جرحنى ولكنى احببته...بقلم فاطمة البربرى

الحلقة السادسة عشر

الحلقه السادسه عشر
حسام:ما تيجي نروح شقتنا
سلمى هزت راسها بانها موافقة
*راحو الشقة وحسام اتفاجأ بانها نضيفة ومترتبة كانهم كانو فيها امبارح وفهم ان سلمى كانت دايما بتيجي هنا وترتبها ودخلو اوضتهم
_حسام اخد سلمى في حضنه وهما شبه نايمين نص نومة كدة ع السرير
سلمى حضنته بعنف: بحبك اوي وحشتنى اوى
حسام: بتحبيني اوى يا سلمى؟؟!!بامارة ايه؟؟انك سبتينى
سلمى بعد صمت شوية والدموع في عنيها:مش انت لسة بتحبني يا حسام؟؟
حسام:لا يا سلمى انتى بالنسبة لي ام بنتى وبس
سلمى:انت كداب،وبعدين اما انت ماعدتش بتحبنى كان ايه اللي جابك معايا هنا
حسام:عادى يعنى ساعات الواحد بيحن لذكرياته القديمة
سلمى بصدمة:ايه!! يعني أنا بالنسبة لك بقيت ذكرى يا حسام
حسام:ع فكره فرحى انا واميره الخميس الجاي ابقى شرفينا
سلمى:والله،مبروك
حسام: الله يبارك فيكي
سلمى:قوم  اخرج من هنا
حسام:انتى مجنونه ده بيتى
سلمى:بيتك ايه انت كمان انا عايشه هنا بقالى سنة
حسام:سنة!! ليه كده
سلمى:بابا وماما سافروا لاخويا الكويت عشان مراته ماتت وهما هياخدو بالهم من عياله وهو في شغله،اخويا كان عاوزنى اسافر معاهم بس أنا رفضت،وماحبتش ابقى في البيت اللى فى البلد لوحدى فجيت عشت هنا
حسام بابتسامة:طب انا مش ماشي بقى وهبات هنا ده بيتى ماليش دعوه
سلمى:انت بتضحك
حسام:امال عايزانى اعمل ايه يعني اعيط
سلمى:انت بجد يا حسام فرحك يوم الخميس الجاي
حسام: بابا يا ستي هو اللى حدد الميعاد ده وصمم على جوازى من أميرة
سلمى:وانت ما رفضتش ليه
حسام: يعني لو رفضت هترجعيلى
سلمى:لا طبعا
حسام:طب خلاص وانا ايه اللي يخلينى اعيش من غير ست
سلمى:والله؟؟.....طيب مادام عايز تبات هنا خليك بقى لوحدك في الاوضة دى وانا هروح انام في الاوضة التانيه
حسام:ايه ده هنعمل تبادل حجرات ولا ايه هههه
سلمى:هههه يادمك
حسام قرب من سلمى اوى: طب ما تخليكى معايا وخلاص وماتخافيش مش هاقربلك ولا انتى مش واثقة في
سلمى: تصبح على خير يا حسام،سلام انا راحة الاوضة التانيه
-داليا واميرة بيظبطو اوضة النوم بتاعة حسام واميره لما يتجوزو
أميرة:انا مبسوطة اوى ياداليا،يااه اخيرا انا وحسام هنتجوز كنت مستنيه اليوم ده بقالى سنين،اخيرا الحلم هيتحقق وهابقى خلاص حرم دكتور حسام خالد
داليا: اميره هو أنا ممكن اسالك سؤال بس ما تزعليش منى
اميره:اسالى
داليا: هو انتى ما بتفكريش غير في نفسك وبس
اميره باستغراب: يعني ايه مش فاهمه
داليا: يعني موافقة انك تبنى سعادتك على تعاسة غيرك اهم حاجة عندك انتى عايزة ايه وبس مش مهم بقى باقي الأطراف
اميره:لا طبعا انا مش كده
داليا: طب وانتى يا اميرة سالتى حسام اذا كان هو موافق يتجوزك ولا لا،على فكره بابا اللى حدد ميعاد الفرح وغصب حسام على الجوازة دى،حسام لسة بيحب سلمى وعمره ما حبك يااميرة
أميرة بعصبية:سلمى سلمى تغور سلمى،انا بحب حسام ولما نتجوز هخليه ينسى زفتة دى ويعشقنى انا بكرة تشوفى وتقولى أميرة قالت
داليا: مفيش فايده زى مانتى اهم حاجة نفسك وبس
اميره:ماشى ياستى انا كده ريحينا بقى
*في شقه ابراهيم
ابراهيم وملك قاعدين في اوضتهم وبياكلو فشار وهما بيتفرجو على التلفزيون
ابراهيم:ملك هو انتى ليه كنتى رحتي لسلمى البيت ودار الحوار اللى حصل ده بينكم اصلا
ملك:جاتلى رسالة من مجهول ان سلمى لسة على علاقة بيك وان اللى فى بطنها منك انت
ابراهيم:امممم
ملك:بتفكر في ايه
ابراهيم: ماهو مفيش حد ليه مصلحة أنه يفرق بين حسام وسلمى غير منى بس الغريب ليه سلمى قالت انها على علاقة بى فيه حاجه غامضة في الموضوع ده
*في بيت حسام
حسام ما عرفش ينام وراح لسلمى الاوضة ودخل علطول من غير استئذان ولقى سلمى لسة صاحية وقاعدة زي ما هي بكامل لبسها وحجابها وبتعيط
حسام: سلمى انتى بتعيطى ليه
سلمى: لا مفيش ،حاجه دخلت في عيني
حسام:انتى فاكرانى فرح ولاايه،مالك يا حبيبتي
سلمى:حبيبتك
حسام:أيوة يا سلمى حبيبتى،احكيلى يا سلمى فيه ايه،ابوس ايديكي يا سلمى انا بجد تعبت من كتر التفكير،ايه اللى خلاكى تصممى على طلاقنا يا سلمى
سلمى بدموع: في يوم كنت انت في عيادتك ومنى كانت قايلالى يومها الصبح أن مامتها راحت تقعد عند خالتها اسبوع فانا قلت اروح لمنى اقعد معاها شوية واعرفها انى عرفت كل حاجة واعاتبها على اللى عملته وانهى علاقتى بيها خالص
-اول ما وصلت البيت ضربت الجرس ماحدش رد على فقلت بدل ما ارجع تاني،ادخل استناها جوة لحد ما تيجى وانا كان معايا نسخه من مفتاح شقتها كانت عطيهالى من زمان ولما دخلت لقيت على التربيزة اللى فى الصالة كمية فلوس رهيبه وشفت نور أوضة منى شغال فتحت الباب لقيت منى ومعاها......
وخلصت حلقتنا النهاردة يا ترى مين اللى كان مع منى وايه اللى هيحصل
توقعاتكم