مزرعة الريان (هى الثمن )

الفصل الخامس عشر

(الفصل الخامس عشر )
"نار"
(نار الحقد تحرق أكثر من نار الحق ، المصاب بخنجر الخيانة لا يسامح أن ترفع رايات الخذلان مرة أخرى ضده ، فأحذر أن تيقظ نار الثأر عند مخدوع لأنها ستحرقك )
***********
لتحكى "رحيل " القصة ، ويستمع لها "هلال " وهى بجوارها على الفراش ،وايضا "أزيد " الجالس على كريسي متحرك بجوار بابا الغرفة

رحيل = كان يامكان يا سعد يا أكرام ويحلى الكلام بذكر النبى عليه (ص)
هلال= عليه الصلاة والسلام
رحيل=كان فيه ولد غلبان اسمه "على " بيحب بنت أميرة اسمها " ليلى " أبوها   رجل شرير وغنى  عنده فلوس كتييير ،كان بيكره"على " ودايماً يأذيه ، بس "ليلى " كانت بتحبه أوى أوى   وكانت
لتسرح بخيالها إلى ذكرا قد مضئ عليها زمن

Flash bake
على بغناء = يا بنت السلطان حنى على الغلبان ، ده المايه فى ايديكى وعلوه عطشان ، يا بنت السلطان
لتلتف ليلى وجهها عنه بضيق وتبتعد
لتقهقه على حالهم رحيل
رحيل وهى لا تسطيع إمساك نفسها من الضحك = تررريررارا  هههههههه ، عملت ايه تانى يا عم قيس ابن الملوح
على بتذمر = والله ما عملت حاجة هى مرة واحدة  قلبت نكد كده
لتنفعل ليلى = أنا نكديه يا بشمهندس على  ، شكلك عجبك البنت الكانت واقفة معاك
رحيل بأنبهار مصطنع = بنت وااااو  ، والعة معاك يا هندسة
ليتقدم على وينكزها بذراعها= اسكتى يا حقنة انتى ، انا جيبك تهديها مش تشعليليها
لتتألم رحيل = اه ما تحاسب يا هندسة  ، وبعدين صحيح يا لولو فيه ايه ، جبتينى على ماله وشى  من كليتى على كليتك ، وقفلك المدرج وعمال يغنى مفكر نفسه عدويه(مغنى شعبى مصرى) ووجع دماغنا صوته مش حلو أصلا
ليلى = لا صوته حلو أنا بحبه
رحيل = ياااااختى وأنا مالى عندى محاضرة كمياء حيويه دلوقتى  ، وهتسجل غياب بسببكم
على بأعين طفوليه بريئه = طب أنا عملت ايه ، وأنا هأخدلك حقك منى ، شوفتى حد كريم كده
رحيل= اهو خلصينا بقى ، ليغنى تانى وأنا صدعت
ليلى= البنت الكنت واقف معاها على باب القاعة ،واقفه معاك ليه
على = بنت مين؟! ، هو أنتى جيتى كليتى
ليلى بثقة = اه وشوف خيانتك ليا يا خاين
على بسرعة = لالالاخاين ايه وبتاع ، ده طالبة عندى بتسألنى سؤال عادى يعنى
ليلى= يا سلام وأنت كل الطالبات بتسألك
على= أعمل ايه بتسأل عن حاجة فى الشرح أقولها لا ، ما تقولى حاجة يا ست رحيل آمال أنا جيبك ليه

رحيل= لا ليلى ميصحش كد ، على معيد فى الكلية ولازم يقابل مواقف كتير من دى مش كل مرة تزعلى وتقلبى وشك ، حاولى تفكرى شوية وخفى من الغيرة الصعبه دى ، أنا حسه شويه وتحبسيه فى قفص

على= يسلم لسانك يا بنت الحاج صالح ،(وينظر الى ليلى ) سمعه كلام النصحة الواعيه اعملى بيه ابوس أيدك وأيد الخلفوكى ، يا بت بحبك أنتى وبس
لتخجل ليلى وتنظر بأبتسامة بسيطة للأرض

رحيل بملل وبيديها كأنها تعزف كمان= ترريرارررا ، عصافير الحب تزقزق
Bake
وكانوا..
لتجد أن هلال قد ذهبت الى نوم عميق ، واغلق أجفن عينها إلى سبات عميق
لتملس على شعرها وتقبل جبينها ببطئ وتخلد إلى النوم جوارها
كان يتأمل منظرهم ، يشعره بمنظر أم وابنتها  ، هناك شعور تخلد فى داخله ، وأثار إضطراب عاصف بعواطفه ،استرجع حلماً كان يرسمه لأسرة لم يتمكن من بنائها !