جرحنى ولكنى احببته...بقلم فاطمة البربرى

الحلقة الثانية عشر

الحلقه الثانيه عشر
رواية جرحني ولكنى أحببته بقلم فاطمة البربرى
حسام بعد ما قرا الرساله حس انه في دوامة كبيرة ومش قادر يفكر فى حاجة ولا حتى قادر يصدق أن حب سلمى ليه مش حقيقي بس قرر انه ما يتكلمش مع سلمى في حاجة لانه عنده احساس كبير ان اللى باعت الرساله دي عايز يوقع بينهم
_وفى يوم حسام وسلمى جايين من الشغل اتفاجأوا بوجود والده ووالدته قدام باب شقتهم
حسام: أهلا يا بابا
وسلم عليهم هو و سلمى
حسام:انتو هنا من بدرى ولا ايه
خالد:لا احنا لسة واصلين حالا أنا كنت لسة رايح ارن عليك اعرفك
سلمى: منورين يا جماعه
مروة:طب روحي جهزيلنا حاجة ناكلها ع مانتكلم مع حسام شوية
سلمى: حاضر
حسام:خير يابابا في حاجة حصلت ولا ايه داليا و زياد بخير
خالد:ايوة يا حبيبي بخير انا جاى اتكلم معاك في موضوع مراتك الاولى والدتها جاتلى من يومين وقالت لي انك مش بتسال في ابنك خالص وانك مابعتلوش فلوس ابدا غير لما هى طلبت ليه كده يابنى
حسام:مانا قلتلك قبل كدة يا بابا انى مابحبهوش
مروة:انت اهبل في حد يكره ضناه لا انت كدة غلطان انت لازم تزور ابنك عشان يعرفك ماينفعش تبعد عنه كدة وبعدين مصاريفه كلها مسئولة منك انت
خالد:أنا شايف من الأفضل انك ترجع منى عشان ابنك يتربى في وسطيكو
حسام:لا طبعا استحالة أنا مش بطيقها اصلا وبعدين انا بحب سلمى ومااقدرش أعيش مع واحدة غيرها
خالد:ايوة بس لو سلمى بتحبك اكيد مش هتبعدك عن ابنك وهتوافق
سلمى جت:اتفضلو الغدا جهز
***وهما بيتغدو
خالد: سلمى هو انتى تزعلى لو حسام رجع مراته الاولى عشان ابنه؟؟
حسام بعصبية:بابا
خالد:اسكت انت,هاه ياسلمى ماردتيش يعني
سلمى:براحته عايز يرجعها هو حر بس وقتها يطلقنى
مروة: يعني انتي يرضيكى ابنه يتيتم وابوه عايش
سلمى:لا طبعا ما يرضنيش بس كل انسان وله طاقة وانا مش هاقدر أعيش معاه وعلى ذمته واحدة تانية غيرى
حسام: خلاص يا جماعه ياريت تقفلو الموضوع ده بقى وسيبونا ناكل
***اتغدو وشربو الشاى
خالد: احنا هنمشى احنا يا ابنى وفكر في الموضوع تانى عشان خاطر ابنك وابقى تعالى حتى تطمن على اختك
حسام:ليه خير مالها داليا
خالد:بقالها بقالها يومين لا بتاكل ولا بتشرب وكل شويه تتخانق مع احمد جوزها وقاعدة لوحدها علطول
حسام: خلاص باذن الله هاجى بكرة اطمن عليها
خالد: خلاص ماشى يا ابنى سلام
***حسام وسلمى في اوضتهم
حسام: مالك يا بت مبوزة كده ليه
سلمى بزهق: مفيش حاجه
حسام خدها في حضنه:حبيبة قلبي سيبك من الكلام اللي هما قالوه ده انتى متاكده انى بعشقك يعني عمرى ما هاقدر استغنى عنك انسى الموضوع ده بقى
سلمى بابتسامة رقيقه يليها حضن دافئ: بحبك اوي يا حسام
حسام بغمزة: طب ما تطفى النور ده بقى
سلمى بدلع: ليه بقى عايز حاجه
حسام:عايز انام عندي شغل بدري ومابعرفش انام في النور
سلمى: بقى كده طب قوم اطفيه انت بقى
حسام ضحك وقعدو يهزرو مع بعض شوية ونامو
**تاني يوم حسام راح الفيلا عشان يشوف اخته
مروة:اهلا حسام
حسام: ازيك يا ماما امال داليا فين
مروة:جوة في اوضتها
حسام خبط ع باب اوضة داليا
داليا: ادخل
حسام: ازيك اخبارك ايه
داليا: الحمد لله تمام
حسام: الجميل ماله بقى ايه اللي مزعله
داليا: مفيش حاجه زهقانه شوية كده
حسام: داليا انا حاولت اقرب منك كتير وكنتى دايما بتصدينى أنا عارف انك مش بتحبيني زي ما ماما علمتك
داليا والدموع في عنيها:بس أنا عمري ما كرهتك اللى جوايا ناحيتك كله حب عكس معاملتى معاك
حسام: طب مادام كده بقى يبقى تحكيلى مالك واعتبرينى صديق مش بس اخ واوعدك ان كلامك ده يبقى سر بينا
داليا انهمرت بالبكاء واترمت في حضن حسام
حسام: مالك يا حبيبتي انتي كده قلقتينى اكتر
داليا بعد صمت شوية:انا. ..انا ماستاهلش حد يحبني ماستاهلش انا مجرمة انا قتلت زياد اخونا
حسام:انتى بتقولى ايه بابا قايلى ان زياد عند عمتى بيذاكر هناك
داليا:انا اللي ضحكت عليهم وقلتلهم كده واتفقت مع عمتى
حسام:انا مش فاهم حاجه ايه اللي حصل وزياد فين دلوقتي
داليا:لما مراتك كانت هنا اتضايقت اوى من حب زياد ليها وكان يقعد معاها يحكى بالساعات ولما اتكلمت معاه قالى انه بيحبها اكتر مني لاني عمري ما حاولت افهمه وقالى أنه بيكره ماما عشان مش بتحبك وفي لحظة غضب حسيت اني عايزه اخلص منه وحطيتله في العصير جرعة مخدر كبيرة جدا واغمى عليه ووديته المستشفى وبقاله يومين في غيبوبة والدكتور قال ان الامل انه يعيش ضعيف جدا يكاد يكون مش موجود
حسام بدموع وكله ذهول: الكلام ده مش عايز حد يعرفه خالص اكتبيلى عنوان المستشفى في ورقة ع ما اعمل تليفون
-داليا كتبتله العنوان ومشى
*في بيت سلمى
جرس البيت رن فتحت الباب لقتها ملك خطيبة ابراهيم
سلمى: أهلا اتفضلي
ملك: شكرا
سلمى: اخبارك ايه وابراهيم عامل معاكى ايه
ملك: دكتورة سلمى أنا جاية اسالك سؤال وعايزاكى تجاوبينى بصراحة
سلمى: اتفضلي
ملك:انتى فعلا حامل من ابراهيم مش من جوزك
ياترى فى ايه والكلام هيطلع بجد ولاايه وزياد هيعيش ولا هيموت
توقعاتكم
#فاطمة_البربرى