جرحنى ولكنى احببته...بقلم فاطمة البربرى

الحلقة الاخيرة

رواية جرحني ولكنى أحببته بقلم فاطمة البربرى
الحلقه الثامنه عشر والأخيرة
-عادل كلم صاحبه وحكاله كل حاجة والموضوع مشى في سرية تامة, البوليس عمل مراقبة على منى واحمد لحد ما يمسكوهم متلبسين
##فى الفيلا
***حسام جايب بدلة جديده
حسام:داليا..داليا
داليا جاية جرى من اوضتها:ايوة ياحسام
حسام:ايه رايك بقى في بدلة العريس دى
داليا:الله جميلة اوى،ربنا يهنيك ويفرحك دايما
احمد جاى من برة: مبروك يا دكتور،ايوة كده يا عم عيش اللحظة وانسى الماضي
حسام: والله يا احمد بينى وبينك انا مش مبسوط بس أنا خلاص تعبت ومش عايز ازعل بابا وكمان فرح بتحب اميره
احمد:انت كده بتفكر صح ربنا يسعدك
**حسام وعادل مع بعض في الفيلا
حسام: ايه يا عم عادل مفيش جديد
عادل: للأسف لسة مفيش جديد
حسام:انا كنت عاوز اخلص من الموضوع ده قبل يوم الخميس
عادل باستغراب: الخميس انهى،اللى هو بعد بكرة ده
حسام:ايوة
عادل:انت مجنون يابنى أكيد مش هيحصل طبعا
حسام:طب وبعدين اعمل ايه في موضوع اميره ده
عادل:الحل انك تأجل الفرح شوية
اميره دخلت وسمعت كلمة تاجيل الفرح:لا يا حسام مش محتاج تأجل الفرح انا مش موافقه أساسا على الجوازة دى
حسام:انتى بتقولى ايه يا اميره
اميره والدموع في عينيها:انا عمري ما حبيت حد قدك يا حسام من وانا طفله صغيره وانا بعشقك وبتمنى تكون لى بس انا مش هاقدر ارتبط بيك عشان انا متاكده انك لسة بتحب سلمى وانا عشان بحبك مش عايزه اشوفك غبر انك تبقى سعيد دايما،انا خلاص كلمت عمى قلتله انى مش موافقه اتجوزك
حسام:انا متشكر اوي يا اميره
**زياد اتعرف على بنت معاه في الجامعة اسمها حبيبة وحبها جدا وكلم والده عشان يتقدملها ووالده سال عليها واتاكد انها من عيلة محترمة ووافق عليها ووعد زياد انه هيخطبهاله بعد ما يخلص امتحاناته
**ابراهيم وسلمى مع بعض في الشغل
ابراهيم: مش عارف ليه يا سلمى حاسس انك فيك حاجه متغيرة،يعنى شكلك مبسوطه كدة غير العادة
سلمى:محدش لاحظ كده غيرك انت،انت لسة بتحس بى زى زمان ياابراهيم
ابراهيم: سلمى انتى اول واصدق حب في حياتي،بس انتى ماعدتيش لى يا سلمى عشان كدة حاولت اجرب مع ملك،وبصراحة ملك إنسانة كويسة وبتحبنى وانا بحبها مش بكرهها،وانتى ذكرى بالنسبة لي بس أجمل ذكرى في حياتي
سلمى:انت شخص جميل اوي يا ابراهيم
ابراهيم:ماقلتليش بردو مبسوطه ليه
سلمى: هقولك يا سيدي،وحكتله ع كل اللي حصل
ابراهيم:ياااه،معقولة منى يطلع منها كل ده
سلمى:يالا ربنا يسامحها بقى
"*بعد شوية منى دخلت لسلمى مكتبها:
سلمى:افندم جاية ليه،عايزة تورطينى في مصيبة تانية
منى بكل غل:انتى ماتعرفيش يا سلمى انا بكرهك قد ايه،انا أساسا مابرتاحش غير وانا شايفاكى بتتعذبى كدة قدامى
سلمى: للدرجة دى بتكرهينى،ليه انا عملتلك إيه
منى: بكرهك عشان واخدة كل حاجة حلوة دكتوره وشكلك حلو ولاقية اللى يحبك ويتمسك بيكى وكل الناس بتحبك،لما ببقى ماشية معاكي يقولو سلمى واللى معاها،انا بكرهك جدا،انا لو شفتك بتموتى قدامى كده واقدر انقذك هسيبك تموتى
سلمى:ياااه معقولة فىه انسان في قلبه كمية الحقد والغل اللى عندك ده لحد،ربنا يهديكى
-منى بتكلم أحمد في التليفون: أيوة يا احمد البوس عايز يقابلنا بكرة ضروري الساعه ٨ في نفس المكان اللي بنتقابل فيه دايما
احمد: خلاص ماشى
**طبعا البوليس سمع المكالمة
منى واحمد وصلوا المكان اللي هيقابلو فيه البوس
البوس:أهلا باحمد باشا وحشتني يا راجل
احمد: خير يا باشا
البوس:شايف المخزن اللى هناك ده فيه اكبر شحنة مخدرات ممكن تشوفها في حياتك ورينا همتك بقى انت والجميل اللى معاك ده
منى: تسلم يا باشا كلك ذوق
البوليس اقتحم المكان وقبض عليهم كلهم متلبسين واحمد حاول يهرب ،ادم باشا ضرب عليه نار واتصاب ودخل المستشفى
_طبعا البوليس أضطر يقبض على سلمى لانها متورطة معاهم بالورقة اللى مضتها ومنى قالت ان سلمى هى المسؤولة عن كل حاجة
-داليا راحت لاحمد المستشفى
داليا بدموع:انا مش قادره اصدقك أن انت خدعتنى كل ده،نفسى اكون بحلم،طلقنى يا احمد
احمد: حاضر يا داليا هاطلقك بس عشان خاطري سامحيني
داليا:لو عاوزنى اسامحك فعلا قول الحقيقة أن سلمى مش مشتركة معاكم في حاجة
احمد:وانا هاعترف بكل حاجة عشان حتى ربنا يسامحنى
**سلمى خرجت من الاثم بعد شهادة احمد وحسام كان مستنيها ومعاه فرح
سلمى اول ما شافت فرح جريت عليها:بنتى حبيبتى وحشتيني اوي
فرح:وانتى كمان يا اجمل ماما
حسام :طب انا ماليش من الحب جانب ولا ايه
سلمى ابتسمت :انت الأصل يابو فرح
حسام حضنها :حبيبة قلبي وحشتيني
سلمى:وانت كمان يا حبيبي وحشنى اوى،انا مش مصدقة ان انا وانت هنرجع نعيش مع بعض تانى
حسام:ومين قالك اني هرجعك أساسا
سلمى: والله،بقى كدة
حسام: هههه بهزر يا حبيبتي
زياد خلص امتحاناته وعمل خطوبته والكل حضر
-حسام راح ناحية ابراهيم وملك
حسام: ابراهيم،سامحنى على اللى عملته معاك
ابراهيم: اسامحك ع ايه يا دوك،ده انا بشكرك عشان لولا اللى انت عملته معايا ماكنتش ارتبطت باجمل وارق واحن انسانه في الوجود،وبص لملك وكانت مبسوطه جدا من الكلام اللي قاله ابراهيم
وخلصت حكايتنا ياريت اعرف رايكم في القصة وايه اللى استفدتوه منها
#جرحنى_ولكنى_أحببته
#فاطمة_البربرى