مزرعة الريان (هى الثمن )

الفصل الثامن

(الفصل الثامن )
"اللقاء" < الجزء الثانى>

كانت تنظر إلى ساعتها وتجوب الحجرة ذهاب وأياب وهى قلقة لتأخر زوجها تعدى الوقت منتصف الليل ولم يأتى من المشفى حتى الأن ، وكان آخر إتصال له منذ ساعتان يخبرها أنه مغادر وقادم للمنزل ولكن لم يأتى بعد ، تطل من نافذة المنزل عسى ان يكون جاء
حتى سمعت هدير السيارة فى الخارج ، لتسرع خارجة لمقابلته وهى فى اشد قلقها عليه

لتجرى عليه مسرعة وتطمئن عليه وتتلمس وجهه
=نادر أنت كويس يا حبيبى
لينظر إلى زوجته المحبة وهو يرى نظرة الخوف عليه كأنه طفلها الصغير = كويس يا نفس مفيش حاجة يا قلبى
نفس بقلق = آمال اتأخرت كده ليه ؟ ، انت اتصلت من ساعتين وقولت جاى ايه ال اخرك
ليضع وجهها بين كفيه  وينظر لها ويتأملها = مفيش جت حالة وانا على باب المستشفى وكان لازم اسعفها

لهدء نفس برتياح = الحمد لله افتكر جره ليك حاجة فى الطريق بعض الشر
ليقرص خدها بمرح ويبتسم = اه يا طفلتى الخوافه هههههه
*لتاخذه نفس وتدخل وتساعده فى خلع جاكت بدلته
نفس= بس أنا زعلانه منك ،كنت إتصل طمنى على الأقل
نادر= معلش يا نفس روحى ، الحالة كانت مستعجله ،ومنظر أهل الطفل  الأب والأم وهما مفزوعين يزيد الوضع صعوبه ويوتر الواحد

*لتقف نفس مثل التمثال وهى تراقب طريقة ثرد زوجها ،وتأثره الواضح وأنه لو كان اباً لاصبح أباً عظيماً
نفس بهمس كاتم = ليه هو الطفل كانت حالته سيئه لدرجه دى
نادر= نسبيا طبعاً حالته سيئه كان شارب مواد سامة (كلور) وكان لازم يتعمله غسيل معدة بسرعة
نفس= يا لطيف يارب
نادر= أمال لو تشوفى حالة أمه وهى عماله تصرخ ،وأبوه بيعيط عشانه وخايف عليه حاجة صعبه بجد
(كان يحكى بتأثر شديد  مما جعل حديثه وكلماته القليلة سكاكين تنحر نفس تجعلها تشعر بالذنب الشديد انها سبب حرمان "نادر" من طفل يقلق عليه ويرعاه ويحمل اسمه )
نفس بصعوبه وثقل= وأنته مش نفسك تبقى زيه
نادر بستغراب= زيه ازاى يعنى ؟!
نفس مبتلعه ريقها وبصعوبه= يبقى عندك ابن تخاف عليه وتقلق ويكون سندك
ليهب واقفاً بقسوة نادر= نفس ،ملهوش لازمة الكلام ده
نفس بأعين تلمع بالدموع= ليه؟! ، عشان انا مقدرش احققلك ده  أنا   بقيت عندى 34 سنة خلاص بقرب لسن اليأس يوم عن يوم ،وكل محاولتنا فشلت  للحمل، ليه يا انادر،قولتلك مائه مره طلقنى واتجوز واحدة تخلفلك حته عيل تفرح بيه ويشيل اسمك

نارد بعصبيه= يوووووه يا نفس مش بتبطلى كلام فى الموضوع ده بقالنا15سنة متجوزين وبقولهالك للمره المليون مستحيل اتجوز واحدة تانيه غيرك ،واسمك هيفضل على اسمى لغايه الموت يعنى موضوع الطلاق ده انسيه
لتسقط على ركبتها وتبكى ،ليهبط لها مسرعاً ويضمها له بحنان
نفس بصوت باكى= أتجوز يا نادر ،أنا منفعش فى حاجة
ليرتب على كتفها  نادر = أنتى مش بس مرآتى انتى حببتى وطفلتى وكل حاجة ليا ، لو عايز طفل يبقى منك وانتى امه ،غير كده انتى طفلتى زى ما بقولك مش عايز اطفال غيرك
لتهب نفس واقفه بقسوة وبصوت صارخ = طلقنى يا نادر طلقنى
ليقف نادر وبغضب=  طلاق مش هطلق يا نفس فاهمة انتى النفس البتنفسه ياريت يكون وصلك كلامى سامعة
لتسرع لتخرج الى الحجرة الاخر وهى تردد بصوت عالى = طلقنى طلقنى
ليتنهد نادر ويشعر بالحزن لما يحدث ، لايستطيع ان يتخيل ان تحل او تكون امراءة اخرى مكان نفس ، تلك التى احبها منذ كانت بخصلاتها الحمراء الصغير ونمش وجهها اللطيف ووجهها البرئ الذى يجعل منها طفله مهما مرت السنوات