جرحنى ولكنى احببته...بقلم فاطمة البربرى

الحلقة الرابعة

الحلقة الرابعة

جرحنى ولكنى أحببته بقلم فاطمة البربرى

سلمى دخلت اوضتها وقعدت مع نفسها ومش عارفه ان كانت مبسوطه عشان شافت حسام بيغير عليها ولا زعلانة عشان مد ايده عليها وضربها

_سلمى مع نفسها:طب أنا فعلا بحبه-طب ازاي-وابراهيم كان ايه-انا ماعدتش فاهمة حاجة هو أنا مين بالظبط

_اما حسام بقى قاعد فى اوضته متضايق جدا من نفسه: ازاي ضربت حبيبتى ازاى قدرت اعمل كده

وفضل طول الليل سهران وبيلوم نفسه على اللى عمله وبعدين قرر يروح لسلمى ويعتذر لها ولما راح لقى نور اوضتها مفتوح فخبط على الباب محدش رد ففتح الباب ولقى سلمى نايمة ع السرير وشعرها مفرود ع ظهرها ولابسة قميص نوم جميل جدا ساعتها اكتشف قد ايه هي جميله أكثر مما كان يتوقع

_سلمى بدهشة:ايه ده انت ايه اللي دخلك هنا أنا سمحتلك تدخل

حسام:.......

سلمى:انت يابنى آدم انت ماترد انت مابتسمعش

حسام بذهول من سحر جمالها:ايه....ايه بتقولى ايه؟؟؟

سلمى:لا والله

حسام قعد جنبها ع السرير: سلمى انا اسف ماكنش قصدي

سلمى:اطلع بره

حسام:ماتزعليش منى ياحبيبتي ماقدرتش استحمل اسمعك بتتكلمى عن واحد غيرى انا بحبك اوي يا سلمى سامحيني بالله عليكي

سلمى: موافقة بس بشرط تشيل موضوع انى اسيب الشغل ده من دماغك خالص

حسام وهو مغلوب على أمره: موافق

سلمى:طب يالا امشى بقى عشان عايزه انام

حسام (يعض على شفايفه):بس ايه الحلاوه دي ده انتى جامدة اخر حاجه

سلمى: أنا طول عمري حلوه بس أنت اللى عنيك وحشة

حسام:طب ممكن اطلب منك طلب بس توافقى

سلمى:عايز ايه انجز عايزة اتخمد

حسام:عايز انام على رجلك ممكن؟؟

سلمى بكسوف:ماشى اتفضل

حسام: متشكر

_حسام كان مبسوط جدا وهو على رجليها وهى كانت بتلعب فى شعره كان حاسس باحساس جميل ومش عايز الاحساس ده يفارقه أبدا

_وبعد حوالى ٣ساعات كان النهار طلع وحسام صحى لقى نفسه نايم على رجل سلمى وهى نايمة وهى قاعده نص قعدة كدة قام عدلها ونام جنبها ع السرير ماقدرش يروح اوضته

_وبعد ساعتين سلمى صحيت

سلمى: حسام

حسام:ايه ده انتى ايه اللي جابك هنا

سلمى: أنا بردو إيه اللي جابنى هنا (وجابت المخدة وضربته بيها بهزار وهو كمان عمل زيها وقعدو يهزرو شوية ويضحكو وبعدين راحو الشغل مع بعض)

وفي يوم سلمى صحيت بالليل وقامت عشان تشرب فلقت نور أوضة حسام شغال وسمعت صوته وهو بيقرا قرآن وكان صوته جميل جدا وفضلت لمدة شهر تصحى يوميا واكتشفت أنه كل يوم في نفس الميعاد بيقرا قرآن

_سلمى لنفسها: معقول الشخص اللي فيه كل الخير ده وكمان من يوم ما اتجوزنا وهو طيب وحنين في حقى هو نفسه الشخص اللي ضحك على منى وعمل معاها علاقة غير شرعية بغرض انه يتجوزنى_ورغم الصراع اللى كان مع نفسها ده إلا أنها بدأت تحس انه لما بيغيب عنها معظم الوقت انها تفتقده

_وفى يوم حسام جه متأخر كالعاده

سلمى بعصبية:ايه ده انا زهقت كل يوم تيجي متاخر دى بقت حاجه تقرف ايه خلاص ماليش حق انك تقعد معايا شويه ولا ايه هافضل عايشة لوحدى

_حسام وهو في قمة انبساطه:اهدى اهدى ياقلبى انتى عايزة ايه بس

سلمى:عايزة اخرج

حسام:خلاص روحي جهزى نفسك وتعالى نتعشى برة

سلمى بفرحه طفله بريئه:ايه ده بجد أنا هالبس وجاية حالا-وباسته من خده بسرعة وجريت على اوضتها

حسام حط ايده مكان بوستها وحس ان سلمى حبته

سلمى: أنا خلاص جهزت

حسام:طب يالا بينا

_وراحو مطعم وطلبوا عشا

سلمى: حسام هو انت ليك اخوات؟

حسام: أيوة لى اخت اسمها داليا كانت متجوزة قبل كدة واطلقت ودلوقتي متجوزة واحد تاني

سلمى:امال ليه عمرى ما شفتها ولا حتى في فرحنا

حسام بحزن وحاول أن يخفيه: يعني هى مشغولة شوية الله يكون في عونها

وع فكره لى اخ كمان اسمه زياد فى الثانوية العامة

سلمى: أنت الكبير بقى

حسام: بالظبط كده

سلمى:هو انت وعادل أصحاب من زمان

حسام: عادل بقى ياستى صديق عمري من واحنا في الابتدائيه

سلمى:بجد!هو فعلا شكله بيحبك اوى

_سلمى لمحت حد شبه والده حسام

سلمى: حسام مش اللى هناك دول والدتك واميره ومعاهم حد كمان شكله زياد اخوك

حسام بص وراه:ايوة فعلا طب تعالي نسلم عليهم

حسام:،ماما وحشتيني اوي-ومد ايده عشان يسلم عليها بس هي احرجته وماسلمتش عليه وسلمى لاحظت ده

مروة(مامت حسام): إيه اللي جابك هنا بتفسح السنيورة

سلمى:ازيك يا ماما اخبارك ايه

مروة: اخبارنا زفت من ساعة مانتى اتجوزتيه ياختى

حسام: طب بعد اذنك يا ماما احنا هنضطر نمشي

مروة: في داهيه تاخدك انت وهي

_سلمى مستغربه جدا من اللى حصل ده

ياترى فى ايه وازاى ام تعامل ابنها كدة

وخلصت حلقتنا النهاردة

توقعاتكم