مزرعة الريان (هى الثمن )

الفصل الحادي عشر

(الفصل الحادى عشر)
"عقاب"
(أن تسير تبعاً لقراراتك ، أن تخالف رائى الأخرين بقناعتك ، ألا تخاف لانتصار أنسانيتك على حساب عقابك ، إذا أنت أنسان شجاع )

*******
عندما دخلت "رحيل " حجرة  المنزل ، صعقت من المنظر الذى أمامها ،حيث خرجت منها شهقه مكتومة لمنظر "جابر"
كان طريح الفراش ،نائم على بطنه يخرج منه صوت تأنى بسيط دليلاً على الألم الملحق بيه ، ظهره عبارة عن خريطة من الجروح البعض مازال ينزف والبعض الاخر تورم والبعض التئم قليلاً ، غير الكدمات الشديد زرقها ولونها الاحمر القاتم
كأنه ناجى من أسر حرب !!
رحيل بصدمة = مين العمل فيه كده ؟
خضرة ببكاء= أزيد بيه الله يسامحه
رحيل بأنفعال = ده لازم يتعاقب ،ده مخالف للقانون مجرم همجى
خضرة بخوف= لا لا الله يخليكى ، البلد هنا كلها تبع قانون الريان محدش يقدر يتكلم
رحيل بخوف وقلق على حاله "جابر" = هو بقاله كام يوم كده
خضرة ببكاء= من إمبارح العصر كده (وتنحب بالبكاء )
لتجزع "رحيل "وتقترب منه وتحاول  ان تفحصه ، وهى ترى اختلاف الكدمات منها الجديده ومنها القديمة ، وتفحص عند يده وقدمه تجد انتفاخ وتورم مقلق
رحيل وهى تنظر لرواحة وخضرة والعم  ابو الفضل الذين كانوا يتابعون بفضول وآسئ
رحيل= فى إحتمال فيه كسر ،غير الشحوب العنده من فقد الدم لازم يتعلق له دم ومحاليل مغذية ،غير أن فيه بعض الجروح ملوثه لازم تتفتح تانى وتتطهر
مش هينفع هنا ، لازم يروح مستشفى فيها الامكانيات دى!
ليتحدث العم ابو الفضل سريعاً= لا مقدرش يخرج من هنا ، ازيد بيه آمر بحجر له فى بيته ميخرجش منه ، لو خرج هيقتله ، التقدرى تعمليه أعمليه هنا يا دكتورة غير كده مش هيحصل
رحيل بعصبيه= ما هو كده هيموت لو متعالجش بسرعة
عم ابو الفضل = يبقى ده عمره وخلص ، معلش يا دكتورة (ولا تلقوا بأيديكم إلى التهلكه ) وهو رمى نفسه بأنه خاين يبقى يستحمل بقى الهلاك الجابه لنفسه
رحيل بقلة حيلة =استغفر الله العظيم ، طيب فى صيداليه مفتوحة دلوقتى هأحتاج منها مطهر وشاش ومضاد حيوى وقطن والذى منه
رواحة سريعا = ايوه فى صيداليه البلد فاتحة 24 ساعة بآمر من أزيد بيه
رحيل بنفسها = ازيد ازيد أسمه بقى مزعج من كتر ما سمعته
رحيل = خلاص هأكتب الحاجات العايزها وربنا يسهل

***لتكتب رحيل ورقه كبيرة من المراهم والقطن والشاش والادويه والمطهرات أشياء طبيه عدة وتعطيها لعم أبو الفضل  ليذهب ليشتريهم
لتنظر الى خضرة بحزن
رحيل =اسمعى انتى عايزة مياه دافيه وقطعه قماش قطن نظيف عشان نشوف حل فى التورم ده ، وشوفى فى جبس لأن احتمال كبير كسر فى الرجل واليد وربنا يستر وما يكون شرخ لانه ساعتها هيحتاج عمليه ولو ما حصلتش هيحصل غرغرينه وبتر لا قدر الله ، ربنا يستر

**بعد مرور بعض الوقت جاء أبو الفضل بأشياء الطبيه وقد حاولت رحيل جاهدة تخفيف التورم ومسح اثار الدم الناشف عن ظهره
ابو الفضل= جبت كل حاجة بس الصيدالي قال مش فيه مخدر ، وأعطانى حقنه بتاع كده أسمها مروفين تقريباً بدالها
رحيل بضيق= يا ااا ربى لازم مخدر ، فى جروح لازم تتفتح تانى ومش هيستحمل الألم
حضرة= اعملى أى حاجة يا  دكتورة إللهى  ينجدك ، المهم يخف هو هيستحمل أى حاجة المهم ما يموت