنهد = أعوذ بالله من الشيطان الرجيم ، اعوذ بالله من الشيطان الرجيم (وترددها عدة مرات)
_لتسمع صوت صريخ امها ، لتقف مفزعة وتجرى على الصالة ، لتجد شقيقها (سليم ) مضروب والدماء تنزف من فمه وملابسه متقطعة ،وامها مفزوعة ومصدمه من منظر اخيها
كما تلبستها الصدمه هى الاخرى!

قلم/خلود عبيد

ايه البيحصل ؟ اخيراا شرف ازيد بسلامته توقعتكم

ده تعويض بس انا زعلانه التفاعل ضعيف ده يكاد مش موجود اصلا

عايزة رايكم وتوقعتكم وقرب لقاء الجبابرة ههههه

المواعيد يوم ويوم