جرحنى ولكنى احببته...بقلم فاطمة البربرى

الحلقة الاولى

رواية جرحنى ولكنى احببته
بقلم فاطمة البربرى
الحلقة(١)
الاول نتعرف على شخصيات الرواية:
سلمى(دكتورة اطفال)ومنى(ممرضة)أصحاب جدا من زمان
-ابراهيم(دكتور اسنان)يبقى خطيب سلمى ومخطوبين من سنة تقريبا وبيحب سلمى جدا
-حسام(دكتور جراحة)وعادل(دكتور نسا وولادة)أصحاب جدا
-د/عبدالرحمن(مدير المستشفى الخاص اللى كلهم شغالين فيها)
-اما أميرة فهى بنت عم حسام وبتحبه جدا وبتشتغل مهندسة معمارية
نبدا بقى فى قصتنا:
سلمى قاعدة فى مكتبها بعد ما خلصت الحالات اللى معاها دخل ابراهيم عندها
ابراهيم:ازيك يا حبيبتى اخبارك ايه
سلمى:مالك كدة متضايق ليه
ابراهيم:دكتور عبدالرحمن ياستى زى عادته اتاخرت شوية قعد يزعق ويشخط قدام كل الدكاترة والممرضات
سلمى:معلش يا ابراهيم مانت عارف طبعه وبعدين هو بيحب النظام,سيبك انت من ده كله بابا قالى اعزمك النهاردة ع الغدا
ابراهيم:طب كويس اوى عشان أكلمه في موضوع كتب كتابنا ويبقى بعد يومين, كدة كدة ماعدش ع الفرح غير شهر وعلشان أخرج معاكي براحتي من غير مايضايقنى بكلامه ابوكى ده صعب اوى
سلمى(بابتسامة)اتلم ياد انت ده بابا ده عسل وبعدين سيبك انت من بابا وقولى بقى هتشتريلى فستان الفرح منين
ابراهيم:انتى عايزة......
فجاه قاطعته الممرضة ندا اللى دخلت متوترة
ندا:دكتورة سلمى الدكتور عبدالرحمن عايزك ضروري وقالى خليها تيجى بسرعة
سلمى:ربنا يستر ياترى فى ايه
ابراهيم:اطمنى ياحبيبتي هههههه مش كنتى بتدافعى عنه من شوية اشربى بقى تلاقيكى عملتى مصيبة
سلمى:طب نقطنا بسكاتك انا راحة اشوف عايزنى ليه
-سلمى ذهبت لمكتب الدكتور عبدالرحمن وفى طريقها قابلت حسام
حسام: ازيك يا سلمى
سلمى:الحمد لله كويسة معلش مستعجلة اصل الدكتور عبدالرحمن عايزنى
حسام:اوك اتفضلي
عادل صاحبه جه وخبطه على كتفه وكان حسام مازال ينظر لسلمى
عادل:ايه ياعم سارح فى ايه اللى واخد عقلك
حسام: بحبها اوي ياعادل انا مش متخيل أن ممكن حد يتجوزها غيرى
عادل:انت مجنون يابنى ده فرحها بعد شهر خد اللى بتحبك ياصاحبى أميرة بنت عمك
حسام:انت عبيط يالا أنت فاكر اميره بتحبني عشان سواد عيوني دى كلبة فلوس
عادل:بمناسبة الفلوس بقى انت صحيح مزعل الحاج الوالد ليه وسايب المستشفى الكبيرة اللي عاملهالك ومزعل زباينك اللى بيحبوك وقاعد هنا تشتغل في مستشفى زى دى كل ده عشان السنيورة اللي بتحبها واللى مش معبراك اصلا وهتتجوز واحد غيرك
حسام(بعصبية):عادل اتكلم بأدب عن سلمى ماتجبش سيرتها تانى على لسانك
عادل:اولع بجاز ياعم أنا قرفت منك ومن تفكيرك العقيم ده
-فى مكتب د/عبدالرحمن
سلمى: السلام عليكم خير يادكتور
د/عبدالرحمن: وعليكم السلام اتفضلي يا دكتوره,خير ياستى الطفل زياد اللى كان عندك من يومين فاكراه
سلمى: أيوة طبعا اللي كان بيعيط كتير وتاعب والدته ده ماله
د/والدته ياستى جاتلى النهاردة وكانت عايزة تقابلك بس كان عندك حالات وقتها ومبسوطة جدا منك وبتقول أنك لما قعدتى مع ابنها واتكلمتى معاه اتغير جداً وبدأ يلعب مع اخواته وماعدش بيعيط
وع فكره الست دى جوزها رجل اعمال كبير وغنى جدا ولما عرف قرر يعمل حفلة تكريم ويكرمك فيها
سلمى(بفرحه كبيرة): بجد أنا مبسوطه جدا
د:انتى تستاهلي كل خير
-فى الحفلة وبعد أن كرمت سلمى جه حسام ناحيتها
حسام: ألف مبروك يا سلمى
سلمى: الله يبارك فيك يا دكتور
حسام وبنظرة كلها حب ورومانسيه لسلمى: سلمى انا ب...
قاطعه ابراهيم: ازيك يا حسام أخبارك ايه
حسام: الحمد لله بخير'بعد اذنكم
ابراهيم: مبروك يا حبيبة قلبي
سلمى بابتسامة: الله يبارك فيك يا حبيبي
فى اليوم التالى في المستشفى منى بتعيط جامد وبتجرى ناحية أوضة سلمى
سلمى :مالك يامنى إيه اللي حصل
منى:الحقينى ياسلمى أنا حامل
سلمى: أهدى كدة وفهمينى حامل ازاي ومن مين
منى وهى بتعيط:من الدكتور حسام
سلمى بدهشة:دكتور حسام ازاى حصل الكلام ده
منى: أنا بحب حسام من زمان واعترفتله بكدة من٣شهور وهو قالى وقتها أنه بيحبني اوى وطلب مني مرة اجيله شقته عشان يتأكد انى واثفة فيه وبحبه فعلا ورحتله وحصل اللى حصل وكنت بضعف دايما واروحله كتير بس للاسف اكتشفت أنى حامل ولما قلتله احنا لازم نتجوز عشان موضوع الحمل ده قالى أنه موافق بس بشرط
سلمى:شرط ايه
منى:أنه يتجوزك ياسلمى حسام عايزك تسيبى ابراهيم ويتجوزنى مدة وبعدين يطلقنى كان حصل بينا خلافات ويتجوزك بعدها
سلمى بدهشة:بتقولى ايه انتى مجنونه
وخلصت حلقتنا النهاردة
ياترى ايه اللى هيحصل هل سلمى فعلا هتسيب ابراهيم وتوافق ع شرط حسام عشان تنقذ صاحبتها ولاهتعمل ايه؟!!!!!
توقعاتكم بقى